ក្រុមតំណាងរាស្ត្រ CNRP ថ្កោលទោស ACU
រាជធានីភ្នំពេញ ៖ ក្រុមសមាជិកសភាគណបក្សសង្គ្រោះជាតិ បានហៅការឃុំខ្លួនមេឃុំគណបក្សសមរង្ស៊ី និងមន្ត្រីសិទ្ឋិមនុស្សអាដហុក និងមន្ត្រី គ.ជ.ប ថាជាសកម្មភាពមិនប្រក្រតី
រាជធានីភ្នំពេញ ៖ ក្រុមសមាជិកសភាគណបក្សសង្គ្រោះជាតិ បានហៅការឃុំខ្លួនមេឃុំគណបក្សសមរង្ស៊ី និងមន្ត្រីសិទ្ឋិមនុស្សអាដហុក និងមន្ត្រី គ.ជ.ប ថាជាសកម្មភាពមិនប្រក្រតីដោយតក់ក្រហល់ មិនសមហេតុផល និងជាល្បែងនយោបាយសំដែងដោយអង្គភាពប្រឆាំងអំពើពុករលួយ (ACU) ហើយប្រើប្រាស់ប្រព័ន្ឋតុលាការ ដើម្បីនាំមកនូវភាពភ័យខ្លាច និងការយាយីរំខានដល់ការបំពេញតួនាទីបម្រើប្រជាពលរដ្ឋរបស់មន្ត្រីសិទ្ឋិមនុស្ស និងសមាជិកគណបក្សដែលមិននៅក្នុងរដ្ឋាភិបាល ។
នៅក្នុងសេចក្តីថ្លែងការណ៍របស់ក្រុមសមាជិកសភាគណបក្សសង្គ្រោះជាតិដែលចេញផ្សាយជាសាធារណៈកាលពីថ្ងៃទី០៣ឧសភាម្សិលមិញនេះបានប្រកាសថ្កោលទោស ACU និងអំពាវនាវដល់សហគមន៍អន្តរជាតិ ពិសេសបណ្តាប្រទេសម្ចាស់ជំនួយ អន្តរាគមន៍ឲ្យរាជរដ្ឋាភិបាលកម្ពុជា បញ្ឈប់ជាបន្ទាន់នូវការគំរាមកំហែង និងការយាយីតាមគ្រប់រូបភាពដល់អង្គការសង្គមស៊ីវិល អ្នកការពារសិទ្ឋិមនុស្សនៅកម្ពុជា និងមន្ត្រីគណបក្សជំទាស់ទាំងអស់ និងសូមឲ្យដោះលែងមន្ត្រីសិទ្ឋិមនុស្សទាំង៥រូប ព្រមទាំងសមាជិកព្រឹទ្ឋសភា លោក ហុង សុខហួរ លោកតំណាងរាស្ត្រ អ៊ុំ សំអាន និងសកម្មជនគណបក្សនយបាយដែលកំពុងជាប់ពន្ឋនាគារទាំងអស់ ។
មកដល់ព្រឹកថ្ងៃទី០៤ ឧសភា ២០១៦នេះ មិនទាន់មានប្រតិកម្មតបនៅឡើយទេពីមន្ត្រីអង្គភាពប្រឆាំងអំពើពុករលួយជុំវិញខ្លឹមសារនៃសេចក្តីថ្លែងការណ៍របស់ក្រុមសមាជិកសភាគណបក្សសង្គ្រោះជាតិខាងលើនេះ ៕
ចែករំលែកព័តមាននេះ