ដោយសារតែរសជាតិដ៏ឆ្ងាញ់និងក្លិនដ៏គួរឱ្យចង់ទទួលទាន ល្ពៅជាអាហារដ៏ជាទីពេញចិត្តសម្រាប់មនុស្សភាគច្រើន ។ វាជាបន្លែមួយប្រភេទដែលអាចច្នៃបានច្រើនយ៉ាងរាប់ចាប់តាំងពីប្រើជាមូលដ្ឋានគ្រឹះសម្រាប់អាហារ
ដោយសារតែរសជាតិដ៏ឆ្ងាញ់និងក្លិនដ៏គួរឱ្យចង់ទទួលទាន ល្ពៅជាអាហារដ៏ជាទីពេញចិត្តសម្រាប់មនុស្សភាគច្រើន ។ វាជាបន្លែមួយប្រភេទដែលអាចច្នៃបានច្រើនយ៉ាងរាប់ចាប់តាំងពីប្រើជាមូលដ្ឋានគ្រឹះសម្រាប់អាហារ ជាបង្អែម និងជាឱសថព្យាបាល ។
១-សមាសធាតុសំខាន់ៗនៅក្នុងល្ពៅ៖ ដោយមានសាច់ពណ៌លឿងឆ្អៅ ផ្លែល្ពៅសម្បូរទៅដោយសមាសធាតុប្រឆាំងនឹងអុកស៊ីដកម្មព្រមទាំងបេតាការ៉ូតែន (Beta-carotene) អាល់ហ្វា ការ៉ូតែន (Alpha-carotene) សារធាតុសរសៃ វីតាមីន C និង E ប៉ូតាស្យូម ម៉ាញេស្យូម និងអាស៊ីត Pantothenate ឬវីតាមីន B5 ។
២-អត្ថប្រយោជន៍សុខភាពរបស់ល្ពៅ ៖ បេតាការ៉ូតែនគឺជាវីតាមីនមួយប្រភេទដែលអាចបំលែងដោយរាងកាយទៅជាវីតាមីន A ។ វីតាមីន A នេះជួយជំរុញភ្នែកឱ្យមានសុខភាពល្អ និងធ្វើឱ្យប្រាកដនូវមុខងារប្រព័ន្ធការពាររាងកាយ ។ លើសពីនេះទៀត បេតាការ៉ូតែនក៏អាចជួយប្រឆាំងនឹងការរលាកស្បែកបណ្តាលដោយកម្ដៅព្រះអាទិត្យបានផងដែរ ។ ចំណែកអាល់ហ្វា ការ៉ូតែនត្រូវគេគិតថា ជួយបន្ថយភាពចាស់ទៅតាមអាយុ ក៏ដូចជាកាត់បន្ថយអត្រាកើតមានជំងឺភ្នែកឡើងបាយ និងទប់ស្កាត់ការដុះដុំសាច់ផងដែរ ។
រីឯសារធាតុសរសៃវិញត្រូវគេដឹងថាជួយកាត់បន្ថយកម្រិតខ្លាញ់កូឡេស្តេរ៉ូលអាក្រក់(LDL Cholesterol) ការពាររាងកាយប្រឆាំងជំងឺបេះដូង ជួយគ្រប់គ្រងកម្រិតស្ករក្នុងឈាម ជំរុញប្រព័ន្ធរំលាយអាហារឱ្យមានសុខភាពល្អ និងដើរតួនាទីយ៉ាងសំខាន់ក្នុងការបញ្ចុះទម្ងន់ ។
ប៉ូតាស្យូមនៅក្នុងផ្លែល្ពៅជួយធ្វើឱ្យមានតុល្យភាពកម្រិតសារធាតុរាវក្នុងរាងកាយ និងធ្វើឱ្យឆ្អឹងរឹងមាំ ។ ដោយឡែកអាស៊ីត Pantothenate ឬវីតាមីន B5 ជួយធ្វើឱ្យមានតុល្យភាពកម្រិតអ័រម៉ូន និងគ្រប់គ្រងភាពតានតឹង (Stress) ។
ក្រៅពីសាច់ គ្រាប់ល្ពៅក៏ផ្តល់អត្ថប្រយោជន៍ដល់សុខភាពផងដែរ ដោយវាអាចជួយកម្ចាត់ចោលពពួកប៉ារ៉ាសិតក្នុងពោះវៀន សម្អាតសរសៃឈាម កែសម្រួលកម្រិតកូឡេស្តេរ៉ូលនិងជួយជំរុញការធ្វើចលនារបស់តម្រងនោម ។ គ្រាប់ល្ពៅទម្ងន់១អោនស៍(២៨,៣៤ក្រាម)ផ្ទុកសារធាតុសរសៃ ១,៧ក្រាម ។
ចំណែកឯទឹកល្ពៅត្រូវបានចង្អុលបង្ហាញថា ផ្តល់អត្ថប្រយោជន៍ប្រឆាំងនឹងរោគដំបៅក្រពះនិងអាស៊ីតក្នុងក្រពះ ។ ដើម្បីទទួលបានប្រសិទ្ធភាព គួរផឹក៣ដងក្នុងមួយថ្ងៃ កន្លះម៉ោងមុនពេលទទួលទានអាហារ ៕
ចែករំលែកព័តមាននេះ