ADផ្ទាំងផ្សព្វផ្សាយពាណិជ្ជកម្ម

Picture

កាន់តែ​សិច​ស៊ី​ជាង​មុន​! ស្រី​ស្អាត នី មុនីនាថ គ្រោង​បញ្ចប់​ភាព​នៅ​លីវ​ដល់​ពេល​ណា?

2 ឆ្នាំ មុន
  • ភ្នំពេញ

តារា​សម្តែង នី មុនីនាថ ហាក់បីដូចជា​ពន្យា​ពេល​យក​គ្រួសារ ដើម្បី​សាង​បាន​ជីវិត​ថ្មី​នៃ​ស្នេហា​។ ច្រើន​ឆ្នាំ​មក​ហើយ ដែល​គេ​គ្មាន​លេចឮ​ដំណឹង​សោះ​ថា តារា​មុខ​ស្រទន់ ពូកែ​ចូល​តួ​នេះ មាន​ដំណឹង​រៀប​ការ​បង្ហាញ​គេឯង​អោយ​ស្គាល់​អនាគត​ស្វាមី​។ នាង​គ្រាន់តែ​បង្ហើប​ថា

រាជធានី​ភ្នំពេញ ៖ តារា​សម្តែង នី មុនីនាថ ហាក់បីដូចជា​ពន្យា​ពេល​យក​គ្រួសារ ដើម្បី​សាង​បាន​ជីវិត​ថ្មី​នៃ​ស្នេហា​។ ច្រើន​ឆ្នាំ​មក​ហើយ ដែល​គេ​គ្មាន​លេចឮ​ដំណឹង​សោះ​ថា តារា​មុខ​ស្រទន់ ពូកែ​ចូល​តួ​នេះ មាន​ដំណឹង​រៀប​ការ​បង្ហាញ​គេឯង​អោយ​ស្គាល់​អនាគត​ស្វាមី​។ នាង​គ្រាន់តែ​បង្ហើប​ថា មាន​សង្សារ​ហើយ ជា​អ្នក​រស់នៅ​ប្រទេស​អូស្ត្រាលី ហើយនឹង​មើលចិត្ត​គ្នា ដើម្បី​សំពះ​ផ្ទឹម​។ ប៉ុន្តែ​រំលង​ទៅ​ការ​សន្យា ជាមួយ​អ្នកគាំទ្រ មុនីនាថ ហាក់​នៅ​មិន​ទាន់​មាន​ពន្លឺ​អ្វី​ទាំងអស់ នៅ​រក្សា​ភាព​នៅ​លីវ​ដល់​ពេល​ណា​ទៀត​។

នី មុនីនាថ ហាក់បីដូចជា មិនសូវ​ចង់​បើក​កកាយ​អំពី​ជីវិត​ស្នេហា​អោយ​គេ​បានដឹង​ច្រើន​សោះឡើយ បើ​ទោះជា​នាង​មាន​ម្ចាស់​បេះដូង​មើលថែ​ត្រូវចិត្ត​ក្តី​។ ខុស​ពី​គេ ដែល​មាន​គូស្នេហ៍​រមែង​បង្ហាញ​សារ​នឹករលឹក​គ្នា និង​រូបថត​នៅ​លើ​បណ្តាញ​សង្គម​យ៉ាង​ផ្អែមល្ហែម​។ ប៉ុន្តែ​តារា​ស្រគត់ស្រគំ​រូប​នេះ​វិញ គឺថា មិនសូវ​បង្ហាញ​អោយ​គេឯង​ឃើញ​ឡើយ​។ ប្រការ​នេះ​ហើយ​គេ​យល់​ថា នាង​អាច​មិន​មាន​ស្នេហា ឬ​មួយ​មិន​ចង់អោយ​គេ​ដឹង​ច្រើន ដោយសារ​តែ​ស្នេហា​ទី​២ ដែល​នាង​រើស​យក​មក​នោះ ស្ថិត​ក្នុង​ការ​ពិចារណា ស្រប​ពេល​ដែល​ចាស់ទុំ​ដឹង​ឮ​រួចរាល់​។

សភាព​ឆ្លងកាត់​ស្នេហា​បរាជ័យ​ម្តង​ទៅ​ហើយ​នោះ ទើប មុនីនាថ ខ្លាច​ជួប​រឿង​ចាស់​ឡើង​វិញ​។ ម្ល៉ោះហើយ​ទើប​នាង​ចង់​ពិសោធន៍​ស្នេហ​ទី​២​នេះ អោយ​ប្រសើរ​ជាក់លាក់​ច្បាស់​ក្នុង​ចិត្ត​សិន ទើប​រក​ពា​លា​ជ័យ​តាម​ក្រោយ​។ ហើយ​រយៈពេល​ចុង​ក្រោយ​នេះ នី មុនីនាថ ហាក់​លេងខ្លួន​ចំហរ​សាច់ ដូច​ជា​សប្បាយ​ចិត្តច្រើន ឬ​មួយ​នាង​កំពុង​ទទួល​បាន​ភាព​កក់ក្តៅ​នៃ​ចំណង​ស្នេហ៍​។ ចំណែក​បុរស​ជា​ច្រើន​នៅ​តែ​មើលឃើញ​ថា មុនីនាថ នៅ​តែ​ស្រស់​ស្អាត នាង​មាន​មន្ត​ស្នេហ៍​ណាស់​លើ​ទឹកមុខ​។

ឆ្លងកាត់​បទ​ពិសោធន៍​នៃ​ការងារ​សម្តែង​ជា​ច្រើន​ឆ្នាំ មិត្ត​ដ៏​ជិតដិត​របស់ សា​រ៉ា​យ ស​ក្ខ​ណា រូប​នេះ នៅ​បន្តការងារ​សិល្បៈ ដោយ​ទទួល​បាន​ទីផ្សារ​ភាពយន្ត​ឡើង​វិញ ក្រោយ​ពេល​សម្រាក​មួយ​រយៈ មើល​មុខរបរ​ផ្ទាល់ខ្លួន​។ រីឯ​អ្នកគាំទ្រ​វិញ នៅ​តែ​តាមដាន​ថា តើ​ឆ្នាំ​ណា​ដែល មុនីនាថ ព្រម​រៀប​ការ​អោយ​ផ្អើល​សង្គម​សិល្បៈ?​។

អត្ថបទសរសេរ ដោយ

កែសម្រួលដោយ