វិស័យឧស្សាហកម្មដែករបស់ចិនបានរើបឡើងវិញក្នុងខែមេសា
ប្រទេសចិន ៖ ឧស្សាហកម្មដែករបស់ចិនបានរើបឡើងវិញនៅក្នុងខែមេសា ។ នេះបើតាមសន្ទស្សន៍អ្នកគ្រប់គ្រងបញ្ជាទិញលើវិស័យឧស្សាហកម្មដែក ដែលបានឱ្យដឹងកាលពីពេលថ្មីៗនេះ ។
ប្រទេសចិន ៖ ឧស្សាហកម្មដែករបស់ចិនបានរើបឡើងវិញនៅក្នុងខែមេសា ។ នេះបើតាមសន្ទស្សន៍អ្នកគ្រប់គ្រងបញ្ជាទិញលើវិស័យឧស្សាហកម្មដែក ដែលបានឱ្យដឹងកាលពីពេលថ្មីៗនេះ ។
សន្ទស្សន៍គ្រប់គ្រងការបញ្ជាទិញបានកើនឡើង៧,៦ពិន្ទុពីមួយខែទៅមួយខែ រហូតដល់៥៧,៣ពិន្ទុក្នុងខែមេសា ។ នេះបើតាមការបញ្ជាក់របស់គណៈកម្មការដឹកជញ្ជូនដែក ។ វាជាលើកដំបូងហើយដែលសន្ទស្សន៍គ្រប់គ្រងទំនិញរបស់ចិនមានពិន្ទុ៥០ នៅក្នុងរយៈពេលពីរឆ្នាំកន្លងមក ដែលបានកើនឡើងខ្ពស់បំផុត បើគិតចាប់ពីខែមីនា ឆ្នាំ២០១៣មក។
ការផលិត និងតម្លៃបានកើនឡើងក្នុងរយៈពេលពីរបីខែកន្លងមកនេះ ។ សន្ទស្សន៍នៃផលិតកម្មដែកបានកើនឡើង១០,៦%ក្នុងខែមីនា រហូតដល់៦០,៤% ដែលនេះគឺជាការកើនឡើងខ្ពស់ បើគិតចាប់តាំងពីខែមីនា ឆ្នាំ២០១៣មក។ ចំណែកតម្លៃដែកនៅលើទីផ្សារសៀងហៃវិញ បានរើបឡើង៥២,៥%នៅឆ្នាំនេះ ស្មើនឹង៤៥២ដុល្លារក្នុង១តោន ។
ចំពោះការឡើងថ្លៃនៃតម្លៃដែកនេះ បានធ្វើឲ្យក្រុមហ៊ុនដែករបស់ចិន ៩៦ក្រុមហ៊ុនទទួលបានប្រាក់ចំណូលសុទ្ធចំនួន២១៩,៦ប៊ីលានយន់ និងប្រាក់ចំណេញសុទ្ធ២,៦ប៊ីលានយន់សម្រាប់ខែមីនា ។ នេះគឺប្រាក់ចំណូលដំបូង បើគិតចាប់តាំងពីពាក់កណ្តាលឆ្នាំ២០១៥ មក ។
យោងតាមទិន្នន័យផ្លូវការបានបង្ហាញថា ការវិនិយោគលើផ្នែកអចលនទ្រព្យបានកើនឡើង៦,២%ពីមួយឆ្នាំទៅមួយឆ្នាំ នៅត្រីមាសទី១នេះ ខណៈការសាងសង់កើនឡើង១៩,៦% ដែលជាកត្តាជួយជំរុញដល់សកម្មភាពពាណិជ្ជកម្មដែក ៕
ចែករំលែកព័តមាននេះ