លោក Slobodan Zirojinovic អតីតកីឡាករវាយកូនបាល់លំដាប់ទី១៩ នៅលើពិភពលោកជនជាតិស៊ែប៊ី បានបញ្ជាក់ពីសម្ព័ន្ធភាពដ៏អាថ៌កំបាំងដែលបានរក្សាទុកអស់រយៈពេលយ៉ាងយូរដោយបញ្ជាក់ថា កាលពីអតីតកាលខ្លួនធ្លាប់
លោក Slobodan Zirojinovic អតីតកីឡាករវាយកូនបាល់លំដាប់ទី១៩ នៅលើពិភពលោកជនជាតិស៊ែប៊ី បានបញ្ជាក់ពីសម្ព័ន្ធភាពដ៏អាថ៌កំបាំងដែលបានរក្សាទុកអស់រយៈពេលយ៉ាងយូរដោយបញ្ជាក់ថា កាលពីអតីតកាលខ្លួនធ្លាប់មានសម្ព័ន្ធភាពជាមួយម្ចាស់ក្សត្រីDiana នៃប្រទេសវែល ក្រោយពេលម្ចាស់ក្សត្រីបានរៀបអភិសេកជាមួយព្រះអង្គម្ចាស់ឆាលនៅឆ្នាំ១៩៨១ ។
ម្ចាស់ជើងឯកATP Tourរូបនេះបានប្រាប់ទីភ្នាក់ងារព័ត៌មានNew Zealand Heraldថា៖«រូបគេបានស្គាល់ម្ចាស់ក្សត្រី ខណៈពេលព្រះអង្គយាងទតការប្រកួត Grand Slam Wimbledon កាលពីឆ្នាំ១៩៨៧ ក្រោយមកក៏មានឱកាសបង្កើតសម្ព័ន្ធភាពហៅថា «ជិតដិតបំផុត» ។
លោកZirojinovic បានរៀបរាប់ពីរឿងនេះថា ៖«ប្រយោគនៃការសន្ទនាដំបូងដែលយើងបាននិយាយគ្នា គឺព្រះនាងសួរថា តើខ្ញុំជាកីឡាករវាយកូនបាល់បានលឿនបំផុតមែនទេ0x017d7 ខ្ញុំឆ្លើយថា មែន ហើយកាលណោះ ព្រះនាងក៏ប្រាប់ថា ខ្ញុំក៏អាចដណ្ដើមគ្រាប់បាល់ល្អដូចគ្នា និងក្រោយមកយើងក៏ចាប់ផ្ដើមសំណេះសំណាលក្នុងពេលជួបមុខគ្នាជាញឹកញាប់» ។ អតីតអ្នកវាយកូនបាល់់សញ្ជាតិសែ៊ប៊ីរូបនេះបានគូសបញ្ជាក់បន្តទៀតថា ក្រោយមកសម្ព័ន្ធភាពរវាងរូបគេនិងព្រះនាងDiana បានចាប់ផ្ដើមអភិវឌ្ឍន៍ជារឿយៗទោះបីរូបគេមានប្រពន្ធក៏ដោយ ចំណែកព្រះម្ចាស់ក្សត្រីផ្ទាល់ក៏បានរៀបអភិសេកជាមួយព្រះអង្គម្ចាស់ឆាលដែរ ។
លោកថ្លែងថា៖«ព្រះនាងជាស្ដ្រីដ៏ស្រស់ស្អាត ខ្ញុំអាចនិយាយជាមួយព្រះនាងបានគ្រប់រឿងរ៉ាវ។ ខ្ញុំមិនចង់រៀបរាប់លម្អិតនៅពេលនេះទេព្រោះព្រះនាងមិនបានរួមរស់ជាមួយយើង ប៉ុន្តែអាចបញ្ជាក់ថា ជារឿងដ៏លេចធ្លោមួយដែលមានព្រះនាងចូលទស្សនាការប្រកួតរបស់ខ្ញុំ ខណៈពេលកន្លងមក គ្មានសែរាជវង្សណាមកគាំទ្រដល់ខ្ញុំឡើយ» ៕
ចែករំលែកព័តមាននេះ