យោងតាមក្រុមហ៊ុនវិភាគ Counterpoint Research ឱ្យដឹងកាលពីពេល ថ្មីៗកន្លងមកថា ក្រុមហ៊ុនសាំស៊ុងបច្ចុប្បន្នកំពុងតែកាន់កាប់ទីផ្សារនៅសហរដ្ឋអាមេរិក ពោលគឺបានទម្លាក់ក្រុមហ៊ុន Apple ជាទីផ្សារស្មាតហ្វូនលំដាប់ជួរមុខ ។ ក្រុមហ៊ុនសាំស៊ុងធ្លាប់យកប្រៀបលើក្រុមហ៊ុន Apple កាលពី១១ខែមុន ប៉ុន្តែឥឡូវនេះបានវ៉ាដាច់ម្តងទៀតដោយសារតែផលិតផល Galaxy S7 របស់ខ្លួន ។
យោងតាមប្រភពដដែលឱ្យដឹងថា ក្រុមហ៊ុនសាំស៊ុងមានទីផ្សារភាគហ៊ុន២៨,៨% កាលពីខែមីនា ខណៈក្រុមហ៊ុន Apple មានត្រឹមតែ២៣% ។ ការលក់ទូរស័ព្ទ Galaxy S7 របស់ក្រុមហ៊ុនសាំស៊ុងមានសន្ទុះខ្លាំងនៅទឹកដីអាមេរិក ខណៈពេលដែលទូរស័ព្ទ iPhone SE របស់ក្រុមហ៊ុន Apple មិនបានជួយស្តារមុខមាត់ឡើងវិញទេ ។
ក្រុមហ៊ុនសាំស៊ុងស្ថិតនៅលំដាប់ថ្នាក់ទី ១, Apple ឈរលេខ២ ចំណែកក្រុមហ៊ុន LG ស្ថិតនៅលំដាប់ថា្នក់ទី៣ ជាមួយនឹងទីផ្សារភាគហ៊ុន ១៧,៧% ។ រីឯក្រុមហ៊ុនចិន ZTE ស្ថិតនៅចំណាត់ថ្នាក់ទី៤ ដែលមានភាគហ៊ុន ៦,៦% និងក្រុមហ៊ុនបារាំង Alcatel ស្ថិតនៅលេខ៥មានទីផ្សារភាគហ៊ុន ៤,៥% ៕
ចែករំលែកព័តមាននេះ