ខេត្តកំពត ៖ មានការណ៍ភ្ញាក់ផ្អើលពេញភូមិ ខណៈក្មេងជំទង់ៗ៥នាក់ បាននាំគ្នាទៅយកឃ្មុំសំបុកធំមួយលើដើមអំពិលមួយដើមក្បែររបងផ្ទះ ស្ថិតក្នុងភូមិដើមចំរៀក ឃុំស្តេចគង់ខាងលិច ស្រុកបន្ទាយមាស ប៉ុន្តែដោយក្មេងៗទាំងនោះ មិនដឹងពីរបៀបយក ក៏មានក្មេងម្នាក់ឈ្មោះនឹម ញ៉ អាយុ១៤ឆ្នាំ យកឈើវែងទៅបុកសំបុកឃ្មុំនោះទម្លាយ ក៏ត្រូវមេឃ្មុំទម្លាក់ខ្លួនរាប់ពាន់មេ បានវាយប្រហារទៅលើក្មេងប្រុសនោះ រហូតដល់សន្លប់ កាលពីវេលាម៉ោង០២ និង៣០នាទីរសៀលថ្ងៃទី២ ឧសភា ២០១៦។
ប្រភពឱ្យដឹងថា ក្មេងតូចៗដទៃទៀតបានរត់ប្រះអាយុ បង្កឱ្យមានការភ្ញាក់ផ្អើលដល់អ្នកភូមិ ។ ចំណែកក្មេងប្រុសសន្លប់នោះ ត្រូវអ្នកភូមិជួយសែងយកទៅដាក់កន្លែងមានសុវត្ថិភាព ហើយគ្រូពេទ្យនៅជិតនោះមកឱ្យបន្តោងស៊ីរ៉ូមឱ្យ ទំរាំឪពុក-ម្តាយមកដល់ ។
ក្នុងហេតុការណ៍ណេះ ត្រូវក្រុមសាច់ញាតិ ក៏ដូចជាអ្នកភូមិបានស្តីបន្ទោសទៅដល់ក្មេងៗទាំង៥នាក់នោះថា ចេះតែហ៊ានទៅយកឃ្មុំនោះ ទំរាំចាស់ៗមិនហ៊ានផង ។
ចែករំលែកព័តមាននេះ