រាជធានីភ្នំពេញ ៖ នារីវ័យក្មេងម្នាក់អាយុក្រោម២០ឆ្នាំ បានបើករថយន្តក្នុងស្ថានភាពស្រវឹងស្រា ហើយបើកលឿនរេចង្កូតទៅបុកនឹងរបងផ្ទះគេ បណ្តាលឱ្យបាក់អស់មួយប្រឡោះ ចំណែករថយន្តខ្ទេចផ្នែកខាងមុខ តែមិនបណ្តាលឱ្យមានមនុស្សរងរបួសនោះទេ
រាជធានីភ្នំពេញ ៖ នារីវ័យក្មេងម្នាក់អាយុក្រោម២០ឆ្នាំ បានបើករថយន្តក្នុងស្ថានភាពស្រវឹងស្រា ហើយបើកលឿនរេចង្កូតទៅបុកនឹងរបងផ្ទះគេ បណ្តាលឱ្យបាក់អស់មួយប្រឡោះ ចំណែករថយន្តខ្ទេចផ្នែកខាងមុខ តែមិនបណ្តាលឱ្យមានមនុស្សរងរបួសនោះទេ កាលពីវេលាម៉ោង១ និង៤៥នាទីរំលងអធ្រាត្រឈានចូលថ្ងៃទី៤ ឧសភា នៅទល់មុខផ្ទះលេខ2EO E1 ផ្លូវ១៤៣ សង្កាត់បឹងព្រលិត ខណ្ឌ៧មករា ។
តាមសម្តីអ្នករស់នៅកន្លែងកើតហេតុឱ្យដឹងថា គេឃើញនារីវ័យម្នាក់នោះ បានបើករថយន្តម៉ាកកាមរី ពណ៌.ស ពាក់ស្លាកលេខភ្នំពេញ 2Z-5946 ធ្វើដំណើរតាមផ្លូវលេខ១៤៣ ក្នុងទិសដៅពីត្បូងទៅជើងក្នុងល្បឿនលឿន និងស្រវឹងស្រាផង ។ លុះមកដល់ចំណុចកើតហេតុ ស្រាប់តែរេចង្កូតទៅបុកទ្វាររបងផ្ទះគេ បណ្តាលឱ្យបាក់អស់មួយប្រឡោះ ។ ចំណែករថយន្តខ្ទេចផ្នែកខាងមុខ និងផ្ទុះពោងសុវត្ថិភាព តែសំណាងល្អ មិនមានគ្រោះថ្នាក់ដល់មនុស្សនោះទេ ។
ភ្លាមៗនោះ ម្ចាស់ផ្ទះឮសំឡេងបានចេញមើលឃើញនារីរូបស្រស់ម្នាក់ បើកទ្វារចេញពីក្នុងរថយន្តមកទាំងសភាពស្រវឹងទ្រេតទ្រោតធំស្អុយស្រាង៉ោង ហើយបានទូរស័ព្ទហៅបងប្អូនឱ្យមកទទួលពីកន្លែងកើតហេតុគេចខ្លួនបាត់ នៅសល់តែរថយន្តត្រូវបានសមត្ថកិច្ចស្ទូចយកទៅរក្សាទុកនៅអធិការដ្ឋានខណ្ឌ៧មមករា ដើម្បីធ្វើការដោះស្រាយនៅពេលក្រោយ ។
ចែករំលែកព័តមាននេះ