អ្នករៀបចំការប្រកួតអូឡាំពិកហ្គេម២០១៦ នៅប្រេស៊ីល កំពុងជួបបញ្ហាដោយសារសំបុត្រចូលទស្សនាការប្រកួតលក់មិនដាច់បន្ទាប់ពីផ្ទុះវីរុសZika និងចលាចលនយោបាយខណៈការប្រកួតនៅសល់ពេលតែ៤ខែទៀត ។
របាយការណ៍បង្ហើបឱ្យដឹងថា សំបុត្រចូលទស្សនាការប្រកួតអូឡាំពិកនៅក្រុងរីយ៉ូដឺហ្សាណេរ៉ូ បច្ចុប្បន្នលក់បានត្រឹមតែ៥០% ខណៈសំបុត្រចូលទស្សនាការប្រកួតកីឡាប៉ារ៉ាឡាំពិកហ្គេមដែលចាប់ផ្ដើមក្រោយពេលចប់ការប្រកួតអូឡាំពិកលក់បានតែ១២%ប៉ុណ្ណោះ។
លោកRicardo Leyser ប្រធានគណៈកម្មការកីឡាប្រេស៊ីលថ្លែងថា៖«យើងដឹងថា ប្រជាជនប្រេស៊ីលនៅមិនទាន់យកចិត្តទុកដាក់កីឡាអូឡាំពិកទេ ហេតុដូច្នេះយើងត្រូវព្យាយាមទាក់ទាញពួកគេឱ្យចាប់អារម្មណ៍ដើម្បីទិញសំបុត្រចូលទស្សនាការប្រកួត» ៕
ចែករំលែកព័តមាននេះ