ផ្ញើរក្រណាត់តាមរថយន្តឈ្នួល ជ្រុះបាត់តាមផ្លូវប្ដឹងទារសំណង៥០០ដុល្លា
រាជធានីភ្នំពេញ ៖ បុរសចំណាស់ម្នាក់បានផ្ញើអីវ៉ាន់តាមរថយន្តឈ្នួលមួយគ្រឿង ហើយគាត់ក៏បានជិះនៅក្នុងរថយន្តនោះដែរ ខណៈនោះក្រណាត់បានជ្រុះបាត់
រាជធានីភ្នំពេញ ៖ បុរសចំណាស់ម្នាក់បានផ្ញើអីវ៉ាន់តាមរថយន្តឈ្នួលមួយគ្រឿង ហើយគាត់ក៏បានជិះនៅក្នុងរថយន្តនោះដែរ ខណៈនោះក្រណាត់បានជ្រុះបាត់
រាជធានីភ្នំពេញ ៖ បុរសចំណាស់ម្នាក់បានផ្ញើអីវ៉ាន់តាមរថយន្តឈ្នួលមួយគ្រឿង ហើយគាត់ក៏បានជិះនៅក្នុងរថយន្តនោះដែរ ខណៈនោះក្រណាត់បានជ្រុះបាត់ដោយសារការធ្វេសប្រហែសរបស់ម្ចាស់រថយន្តឈ្នួលឈប់ដាក់ម៉ូយតាមផ្លូវបើកទ្វារ ហើយមិនបានបិទទ្វាររថយន្តឲ្យជាប់ធ្វើឲ្យរបូតគន្លឹះជ្រុះបាត់ក្រណាត់ ខ្លះតាមផ្លូវ ហើយក៏ត្រូវបានបុរសម្ចាស់ក្រណាត់ឃាត់រថយន្តនោះឲ្យឈ់តាមផ្លូវ និងប្ដឹងប៉ូលីសឲ្យជួយអន្តរាគមន៏ព្រមទាំងទារសំណងចំនួន៥០០ដុល្លាទៀតផង ។
ហេតុការណ៏នោះបានកើតឡើងកាលពីវេលាម៉ោង៤និង៣០នាទីរសៀលថ្ងៃ ទី២៨ ខែមេសា ឆ្នាំ២០១៦ នៅតាមផ្លូវអូរដឹមកប់ស្រូវ ក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ រថយន្តឈ្នួលដឹកអ្នកដំណើរនោះម៉ាកសាំយ៉ុងពណ៌ស ស្លាកលេខព្រះសីហនុ2A-3722 ដឹកអ្នកដំណើរពីភ្នំពេញទៅខេត្តកំពង់ស្ពឺ បានធ្វើឲ្យជ្រុះបាត់ក្រណាត់ដែលអ្នកដំណើរបានផ្ញើមួយបាវធំ។ ចំណែកបុរសអ្នកដំណើរដែលជាម្ចាស់ក្រណាត់នោះមានឈ្មោះ អែ ហ្គិចលាង អាយុជាង៦០ឆ្នាំ មុខរបរជាជាងកាត់ដេរសំលៀកបំពាក់មានស្រុកកំណើតខេត្តកំពង់ស្ពឺ។
បុរសនោះបានឲ្យដឹងថា គាត់បានជិះរថយន្តឈ្នួលមួយគ្រឿងនេះចេញពីម្ដុំផ្សារដីហុយ និងបានផ្ញើក្រណាត់ចំនួន២បាវធំ និង១កី ដាក់នៅក្នុងរថយន្តនោះថែមទៀតផង ហើយនៅពេលនោះម្ចាស់រថយន្តឈ្នួលនេះ បានដាក់ម៉ូយតាមផ្លូវជាបន្តបន្ទាប់ នៅតាមផ្លូវហើយមិនបានបិទទ្វារឲ្យបានជាប់ស្រួលបួលទើបធ្វើឲ្យក្រណាត់ជ្រុះបាត់អស់១បាវ។ លុះពេលទៅដល់ត្រង់ចំណុចផ្លូវជាតិលេខ៤ កែងផ្លូវអូរដឹមកប់ស្រូវគាត់បានឃើញទ្វារក្រោយរថយន្តរបើកគាត់បានឱ្យតៃកុងរថយន្តឈប់មើល ស្រាប់តែបាត់ក្រណាត់អស់មួយបាវ ទើបគាត់ឃាត់បែបនេះតែម្តងទៅ។
ប៉ូលីសនិយាយថា បុរសចំណាស់ម្នាក់នោះ គឺជាជាងកាត់ដេរសំលៀកបំពាក់ គាត់បានទិញក្រណាត់ជាច្រើនពីផ្សារអូរឡាំពិក រាជធានីភ្នំពេញ យកទៅកាត់សំលៀកបំពាក់លក់នៅផ្ទះរបស់គាត់ឯខេត្តកំពង់ស្ពឺ។ ដោយសារការធ្វើសប្រហែសរបស់អ្នកបើករថយន្តឈ្នួល ដែលពេលឈប់ដាក់ម៉ូយតាមផ្លូវហើយមិនបានបិទទ្វារថយន្តឲ្យស្រួល ទើបបណ្ដាលឲ្យជ្រុះបាត់ក្រណាត់របស់គាត់១បាវ ដែលមានតម្លៃ៥០០ដុល្លារ។ ក្រោយពេលដឹងថាជ្រុះបាត់ បុរសនោះបានទាមទារឲ្យម្ចាស់រថយន្តឈ្នួលនោះសងថ្លៃក្រណាត់ចំនួន៥០០ដុល្លារ ហើយទីបំផុតក៏បានត្រូវរ៉ូវគ្នាដោយម្ចាស់រថយន្ត ឈ្នួលសុខចិត្តសងចំនួន៣៥០ដុល្លារ ហើយបុរសចំណាស់រូបនោះក៏បានយល់ព្រមទទួលយកដើម្បីបញ្ចប់រឿង៕
ចែករំលែកព័តមាននេះ