អនុវត្តសាលដីការបស់តុលាការកំពូល ទំនាស់ដីធ្លីអស់រយៈពេលជាង២០ឆ្នាំ
ខេត្តសៀមរាប ៖ កម្លាំងនគរបាលចម្រុះ សហការណ៍ជាមួយមន្ត្រីសូរិយោដី ក្រុងសៀមរាប ដែលដឹកនាំដោយលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប
ខេត្តសៀមរាប ៖ កម្លាំងនគរបាលចម្រុះ សហការណ៍ជាមួយមន្ត្រីសូរិយោដី ក្រុងសៀមរាប ដែលដឹកនាំដោយលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប
ខេត្តសៀមរាប ៖ កម្លាំងនគរបាលចម្រុះ សហការណ៍ជាមួយមន្ត្រីសូរិយោដី ក្រុងសៀមរាប ដែលដឹកនាំដោយលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប បានចុះវាស់វែង និងសម្រេចបោះបង្គោលថ្មបិទផ្លូវចេញចូល រហូតទៅ ក្នុងផ្ទះភាគីចាញ់ក្តី ក្នុងការចុះអនុវត្តន៍ សាលដីការបស់តុលាការកំពូលផងដែរ។ ការចុះអនុវត្តតាមសាលដីការបស់តុលាការកំពូលនោះធ្វើឡើងពេញមួយថ្ងៃ គឺថ្ងៃទី៤ ខែឧសភា ឆ្នាំ២០១៦ ស្ថិតនៅតាមបណ្តោយផ្លូវជាតិលេខ៦ជាប់របងពីខាងលិច សណ្ឋាគារស្មាយលីង ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប នៅក្នុងផ្ទះនៃភាគីជម្លោះ ខណៈម្ចាស់ដីចាញ់ក្តីបានរារាំងសមត្ថកិច្ចមិនឱ្យបោះបង្គោលព្រំ រហូតដល់ម៉ោងប្រមាណជា៤រសៀលថ្ងៃដដែលទើបចប់ជាស្ថាប័ពរ។
គួរបញ្ជាក់ផងដែរថា សាលដីការបស់តុលាការកំពូលលេខ១០ក ចុះថ្ងៃទី៦ ខែមករា ឆ្នាំ២០១៥ សម្រេចឱ្យអនុវត្ត ដោយតម្រូវឱ្យកាត់ដីទំហំ១១,៣ម៉ែត្រគុណ៣៨,៥ម៉ែត្រ ពីភាគីចាញ់ក្តីឈ្មោះ ថៃ ម៉េង ប្រុស អាយុ៥២ឆ្នាំ មុខរបរបើកឡានស្ទួច មានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ត្រូវប្រគល់ដីឱ្យភាគីឈ្នះក្តី ឈ្មោះផ្លោក ភឿន ស្រីអាយុ៦៨ឆ្នាំ ដែលមានកូនប្រុស ឈ្មោះ ឡោ ប៉េងលន់ មុខរបរលក់ការ៉េម ទីលំនៅភូមិបន្ទាយចាស់ សង្កាត់ស្លក្រាម ក្រុងសៀមរាប ជាអ្នកចេញមុខក្នុងរឿងក្តីជំនួសម្តាយ។ លោក ថៃ ម៉េង ជាអ្នកចាញ់ក្តីបានរៀបរាប់ប្រាប់ឱ្យដឹងថា ដីនេះគាត់បានទិញពីគេយកមកគ្រប់គ្រងតាំងពីអំឡុងឆ្នាំ១៩៨៧មក ដែលមានទំហំ៨០០ម៉ែត្រការ៉េ។
កាលនោះភាគីដែលឈ្នះក្តីខ្ញុំនោះ បានទិញកូនផ្ទះដែលសង់នៅលើដីនេះ ហើយសុំនៅលើដីជាបណ្តោះអាសន្ន។ ក្រោយពីរូបគាត់បានធ្វើប្លង់កាន់កាប់ ដែលចេញដោយក្រសួងរៀបចំដែនដីនគររូបនីយកម្មសំណង់ និងសុរិយោដី នៅឆ្នាំ២០០៤ ក៏ស្រាប់តែភាគីដែលឈ្លោះ ជាមួយខ្ញុំប្តឹងទៅតុលាការ ដើម្បីទាមទារយកដីនោះមកកាន់កាប់។ បន្ទាប់ពីមានការប្តឹងផ្តល់គ្នារួចមក រឿងរាវទាំងនោះក៏បានអូសបន្លាយពីតុលាការសៀមរាបរហូតតុលាការកំពូល ហើយបន្តមកទល់ពេលនេះ អស់រយៈពេលជាច្រើនឆ្នាំ។លោក ថៃ ម៉េង បានរៀបរាប់ឱ្យដឹងទៀតថា នៅថ្ងៃទី៦ ខែមករា ឆ្នាំ២០១៥ ក៏ឃើញតុលាការកំពូល បានចេញសាលដីការតម្រូវឱ្យរូបគាត់កាត់ដី១១,៣គុណ៣៨,៥ម៉ែត្រ ទៅឱ្យភាគីម្ខាងទៀតទៅវិញ ការសម្រេចបែបនេះ មិនត្រឹមតែកាត់ដីទេ គឺថែមទាំងកាត់ផ្ទះរបស់គាត់អស់ពាក់កណ្តាលទៀត។ នេះប្រហែលជាតុលាការកំពូល មិនបានចុះមកពិនិត្យ និងស្រាវជ្រាវឱ្យបានគ្រប់ជ្រុងជ្រោយទេ ទើបសម្រេចកាត់ដីដែលមានប្លង់កម្មសិទ្ធិឱ្យទៅអ្នកគ្មានប្លង់បែបនេះ ។
ជុំវិញករណីនេះដែរ លោក សេក សោភ័ណ មេធាវីការពារក្តីឱ្យភាគីចាញ់ក្តី បាននិយាយថា តុលាការចុះមកអនុវត្តដីការលើដីដែលមានប្លង់កម្មសិទ្ធិនេះ វាហាក់ដូចជាមិនត្រឹមត្រូវ បើធ្វើអញ្ចឹងម្តេចមិនរំលាយប្លង់នោះចោលសិន តែសម្រាប់រូបលោក ក៏មិនរារាំងការអនុវត្តនោះដែរ។ ប៉ុន្តែលោក ក៏បានដាក់ពាក្យបណ្តឹងទៅតុលាការសៀមរាបផងដែរ ដើម្បីឱ្យតុលាការវិនិច្ឆ័យរឿងប្លង់ដែលកំពុងនៅមានសុពលភាពនៅឡើយ។ លោកបន្តថា ដោយឡែករឿង សមត្ថកិច្ចដែលទម្លាយទ្វារ ចូលទៅក្នុងលំនៅស្ថាន នោះដើម្បីចូលទៅបោះបង្គោលព្រំ ជារឿងមួយផ្សេង ដែលរូបលោកចាំបាច់ត្រូវតែបន្តនីតិវិធីតាមផ្លូវច្បាប់។
ជុំវិញករណីខាងលើនេះ លោក ឡោ ប៉េងលន់ អាយុ មុខរបរលក់ការ៉េម ទីលំនៅភូមិបន្ទាយចាស់ សង្កាត់ស្លក្រាម ក្រុងសៀមរាប ជាអ្នកចេញមុខក្នុងរឿងក្តីជំនួសម្តាយ ដែលជាភាគីឈ្នះក្តីនោះ មិនអាចសុំការពន្យល់បានទេ នៅវេលាម៉ោង ៧និង១០នាទីល្ងាច ថ្ងៃទី០៤ ខែឧសភា ឆ្នាំ២០១៦នេះ ដោយសារទូរស័ព្ទរបស់លោក ហៅចូល តែគ្មានអ្នកទទួលដើម្បីសួរថា ដីនេះបានប្តឹងផ្តល់គ្នាជាច្រើនឆ្នាំ រហូតទទួលបានជោគជ័យ តើគាត់មិនមានប្លង់កាន់កាប់ដូចការអះអាង របស់ភាគីចាញ់ក្តី ឬយ៉ាងណា។មជ្ឈដ្ឋាននានា បានឈរមើល នាំគ្នានិយាយតៗគ្នាថា ការសម្រេចរបស់តុលាការសៀមរាប ដែលឱ្យសមត្ថកិច្ច ចុះបោះបង្គោលថ្មបិទផ្លូវ ចេញ ចូល រហូតទៅបោះបង្គោលព្រំដល់ក្នុងផ្ទះភាគីចាញ់ក្តីនោះ គេឃើញក្រុមគ្រួសារភាគី ដែលចាញ់ក្តីនាំគ្នាស្រែកទ្រហោយំ ពេញដងផ្លូវ រហូតអ្នកធ្វើចរាចរណ៏តាមដងផ្លូវជាតិលេខ៦រាប់រយនាក់ នាំគ្នាឈប់មើលយ៉ាងកកកុញ បណ្តាលឱ្យមានការកកស្ទះរយៈពេល១ម៉ោង ប្រៀបបីដូចជាមានករណីចោរប្លន់អញ្ចឹង
ចែករំលែកព័តមាននេះ