យោងតាមអ្នកជំនាញបានបកស្រាយថា ការបំបៅដោះកូន វាមិនមែនជារឿងងាយស្រួលប៉ុន្មានទេសម្រាប់ស្ត្រីជាម្តាយពិសេសសម្រាប់ស្ត្រីដែលមានកូនដំបូង ។ ហើយអ្វីដែលកាន់តែលំបាកខ្លាំងទៀតនោះ
យោងតាមអ្នកជំនាញបានបកស្រាយថា ការបំបៅដោះកូន វាមិនមែនជារឿងងាយស្រួលប៉ុន្មានទេសម្រាប់ស្ត្រីជាម្តាយពិសេសសម្រាប់ស្ត្រីដែលមានកូនដំបូង ។ ហើយអ្វីដែលកាន់តែលំបាកខ្លាំងទៀតនោះ គឺការបំបៅដោះកូននៅពេលយប់ ព្រោះទារកដែលនៅខ្ចីតែងគេងច្រើន តែទារកខ្លះក៏យំច្រើន ហើយត្រូវការបៅក៏ច្រើនដែរគឺរំខានសព្វបែបយា៉ងជាហេតុធ្វើឲ្យអ្នកម្តាយមានការលំបាកខ្លាំងក្នុងការក្រោកមកបំបៅដោះ និងបំពេលួងលោមកូនដោយប្រការផ្សេងៗ ។ ដូច្នេះដើម្បីជួយរំលែកដល់ការលំបាកខ្លះ ស្ត្រីជាម្តាយគួរអនុវត្តតាមវិធីខាងក្រោម ៖
-គួរឲ្យទារកគេងនៅក្បែរខ្លួន ឬគេងនៅលើគ្រែជាមួយអ្នកម្តាយផ្ទាល់ ព្រោះអាចធ្វើឲ្យទារកទទួលបានភាពកក់ក្តៅពីម្តាយ និងអាចឲ្យបំបៅដោះភ្លាមៗនៅពេលកូនតូចស្រេកឃ្លាន ។
-ដើម្បីសុវត្ថិភាពគួរតែគេងលើគ្រែដែលមានទំហំធំ និងគួរមានពូកផងដើម្បីងាយស្រួលនៅពេលកម្រើកខ្លួន ឬរើបម្រះកុំឱ្យរំខានដល់ទារក ។
-គួរប្រើអំពូលភ្លើងដែលមានពន្លឺតិចជាងភ្លើងអំពូលវែង (អំពូលភ្លើងរាត្រីដាក់នៅក្នុងបន្ទប់) ដើម្បីឲ្យទារកដឹងថាជាពេលរាត្រី មិនមែនជាពេលថ្ងៃ និងមិនត្រូវនាំគ្នាជជែក ឬមានសំឡេងរំខាននៅពេលទារកកំពុងគេងនោះទេ ។
-ពិសេសស្ត្រីជាម្តាយបើសិនជាចង់ធ្វើកិច្ចការអ្វីមួយ គួរតែធ្វើដោយថ្នមៗ មិនគួរឱ្យមានសំឡេងឮខ្លាំងនាំឲ្យរំខាន់ដល់ទារក ។ ព្រោះបើសិនជាការរំខាន់កើតមានញឹកញាប់អាចបង្កឱ្យប៉ះពាល់ដល់ដំណេករបស់ទារក និងអាចជាទម្លាប់ទោះបីជាមិនមានសំឡេងរំខាន់ក៏ទារកយំដែរ ។
-អ្នកមិនចាំបាច់ផ្លាស់ប្តូរខោទឹកនោមរបស់ទារកញឹកញាប់ពេកទេ លើកលែងតែខោមានលក្ខណៈសើមខ្លាំង ដែលចាំបាច់ត្រូវតែដូរ ។ ក្នុងករណីនេះដែរ បើសិនជាកូនអ្នកមានការរលាកមិនគួរស្លៀកខោទឹកនោមឲ្យទេ គួរទុកគូទគេឱ្យនៅទទេស្អាតខណៈពេលគេដេកដើម្បីខ្យល់ប៉ះពាល់បានគ្រប់គ្រាន់ ។
-បើសិនជាអ្នកបំបៅដោះកូននៅពេលយប់ដោយការអង្គុយ ត្រូវតែមានវត្ថុអ្វីជាជំនួយដើម្បីផ្អែកឬទប់ខ្លួនឲ្យបានស្រួលបួល ហើយបន្ទាប់ពីបំបៅដោះកូនរួច ត្រូវដាក់ផ្តេកកូនឲ្យនៅក្បែរខ្លួនអ្នកជានិច្ច ។
-វិធីដែលល្អបំផុតក្នុងការបំបៅដោះកូននៅពេលយប់គួរដាក់ទារកឱ្យដេកកើយលើដៃរបស់អ្នកម្តាយ ដែលអាចធ្វើឲ្យអ្នកនិងទារកគេងលក់ព្រមជាមួយគ្នាខណៈពេលកំពុងបំបៅ ៕
ចែករំលែកព័តមាននេះ