អតីតពិធីការិនីប្រចាំស្ថានីយទូរទស្សន៍បាយ័ន ដែលមានសមត្ថភាពការងារម្នាក់ដែរ ស៊ិន នារីរត្ន័ ស្រាប់តែឃ្លាតឆ្ងាយពីកញ្ចក់ទូរទស្សន៍អស់ជាច្រើនឆ្នាំ។ នាងធ្វើអោយមិត្តភក្តិក្នុងសិល្បៈ ក៏ដូចជា
រាជធានីភ្នំពេញ ៖ អតីតពិធីការិនីប្រចាំស្ថានីយទូរទស្សន៍បាយ័ន ដែលមានសមត្ថភាពការងារម្នាក់ដែរ ស៊ិន នារីរត្ន័ ស្រាប់តែឃ្លាតឆ្ងាយពីកញ្ចក់ទូរទស្សន៍អស់ជាច្រើនឆ្នាំ។ នាងធ្វើអោយមិត្តភក្តិក្នុងសិល្បៈ ក៏ដូចជាអ្នកគាំទ្រនាង មានការនឹករលឹកដោយសារបានសាងស្នាដៃក្នុងវិស័យសិល្បៈអស់ជាច្រើនឆ្នាំ បែរជាបាត់ដានទៅដល់ទីណាភ្លេចជូនដំណឹងអោយមហាជនជ្រាប។
ស៊ិន នារីរត្ន័ នៅតែធ្វើគេចង់ដឹងថា មានការប្រែប្រួលបែបក្រោយបាត់មុខ និងជីវិតឯកជនវិញ ផ្លាស់ប្តូរដូចម្តេចទៅហើយ។
យ៉ាងណាមិញ ពេលនេះ ស៊ិន នារីរត្ន័ បានប្តូរពីងារជាអតីតពិធីការិនី មកជាប់ឈ្មោះជាថៅកែស្រីដ៏ឆ្លាតពូកែ និងឆ្អិនឆ្អៅលើអាជីវកម្មមួយដែលបង្កើតជាភោជនីយដ្ឋានបាន២កន្លែងហើយ ។
បើនិយាយពីខ្ទង់ចំណាយវិញ ហាងដ៏ធំទាំង២នោះ អាចចូលជាងលាន ឬក្បែរ២លានដុល្លារក៏មិនដឹងព្រោះគ្រាន់តែហាងទី២ ដែលបង្កើតលើរបបអាហារបែបជប៉ុន ចំណាយជិត៨០ម៉ឺនដុល្លារបាត់ទៅហើយ។
ពិតជាមិនធម្មតានោះទេ ស៊ិន នារីរត្ន័ សព្វថ្ងៃនេះ ផ្លាស់ប្តូរច្រើនចាប់តាំងពីមានចំណង៥ប្រការរួចមក ឃើញថា យល់ដឹងពីរបៀបរកស៊ី បង្កើតរបរប្រចាំថ្ងៃយ៉ាងស្ទាត់។ គ្រាន់តែទទួលដំណឹងនេះ អ្នកក្នុងសិល្បៈជាច្រើនចាត់ទុកថា ស៊ិន នារីរត្ន័ ជាតារាស្រីមានសំណាងម្នាក់ទៀតហើយ ក្រោយពេលមានប្តី ដោយបានខាងមេគ្រួសារស្រឡាញ់ថ្នាក់ថ្នម ថែមទាំងមានងារជាថៅកែហាងដ៏ធំនៅកណ្តាលក្រុងភ្នំពេញ។
ក្នុងឈុតរ៉ូបរឹបរាងពណ៌ខ្មៅដ៏ស្រស់ស្អាត រំលេចដោយក្រវិលពេជ្រ ខ្សែ.កពេជ្រ ព្រមជាមួយស្នាមញញឹមនោះ ស៊ិន នារីរត្ន័ ដែលអរបានពង្រីកហាង១ទៀត។ ហើយអ្នកនាងពេលនេះ ដែលមានកូនស្រី២នាក់ បានរៀបរាប់ថា បែកពីទស្សនិកជន៥ឆ្នាំបាត់ទៅហើយ ធ្មេចបើកៗពិតជាលឿន។ នាងក៏មានការនឹករលឹកខ្លាំងដល់ទស្សនិកជន ព្រោះយើងធ្លាប់ប្រឡូកការងារនេះ ដោយភាពតស៊ូទម្រាំជោគជ័យ។
យ៉ាងណានាងនៅសល់តែស្នាមអនុស្សាវរីយ៍ប៉ុណ្ណោះ ព្រោះសព្វថ្ងៃកំពុងមមាញឹកជាមួយជីវិតជាស្ត្រីមេផ្ទះ មើលកូន និងជួយស្វាមីរាល់កិច្ចការផ្សេងៗ។ នាងមិនអាចបកក្រោយវិលមករកអាជីពចាស់បាននោះទេ ដោយសារផ្សាំខ្លួនលើមុខជំនួញលើរបរភោជនីយដ្ឋានអាហារជប៉ុន។ ការចេះចាំជំនាញថ្មី បានពីការបង្ហាត់បង្រៀនពីស្វាមី ទើបយល់ការងារច្រើន ហើយអាចគ្រប់គ្រងបាន។ នាងគ្មានអ្វីក្រៅពីអរគុណ មហាជនដែលគាំទ្រនាងកន្លងមក និងផ្តាំផ្ញើដល់ប្អូនៗសិល្បៈជំនាន់ក្រោយ ចេះស្រឡាញ់សិល្បៈខំលើកស្ទួយ ថែរក្សាវប្បធម៌ជាតិអោយបានច្រើន។
ចែករំលែកព័តមាននេះ