អាជ្ញាធរខេត្តយកអំណោយ ចែកជូនអាជីវកររងគ្រោះដោយអគ្គីភ័យ
ខេត្តកំពង់ឆ្នាំង ៖ អាជីវករលក់ដូរ នៅមាត់កំពង់ផែផ្សារក្រោម ដែលបានរងគ្រោះដោយអគ្គីភ័យ ឆេះអស់តូបលក់ដូរ ចំនួន១៤កន្លែង កាលពីទាបភ្លឺថ្ងៃទី០៧ ខែឧសភា កន្លងទៅនេះ
ខេត្តកំពង់ឆ្នាំង ៖ អាជីវករលក់ដូរ នៅមាត់កំពង់ផែផ្សារក្រោម ដែលបានរងគ្រោះដោយអគ្គីភ័យ ឆេះអស់តូបលក់ដូរ ចំនួន១៤កន្លែង កាលពីទាបភ្លឺថ្ងៃទី០៧ ខែឧសភា កន្លងទៅនេះ
ខេត្តកំពង់ឆ្នាំង ៖ អាជីវករលក់ដូរ នៅមាត់កំពង់ផែផ្សារក្រោម ដែលបានរងគ្រោះដោយអគ្គីភ័យ ឆេះអស់តូបលក់ដូរ ចំនួន១៤កន្លែង កាលពីទាបភ្លឺថ្ងៃទី០៧ ខែឧសភា កន្លងទៅនេះ ។ នៅព្រឹកថ្ងៃទី៨ គ ក្រោយកើតហេតុ១ថ្ងៃ ត្រូវបានឯកឧត្តម ឈួរ ចន្ទ័ឌឿន អភិបាលខេត្តកំពង់ឆ្នាំងដឹកនាំមន្ត្រីសាខាកាកបាទ ក្រហមខេត្ត នាំយកអំណោយរបស់សាខា និងសប្បុរសជន ទៅផ្តល់ជូនគ្រួសារអាជីវកររងគ្រោះ ដល់មាត់កំពុងផែផ្សារក្រោម ស្ថិតក្នុងភូមិផ្សារឆ្នាំង សង្កាត់កំពង់ឆ្នាំង ក្រុងកំពង់ឆ្នាំង ។
ឯកឧត្តម ឈួរ ចន្ទ័ឌឿន អភិបាលខេត្តកំពង់ឆ្នាំងបានចូលរួមសោកស្តាយ នូវការបាត់បង់ទ្រពសម្បត្តិបងប្អូនរងគ្រោះទាំង១៤ គ្រួសារ ដែលត្រូវបានអគ្គីភ័យឆាបឆេះគ្មានសល់ កាលពីម៉ោង៣ទាបភ្លឺថ្ងៃពីម្សិលមិញនេះ ។ ក្នុងនាម អាជ្ញាធរខេត្ត ក៏សូមពាំនាំនូវការចូលរួមសោកស្តាយ ពីសំណាក់ប្រមុខរាជរាដ្ឋាភិបាលមាន សម្តេច ហេង សំរិន សម្តេចហ៊ុន សែន និងសម្តេចកិតិព្រឹត្តបណ្ឌិត ប៊ុន រ៉ានី ហ៊ុន សែន ដែលជានិច្ចកាល តែងនឹករលឹក និងសោកស្តាយដល់បងប្អូនរងគ្រោះ ដោយធម្មជាតិ ទឹកជំនន់ គ្រោះរាំងស្ងួត និងគ្រោះអគ្គីភ័យជាដើម ។
ចំពោះអំណោយ របស់សាខាកាកបាទក្រហមខេត្ត ដែលបានយកមក ចែកជូនបងប្អូននៅពេលនេះ ក្នុងមួយគ្រួសារទទួលបាន អង្ករ៣០គីឡូក្រាម មី១កេះ តង់១ ត្រីខ១០កំប៉ុង ឃីត១កញ្ចប់ក្នុងនោះមាន មុង១ ភួយ១ ក្រមា១ និងសារុង១ រួមនឹងថវិកា១០ម៉ឺនរៀល ។ ក្រៅពីនោះមានថវិកាបានមកពីសប្បុរជននានា ក្នុងមួយគ្រួសារទទួលបានថវិកា ៤៩ម៉ឺនរៀលបន្ថែមទៀត។ ទោះថវិកា និងរបស់របរទាំងនេះវាមិនច្រើន សាកសម ទៅនឹងទំហំការខួចខាតរបស់បងប្អូនក៏ពិតមែន តែក៏អាចជួយសម្រាល ទុក្ខលំបាកបងប្អូនបានមួយគ្រាដែរ ។ ហើយក៏សូមបងប្អូនទាំងអស់ ចូលរួមប្រុងប្រយត្ន័ឲ្យបានខ្ពស់ ចំពោះការដាំស្ល ចរន្តអគ្គីសនី និងការចោលកន្ទុយបារីជាដើម ដែលវាអាចបង្ករឲ្យអគ្គីភ័យឆាបឆេះបាន ។
សូមរំលឹកថា អគ្គីភ័យឆាបឆេះខាងលើបានកើតឡើងនៅ វេលាម៉ោង៣ទាបភ្លឺ ថ្ងៃទី៧ ខែឧសភា ឆ្នាំ២០១៦ នៅមាត់កំពុងផែផ្សារក្រោម បណ្តាលឲ្យតូបលក់ដូររបស់បងប្អូនដែលភាគច្រើនលក់គ្រឿងទេស និងលក់អង្ករ បានឆេះខ្ទេចទាំងស្រុងចំនួន១៤តូប ដែលតាមប្រមាណ ការខាតបង់សរុបជាង១០ម៉ឺនដុល្លា ចំពោះមូលហេតុនៅមិនទាន់ច្បាស់នៅឡើយទេ តែសមត្ថកិច្ចដាក់ការសង្ស័យលើ ទុស្សេចរន្តអគ្គីសនី ហើយនេះក៏ជាការឆេះទ្រង់ទ្រាយធំលើកទី២ ហើយនៅក្នុងសង្កាត់ផ្សារឆ្នាំង ក្រុងកំពង់ឆ្នាំង បន្ទាប់ពីឆេះលើកទី១ កាលពីថ្ងៃទី២០ ខែមេសា បណ្តាលឲ្យផ្ទះ១៥ខ្នង បានឆេះខ្ទេចទាំងស្រុង ៕
ចែករំលែកព័តមាននេះ