ឃាត់ខ្លួនជនជាតិកូរ៉េម្នាក់ ពីបទលាក់់ខ្លួនគ្មានលិខិតឆ្លងដែន
ខេត្តកំពង់ស្ពឺ ៖ ជនជាតិកូរ៉េម្នាក់ត្រូវបានឃាត់ខ្លួន ហើយបំពេញបែបបទបញ្ជូនត្រឡប់ទៅស្រុកវិញបន្ទាប់ពីលាក់ខ្លួនរស់នៅក្នុងទឹកដីខេត្តកំពង់ស្ពឺអស់រយៈពេល៤ឆ្នាំរួចមក។
ខេត្តកំពង់ស្ពឺ ៖ ជនជាតិកូរ៉េម្នាក់ត្រូវបានឃាត់ខ្លួន ហើយបំពេញបែបបទបញ្ជូនត្រឡប់ទៅស្រុកវិញបន្ទាប់ពីលាក់ខ្លួនរស់នៅក្នុងទឹកដីខេត្តកំពង់ស្ពឺអស់រយៈពេល៤ឆ្នាំរួចមក។
ខេត្តកំពង់ស្ពឺ ៖ ជនជាតិកូរ៉េម្នាក់ត្រូវបានឃាត់ខ្លួន ហើយបំពេញបែបបទបញ្ជូនត្រឡប់ទៅស្រុកវិញបន្ទាប់ពីលាក់ខ្លួនរស់នៅក្នុងទឹកដីខេត្តកំពង់ស្ពឺអស់រយៈពេល៤ឆ្នាំរួចមក។ ការឃាត់ខ្លួននេះធ្វើឡើងនៅរសៀលថ្ងៃទី៦ ខែឧសភា ឆ្នាំ២០១៦នៅក្នុងដីចំការមួយកន្លែងស្ថិតក្នុងភូមិអាញាសេះ ស្រុកថ្ពង ខេត្តកំពង់ស្ពឺ។ លោកឩត្តមសេនីយ៍ត្រី សម សាមួន ស្នងការរងនគរបាលខេត្តបានឲ្យដឹងថា ជនជាតិកូរ៉េរូបនេះឈ្មោះ ក្វាក ក្វុនយ៉ុង ភេទប្រុស អាយុ៦០ឆ្នាំបន្ទាប់ពីធ្វើការស្រាវជ្រាវលើជនជាតិកូរ៉េនេះឃើញថា គាត់បានមករស់នៅក្នុងខេត្តកំពង់ស្ពឺនេះអស់រយៈពេល៤ឆ្នាំកន្លងមកហើយ។ ការមករស់នៅរបស់គាត់គឺពុំមានលិខិតបញ្ជាក់អ្វីទាំងអស់ ជាពិសេសគឺលិខិតឆ្លងដែនតែម្តង។
ក្រោយពីឃាត់ខ្លួនកម្លាំងរបស់លោកបានកសាងឯកសារតាមនីតិវិធីដើម្បីបញ្ជូនទៅកាន់អគ្គនាយកដ្ឋានអន្តោប្រវេសន៍បញ្ជូនបន្តត្រឡប់ទៅស្រុកកំណើតវិញ។ មតិប្រជាពលរដ្ឋបានលើកឡើងថា តើគាត់ចូលមកស្រុកខ្មែរហើយបន្តមករស់នៅក្នុងខេត្តកំពង់ស្ពឺនេះដោយរបៀបណា?បើសូម្បីតែលិខិតសម្គាល់មួយសន្លឹកក៏គ្មានផងនោះ។ ប្រជាពលរដ្ឋរស់នៅក្នុងភូមិជាមួយគ្នាបានប្រាប់ថាគេឃើញជនជាតិកូរ៉េម្នាក់នេះរស់នៅច្រើនឆ្នាំមកហើយមិនដែលឃើញធ្វើដំណើរចេញទៅណាឡើយ។ ក្រោយមកក៏មានអ្នករាយការណ៍ទៅសមត្ថកិច្ចអោយចុះមកពិនិត្យឯកសារ។ ដូចការគិតមិនខុសឡើយក្រោយពិនិត្យទើបដឹងថាជនជាតិកូរ៉េម្នាក់នេះរស់នៅក្នុងភូមិឃុំខាងលើមិនមានលិខិតស្នាមពិតមែន ៕
ចែករំលែកព័តមាននេះ