រដ្ឋធានីញូវដេលី / ក្រុងហុងកុង (ព័ត៌មានរ៉ូទ័រ) ៖ មន្ត្រីយោធាបាននិយាយថា ឥណ្ឌា និងសហរដ្ឋអាមេរិក បានតាមដាន និងពិភាក្សាអំពីវត្តមាននាវាចម្បាំងចិននៅក្នុងមហាសមុទ្រឥណ្ឌា។ កិច្ចពិភាក្សានេះ បានធ្វើឲ្យមានការជឿនលឿន និងបង្កើនទំនាក់ទំនងរវាងក្រុងញូវដេលី និងវ៉ាស៊ីនតោន ខណៈដែលចិនបង្កើនសកម្មភាពផ្នែកយោធានៅក្រោមសមុទ្រ។
ទន្ទឹមគ្នានេះដែរ លោក ខូលីន កោះ អ្នកជំនាញកប៉ាល់មុជទឹកមួយនៅសាលាសិក្សាអន្តរជាតិ អែស រ៉ាចារ៉ាតណាម របស់សាំងហ្កាពួរ បាននិយាយថា ការបង្កើនសកម្មភាពនាវាមុជទឹកចិននៅមហាសមុទ្រឥណ្ឌា ត្រូវបានគេឃ្លាំមើលនៅទូទាំងតំបន់នេះ។
ចំណែក លោក ដេវីដ ប្រ៊ូស្ទឺ អ្នកជំនាញខាងយុទ្ធសាស្ត្រ ក្នុងមហាសមុទ្រឥណ្ឌានៃសាកលវិទ្យាល័យជាតិអូស្ត្រាលីបាននិយាយថា ការសហការគ្នាប្រឆាំងនាវាមុជទឹករបស់ចិន កាន់តែសន្ទុះ ក្នុងនោះក៏មានប្រទេសអូស្ត្រាលី និងសម្ព័ន្ធមិត្តរបស់អាមេរិកមួយចំនួនទៀត ដែលទើបបញ្ចេញនាវាមុជទឹកថ្មីចំនួន១២គ្រឿង នៅមហាសមុទ្រឥណ្ឌា និងប៉ាស៊ីហ្វិក៕
ចែករំលែកព័តមាននេះ