រាជធានីភ្នំពេញ ៖ ពីរនាក់ប្តី-ប្រពន្ធជាមុខសញ្ញាចាស់ មេខ្លោងជួញដូរគ្រឿងញៀនធំគ្រាន់បើ ត្រូវបានសមត្ថកិច្ចចាប់ខ្លួនកាលពីវេលាម៉ោង៥ល្ងាចថ្ងៃទី២៨ កុម្ភៈ ២០១១ នៅក្នុងផ្ទះរបស់ពួកគេស្ថិតនៅសង្កាត់វត្តភ្នំ ខណ្ឌដូនពេញ ហើយត្រូវបានបញ្ជូនទៅសួរនាំទៅការិយាល័យព្រហ្មទណ្ឌនៃអធិការដ្ឋាននគរបាលខណ្ឌដង្កោ ព្រោះសមត្ថកិច្ចខណ្ឌដង្កោជាម្ចាស់ករណីលើមុខសញ្ញាពីរនាក់ប្តី-ប្រពន្ធនេះ ។
ប៉ូលិសមិនទាន់ប្រាប់ឈ្មោះ និងអត្តសញ្ញាណពីរនាក់ប្តី-ប្រពន្ធនេះឱ្យដឹងនៅឡើយទេ ដោយគ្រាន់តែបញ្ជាក់យ៉ាងខ្លីថា អ្នកទាំង២នេះជាមុខសញ្ញាចាស់ និងជាមេខ្លោងធំគ្រាន់បើដែរ…ពេលឃាត់ខ្លួនសមត្ថកិច្ចដកហូតបានថ្នាំគ្រាប់ពណ៌ផ្កាឈូក៣៩គ្រាប់ និងកញ្ឆាក្រៀម២០ដុំ ឥឡូវកំពុងកសាងសំណុំរឿងចាត់ការតាមច្បាប់ ៕
ចែករំលែកព័តមាននេះ