រាជធានីភ្នំពេញ ៖ មន្ត្រីស្ថានទូតនានាប្រចាំនៅព្រះរាជាណាចក្រកម្ពុជា កាលពីល្ងាចថ្ងៃទី៥ ឧសភា ២០១៦ បានបញ្ជាក់ថា ស្ថានទូតមិនលូកដៃចូលក្នុងបញ្ហានយោបាយរបស់ប្រទេសកម្ពុជា ការលើកឡើងនេះនៅក្នុងជំនួបលើកដំបូងមួយជាមួយលោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៅទីស្តីការក្រសួងការបរទេស។
លោកជុំ សុន្ទរី អ្នកនាំពាក្យក្រសួងការបរទេសបានប្រាប់អ្នកកាសែតក្រោយពីកិច្ចប្រជុំបិទទ្វារប្រហែល១ម៉ោងថា តំណាងអ្នកការទូតបានលើកឡើងថា ឯកអគ្គរដ្ឋទូតប្រចាំនៅកម្ពុជា មិនបានលូកដៃចូលផ្ទៃក្នុងរបស់កម្ពុជាទេ។ ការថ្លែងរបស់លោកអ្នកនាំពាក្យតបនឹងសំណួររបស់អ្នកកាសែតដែលបានសួរថា តើក្នុងកិច្ចប្រជុំនោះ មន្ត្រីការទូតបានលើកឡើងពីការចាប់ខ្លួនមន្ត្រីគណបក្សនយោបាយ និងសង្គមស៊ីវិលដែរទេ?
អ្នកពាក្យក្រសួងការបរទេសលើកឡើងថា ក្នុងជំនួបប្រមាណ១ម៉ោងរបស់លោករដ្ឋមន្ត្រីការបរទេស និងមន្ត្រីការទូតទាំងអស់មិនបានលើកឡើងពីស្ថានភាពនយោបាយ ឬការចាប់ខ្លួនមន្ត្រីសង្គមស៊ីវិល និងអ្នកនយោបាយកម្ពុជាទេ។ ជាក់ស្តែងអ្នកការទូតគោរពអធិបតេយ្យភាពរបស់កម្ពុជា អ្នកការទូត និងមិនលើកឡើងចំពោះបញ្ហាផ្ទៃក្នុងកម្ពុជាទេ។
លោកជុំ សុន្ទរី បានលើកឡើងថា កិច្ចប្រជុំនេះ ក៏មានមន្ត្រីតំណាងអង្គការសហប្រជាជាតិចូលរួម និងមានវត្តមានអ្នកការទូតទាំងអស់នៅកម្ពុជា សរុប២៩រូប បានជួបប្រជុំជាលើកដំបូងកាលពីថ្ងៃទី៥ ឧសភា បន្ទាប់ពីលោកទេសរដ្ឋមន្ត្រី ប្រាក់ សុខុន ត្រូវបានទទួលតួនាទីជារដ្ឋមន្ត្រីក្រសួងការបរទេស។
ចែករំលែកព័តមាននេះ