យោងតាម YONHAP ថា ក្រសួងការពារប្រទេសកូរ៉េខាងត្បូងអះអាងនាថ្ងៃទី២ ឧសភា ពីលទ្ធភាពដែលកូរ៉េខាងជើងអាចធ្វើការសាកល្បងនុយក្លេអ៊ែរលើកទី៥ មុនឬក្រោយសមាជលើកទី៧ របស់បក្សពលករកូរ៉េដែលនឹងចាប់ផ្តើមពីថ្ងៃទី៦
យោងតាម YONHAP ថា ក្រសួងការពារប្រទេសកូរ៉េខាងត្បូងអះអាងនាថ្ងៃទី២ ឧសភា ពីលទ្ធភាពដែលកូរ៉េខាងជើងអាចធ្វើការសាកល្បងនុយក្លេអ៊ែរលើកទី៥ មុនឬក្រោយសមាជលើកទី៧ របស់បក្សពលករកូរ៉េដែលនឹងចាប់ផ្តើមពីថ្ងៃទី៦ ឧសភា ទៅ ។
លោក MOON SANG GYUN អ្នកនាំពាក្យក្រសួងការពារប្រទេសកូរ៉េខាងត្បូងក្នុងសន្និសីទសារព័ត៌មានមួយថ្លែងថា ដោយសារឆន្ទៈ និងឥរិយាបថរបស់កូរ៉េខាងជើង យើងយល់ថា វាមានលទ្ធភាពដែលប្រទេសនេះធ្វើការសាកល្បងនុយក្លេអ៊ែរថ្មីមួយ ព្រមទាំងបាញ់មីស៊ីលថ្មី មុនឬក្រោយសមាជបក្ស រួចកងទ័ពរបស់យើងបន្តតាមដានហើយត្រៀមទប់ទល់ ។
អ្នកនាំពាក្យរូបនេះបន្តថា ក្រុងព្យុងយ៉ាងបន្តបាញ់សាកល្បងបណ្តាមីស៊ីលបាលីស្ទិកក្នុងក្របខណ្ឌនៃការអនុវត្តបទបញ្ជារបស់លោកគីម ជុងអ៊ុន ឱ្យធ្វើការសាកល្បងក្បាលគ្រាប់នុយក្លេអ៊ែរ ព្រមទាំងបាញ់សាកល្បងកាំជ្រួចបាលីស្ទិកច្រើនប្រភេទដែលអាចបញ្ជូនក្បាលគ្រាប់នុយក្លេអ៊ែរ ។ ជាពិសេសកូរ៉េខាងជើងលាតត្រដាងពីឆន្ទៈជំរុញសមត្ថភាពនុយក្លេអ៊ែរ ដោយធ្វើនាពេលថ្មីៗនេះនូវការបាញ់សាកល្បងបណ្តាមីស៊ីលធុន MUSUDAN ជាបន្តបន្ទាប់ ព្រមទាំងមីស៊ីលសមុទ្រ-ដីបាលីស្ទិកយុទ្ធសាស្ត្រ MSBS។
អ្នកនាំពាក្យរូបនេះបន្តថា យើងវាយតម្លៃថា កូរ៉េខាងជើងបានបង្ហើយការរៀបចំនានាសម្រាប់ធ្វើការសាកល្បងនុយក្លេអ៊ែរ ។ លោកគូសបញ្ជាក់ថា ប្រសិនបើក្រុងព្យុងយ៉ាងធ្វើការសាកល្បងនុយក្លេអ៊ែរថ្មីមែន នោះវានឹងពុំងាយស្រួល ឡើយក្នុងការតាមចាប់សញ្ញានានាមុនពេលចាប់ផ្តើម ។
ចំណែកក្រសួងបង្រួបបង្រួមកូរ៉េខាងត្បូងក៏ថ្លែងដែរថា ខ្លួនកំពុងតាមដានយ៉ាងប្រកិតនូវសភាសពការណ៍ ទោះបីជាពុំមានសញ្ញាពិសេសណាមួយត្រូវចាប់បានក្តី ។ រដ្ឋាភិបាលគ្រោងរាល់លទ្ធភាពចំពោះការសាកល្បងនុយក្លេអ៊ែររបស់កូរ៉េខាងជើង ហើយពង្រឹងការត្រួតពិនិត្យ ៕
ចែករំលែកព័តមាននេះ