រាជធានីភ្នំពេញ ៖ កញ្ញា ធី សុវណ្ណថា បានប្រកាសនៅលើបណ្តាញទំនាក់ទំនងសង្គម (Facebook) នៅប៉ុន្មាននាទីមុននេះថា កញ្ញានឹងធ្វើយុទ្ធនាការទាមទារទម្លាក់លោក កឹម សុខា ពីអនុប្រធានគណបក្សសង្គ្រោះជាតិក្នុងពេលឆាប់ៗនេះ ។
នៅលើ Facebook ធី សុវណ្ណថា បានសរសេរមានខ្លឹមសារទាំងស្រុងថា «លីសុំទោស បងប្អូនអ្នកគាំទ្របក្សសង្គ្រោះជាតិខ្ញុំមិនចង់ប្តឹងលោក កឹម សុខា ទេ ប៉ុន្តែគាត់ជ្រុលខ្លាំងពេក៣ឆ្នាំហើយ គាត់តែង និយាយបរិហារ ចោទលាបពណ៌ខ្ញុំ ប្រាប់ទៅតំណាងរាស្ត្រ សមាជិកបក្ស និងម្ចាស់ជំនួយ…គាត់បានចេញលិខិតបដិសេធខ្ញុំ ឲ្យអង្គរក្សបណ្តេញខ្ញុំចេញពីលើឆាកវេទិការ បណ្តេញខ្ញុំចេញពីក្បួនហែរបក្សនិងរារាំងសកម្មភាពខ្ញុំជាច្រើនទៀត ។ ខ្ញុំបានអត់ធ្មត់ ខាំមាត់ស្រក់ទឹកភ្នែកជាច្រើនឆ្នាំមកហើយខ្ញុំមិនអាចទ្រាំឲ្យ កឹម សុខា មើលងាយជាន់ឈ្លឺខ្ញុំទៀតទេ ខ្ញុំនឹងធ្វើយុទ្ធនាការ ទាមទារទម្លាក់លោក កឹម សុខាឆាប់ៗនេះ….»។ យ៉ាងណាក៍ដោយកាលពីពេលថ្មីៗនេះ ធី សុវណ្ណថា បានលើកឡើងថា កញ្ញានៅតែស្រឡាញ់គណបក្សសង្គ្រោះជាតិ ។
មកដល់វេលាម៉ោង៤និង៣៥នាទីរសៀលថ្ងទី០៣ ឧសភាដដែលនេះ គេហទំព័រកោះសន្តិភាពមិនអាចរកការសុំអត្ថាធិប្បាយបានទេពីលោក កឹម សុខា ជុំវិញការលើកឡើងរបស់កញ្ញា ធី សុវណ្ណថា ខាងលើនេះ ៕
ចែករំលែកព័តមាននេះ