ខេត្តបាត់ដំបង ៖ មិនទាន់ដឹងអំពីច្បាប់ទម្លាប់របស់អាជ្ញាធរស្រុកឯកភ្នំ ឲ្យប្រាកដប្រជាថា តើត្រូវប្រតិបត្តិបែបណាដើម្បីឲ្យស្របច្បាប់ ចំពោះជនទុច្ចរិតដែលនាំគ្រឿងចក្រចូលទៅជីកស្រះ ជីកប្រឡាយ ប៉ះពាល់លើតំបន់ហាមឃាត់
ខេត្តបាត់ដំបង ៖ មិនទាន់ដឹងអំពីច្បាប់ទម្លាប់របស់អាជ្ញាធរស្រុកឯកភ្នំ ឲ្យប្រាកដប្រជាថា តើត្រូវប្រតិបត្តិបែបណាដើម្បីឲ្យស្របច្បាប់ ចំពោះជនទុច្ចរិតដែលនាំគ្រឿងចក្រចូលទៅជីកស្រះ ជីកប្រឡាយ ប៉ះពាល់លើតំបន់ហាមឃាត់ ដើម្បីស្ទាក់យកត្រី ក្រោមលេសជីកស្ដារស្រះ និងប្រឡាយ ដើម្បីស្ដុកទឹកសម្រាប់ប្រើប្រាស់ក្នុងរដូវប្រាំង តាមការស្នើសុំរបស់ពលរដ្ឋដែលរស់នៅជិតបឹងទន្លេសាប។
ស្ទើររៀងរាល់ឆ្នាំនារដូវប្រាំង គេតែងឃើញក្រុមជនទុច្ចរិតដែលមានគ្រឿងចក្រ តែងឆក់ឱកាសបញ្ជូនគ្រឿងចក្រចុះទៅស៊ីឈ្នូលជីកស្រះ ជីកប្រឡាយ នៅតាមតំបន់ព្រៃលិចទឹកជិតបឹងទន្លេសាប ដើម្បីស្ទាក់យកត្រីនារដូវទឹកស្រក ក្រោមលេសជីកស្ដារស្រះ ស្ដារបឹង ឬស្ដារអូរ ដើម្បីស្ដុកទឹកសម្រាប់ប្រើប្រាស់ក្នុងរដូវប្រាំង តាមការស្នើសុំពីប្រជាពលរដ្ឋរស់នៅក្បែរតំបន់នោះ។ សកម្មភាពបំភាន់ភ្នែកទាំងនេះ ជារឿយៗគេតែងឃើញមានការសមគំនិតពីអាជ្ញាធរមូលដ្ឋានទៀតផង ខណៈមន្ត្រីថ្នាក់លើ ឬស្ថាប័នពាក់ព័ន្ធមួយចំនួនតែងបដិសេធជាបន្តបន្ទាប់ថា មិនបានដឹង។
ជាក់ស្ដែងកាលពីរសៀលថ្ងៃទី០៤ ឧសភា អាជ្ញាធរស្រុកឯកភ្នំ និងកម្លាំងសមត្ថកិច្ចមួយក្រុមបានចុះទៅឃាត់គ្រឿងចក្រមួយគ្រឿងដែលកំពុងធ្វើសកម្មភាពជីកស្រះនៅក្បែរ «តំបន់២» ក្នុងភូមិសាស្ត្រ ឃុំព្រែកហ្លូង ស្រុកឯកភ្នំ ដែលជាតំបន់អភិរក្សព្រៃលិចទឹកសម្រាប់ជម្រកត្រីពងកូន ក្រោយពីមានសេចក្ដីរាយការណ៍ពីពលរដ្ឋថា គ្រឿងចក្រនោះកំពុងជីកស្រះរំលោភលើតំបន់ហាមឃាត់។ សេចក្ដីរាយការណ៍បានបញ្ជាក់ថា គ្រឿងចក្រនោះបានចុះទៅស៊ីឈ្នូលជីកស្រះ ដើម្បីស្ទាក់យកត្រីក្នុងរដូវទឹកស្រក នៅតាមតំបន់ព្រៃលិចទឹកក្បែរ «តំបន់២» ។
ក្រោយពីទទួលបានព័ត៌មាននេះ អភិបាលស្រុកឯកភ្នំ បានបញ្ជាឲ្យកម្លាំងសមត្ថកិច្ចចុះអន្តរាគមន៍ភ្លាមៗដែរ ដើម្បីផ្អាកសកម្មភាពគ្រឿងចក្រនោះ។ អភិបាលស្រុកឯកភ្នំ លោកឡុង សុភឿន បានបញ្ជាក់ប្រាប់កោះសន្តិភាពនៅព្រឹកថ្ងៃទី០៥ ឧសភា ថា ពិតជាមានគ្រឿងចក្រចុះទៅស៊ីឈ្នួលជីកស្រះនៅក្បែរតំបន់ហាមឃាត់នោះមែន។ លោកថា លោកមិនបានដឹងរឿងនេះទេ តែលោករកឃើញលិខិតអនុញ្ញាតិមួយច្បាប់របស់លោកមេឃុំព្រែកហ្លូង ដែលនេះជាការខ្វះចន្លោះរបស់លោកមេឃុំ។ លោកអភិបាលស្រុកបានបញ្ជាក់ដូច្នេះថា «លោក និងកម្លាំងសមត្ថកិច្ចបានសម្រេចឲ្យម្ចាស់គ្រឿងចក្រនោះផ្អាកធ្វើសកម្មភាពសិន ដើម្បីសួរនាំអំពីបញ្ហាផ្លូវច្បាប់»។
ចែករំលែកព័តមាននេះ