ខេត្តស្វាយរៀង ៖ គិតមកត្រឹមរសៀលថ្ងៃទី៧ ឧសភា ២០១៦ នេះ ខ្យល់កន្ត្រាក់បានវាយបំផ្លាញផ្ទះ និងសម្ភាររបស់អ្នកយកព័ត៌មានជាលើកទី២ ក្រោយពីលោកបណ្ឌិតកែរ រដ្ឋា អនុប្រធានក្រុមការងារចុះជួយក្រុងស្វាយរៀង និងលោកកែវ ចាន់លី
ខេត្តស្វាយរៀង ៖ គិតមកត្រឹមរសៀលថ្ងៃទី៧ ឧសភា ២០១៦ នេះ ខ្យល់កន្ត្រាក់បានវាយបំផ្លាញផ្ទះ និងសម្ភាររបស់អ្នកយកព័ត៌មានជាលើកទី២ ក្រោយពីលោកបណ្ឌិតកែរ រដ្ឋា អនុប្រធានក្រុមការងារចុះជួយក្រុងស្វាយរៀង និងលោកកែវ ចាន់លី ប្រធានមន្ទីរព័ត៌មានខេត្ត និងអ្នកយកព័ត៌មានប្រចាំខេត្តស្វាយរៀង បានរួមគ្នាយកអំណោយជាថវិកា និងសម្ភារមួយចំនួន ទៅជូនលោកថត ភារៈ អ្នកយកព័ត៌មានឲ្យទូរទស្សន៍ប៉ុស្តិ៍លេខ៩ ប្រចាំខេត្តស្វាយរៀង កាលពីព្រឹកថ្ងៃដដែលនេះ ដែលរងគ្រោះដោយសារខ្យល់កន្ត្រាក់ វាយបំផ្លាញផ្ទះខូចខាតទាំងស្រុង កាលពីថ្ងៃទី៥ ឧសភា។
សប្បុរសជនដែលបានជួយឧបត្ថម្ភរួមមាន ៖
សូមបញ្ជាក់ថា កាលពីវេលាម៉ោង៤និង១៥នាទីរសៀលថ្ងៃទី៥ ឧសភា ២០១៦ មានភ្លៀងផ្គរ ខ្យល់កន្ត្រាក់ រលំផ្ទះ និងរបើកដំបូលសរុប ១៩២ខ្នង របើកដំបូលកីឡដ្ឋានខេត្តស្វាយរៀង ប្រវែងជាង១០០ម៉ែត្រ របើកដំបូលសាលារៀន១ខ្នង បាក់ដងទងសាសនា២ដើម និងរន្ទះបាញ់ងាប់ក្របី២ក្បាល ក្នុងនោះដែរក៏មានផ្ទះលោកថត ភារៈ អ្នកយកព័ត៌មានទូរទស្សន៍ប៉ុស្តិ៍លេខ៩ មួយខ្នង សង់អំពីឈើប្រកស័ង្កសី ដួលរាបដល់ដីខ្ទេចខូចខាតទាំងស្រុង ។
ដោយសារជីវភាពក្រីក្រ គ្មានលទ្ធភាពសង់ផ្ទះសម្បែងឡើងវិញ ជនរងគ្រោះលោកថត ភារៈ សូមអំពាវនាវរកសប្បុរសជនជួយសង្គ្រោះសង់ផ្ទះមួយខ្នងទំហំ៥គុណ៧ម៉ែត្រឡើងវិញ (ប៉ាន់ស្មានប្រមាណ ៣០០ដុល្លារ) ដើម្បីឲ្យប្រពន្ធ-កូន និងម្តាយចាស់ជរា បានរស់នៅផង ៕
សូមសប្បុរសជនមេត្តាជួយឧបត្ថម្ភតាមសទ្ធាដោយក្តីអនុគ្រោះ តាមរយៈលេខ 012 182 77 61 ។
ចែករំលែកព័តមាននេះ