រាជធានីភ្នំពេញ ៖ សេចក្តីរាយការណ៍ឱ្យដឹងថា យុវជនម្នាក់ក្នុង២នាក់ត្រូវស្លា.ប់ភ្លាមៗ បន្ទាប់ជនសង្ស័យមួយក្រុមធ្វើសកម្មភាពវាយប្លន់យកម៉ូតូបានសម្រេច ខណៈទាំង២នាក់កំពុងជិះម៉ូតូ ត្រឡប់ពីទិញគ្រឿងញៀ.ននៅម្តុំផ្លូវរថភ្លើង ដែលហេតុការណ៍នេះកើត
រាជធានីភ្នំពេញ ៖ សេចក្តីរាយការណ៍ឱ្យដឹងថា យុវជនម្នាក់ក្នុង២នាក់ត្រូវស្លាប់ភ្លាមៗ បន្ទាប់ជនសង្ស័យមួយក្រុមធ្វើសកម្មភាពវាយប្លន់យកម៉ូតូបានសម្រេច ខណៈទាំង២នាក់កំពុងជិះម៉ូតូ ត្រឡប់ពីទិញគ្រឿងញៀននៅម្តុំផ្លូវរថភ្លើង ដែលហេតុការណ៍នេះកើតឡើងកាលពីវេលាម៉ោង០៣ និង៤០នាទីទៀបភ្លឺថ្ងៃទី០៣ ឧសភា ២០១៦ ស្ថិតនៅគល់ស្ពានអាកាស៧មករា កែងផ្លូវលេខ២៣៣ សង្កាត់ផ្សារដេប៉ូ៣ ខណ្ឌទួលគោក ។
ប្រភពឱ្យដឹងថា ជនរងគ្រោះដែលស្លាប់ឈ្មោះតឹង សុភាព ហៅស៊ឹង សុភាព អាយុ២១ឆ្នាំ ជាបុគ្គលិកភោជនីយដ្ឋានមួយកន្លែងនៅកោះពេជ្រ (ជាអ្នកជិះពីក្រោយ) និងម្នាក់ទៀតជាម្ចាស់ម៉ូតូឈ្មោះលី សាវុធ អាយុ២៨ឆ្នាំ មានទីលំនៅក្នុងសង្កាត់ទឹកល្អក់១ ជិះម៉ូតូម៉ាកហុងដាឌ្រីម ពាក់ស្លាកលេខភ្នំពេញ 1FD-1240 ត្រូវជនសង្ស័យយកទៅបាត់ ។
ម្ចាស់ម៉ូតូខាងលើបានអះអាងថា មុនពេលកើតហេតុខ្លួន និងជនរងគ្រោះដែលស្លាប់ រួមទាំងមិត្តភក្តិ៩នាក់ទៀតបានទៅផឹកស៊ីនៅហាង២កន្លែង ។ បន្ទាប់មកពេលស្រវឹង ខ្លួននិងជនរងគ្រោះបានជិះម៉ូតូទៅរកទិញគ្រឿងញៀនប្រើ លុះពេលត្រឡប់មកវិញ ក៏ត្រូវសង្ស័យមួយក្រុមស្ទាក់វាយប្លន់យកម៉ូតូតែម្តង ។
គួរបញ្ជាក់ថា ក្រោយពេលកើតហេតុ កម្លាំងសមត្ថកិច្ចបានចុះទៅ រួចក៏នាំខ្លួនជនរងគ្រោះជាម្ចាស់ម៉ូតូ រួមទាំងមិត្តភក្តិម្នាក់ទៀតចាប់វាយខ្នោះ ដើម្បីយកទៅសាកសួរផងដែរ ព្រោះជាប់ករណីប្រើប្រាស់គ្រឿងញៀន ។
ចែករំលែកព័តមាននេះ