រូបចម្លាក់ក្បាលនាគត្រូវបានអាជ្ញារធរខេត្តប្រទះឃើញ ប្រគល់ឱ្យអាជ្ញាធរអប្សរាយករក្សាទុក
ខេត្តសៀមរាប ៖ រូបចម្លាក់ក្បាលនាគដែលត្រូវបានខាងនគរបាលបេតិកភណ្ឌខេត្ត ប្រទះឃើញ ខណៈពេលដែលបានឈប់ឡាន ហើយក្រឡេកឃើញរូបចម្លាក់ទាំងនោះ
ខេត្តសៀមរាប ៖ រូបចម្លាក់ក្បាលនាគដែលត្រូវបានខាងនគរបាលបេតិកភណ្ឌខេត្ត ប្រទះឃើញ ខណៈពេលដែលបានឈប់ឡាន ហើយក្រឡេកឃើញរូបចម្លាក់ទាំងនោះ
ខេត្តសៀមរាប ៖ រូបចម្លាក់ក្បាលនាគដែលត្រូវបានខាងនគរបាលបេតិកភណ្ឌខេត្ត ប្រទះឃើញ ខណៈពេលដែលបានឈប់ឡាន ហើយក្រឡេកឃើញរូបចម្លាក់ទាំងនោះ ជាច្រើនកំណាត់ ស្ថិតនៅក្រោមស្ពានបុរាណមួយ ហៅស្ពានខ្លែងអក ក្នុងភូមិសាស្ត្រ ស្រុកជីក្រែង ខេត្តសៀមរាប។ ហេតុការណ៍ប្រទះឃើញរូបចម្លាក់ក្បាលនាគនៅក្រោមស្ពានបុរាណនោះ នៅថ្ងៃទី២៧ ខែមេសា ឆ្នាំ២០១៦ ស្ថិតនៅខាងកើតភូមិអូរ ឃុំខ្វាវ ស្រុកជីក្រែង ខេត្តសៀមរាប ។
លោកវរសេនីយ៍ត្រី សុខ សុទ្ធាវុធ អធិការនគរបាលស្តីទីស្រុកជីក្រែង បានឱ្យដឹងនៅរសៀលថ្ងៃទី២៩ ខែមេសា ឆ្នាំ២០១៦នេះថា លោកបានទទួលព័ត៌មានពីប្រជាពលរដ្ឋស្តីពីការលួចជីកគាស់កកាយ យករូបចម្លាក់ក្បាលនាគ ទើបលោកដាក់កម្លាំងក្រុមការងារចម្រុះមាន បុគ្គលិកឆ្មាំនៃប៉ូលីសបេតិកភណ្ឌ ចុះមកការពារ។ លុះមកដល់ចំណុចខាងលើ ក៏បានឃើញលោកអនុប្រធានមន្ទីរធនធានទឹកខេត្តសៀមរាបប្រាប់លោកថា គាត់ប្រទះឃើញរូបក្បាលនាគនោះ កាលពីថ្ងៃទី២៧ ខែមេសា ឆ្នាំ២០១៦ ខណៈពេលដែលគាត់បើករថយន្តមកជាមួយក្រុមគ្រួសារ ដើម្បីឈប់នៅលើស្ពានបុរាណមួយមានឈ្មោះ ស្ពានខ្លែងអក ដែលមានចម្ងាយ១៥០០ម៉ែត្រ ពីខាងកើតភូមិអូរ ឃុំខ្វាវ ស្រុកជីក្រែង ខេត្តសៀមរាប បម្រុងថតរូបលេង ហើយក៏បានរាយការណ៍ជូនមកអាជ្ញាធរអប្សរា។
លោកបន្តទៀតថា លុះព្រឹកឡើងថ្ងៃទី២៨ ខែមេសា ឆ្នាំ២០១៦ ដោយមានការអនុញ្ញាតពីលោក ស៊ុំ ម៉ាប់ អគ្គនាយកអាជ្ញាធរជាតិអប្សរា ដឹកនាំដោយលោក ឈាន រដ្ឋា ប្រធាននាយកដ្ឋានស្តីទីនៃអាជ្ញាអប្សរា បានសហការណ៍ជាមួយប៉ូលីសបេតិកភណ្ឌ និងប៉ូលីសរដ្ឋបាលព្រមទាំងអាជ្ញាធរមូលដ្ឋានបានចុះមកដឹកយករូបក្បាលនាគដែលមានកម្ពស់ប្រវែង១២២សង់ទីម៉ែត្រ និងមានបណ្តោយប្រវែង១៧៧សង់ទីម៉ែត្រ ទទឹងប្រវែង៥៤សង់ទីម៉ែត្រ ស្ថិតនៅចំណុចស្ពានរុនតាដេវ ក្នុងភូមិអូរ ឃុំខ្វាវ ស្រុកជីក្រែង ខេត្តសៀមរាប។ រួចឱ្យរថយន្តស្ទួចយកទៅរក្សាទុកនៅសារមន្ទីរព្រះនរោត្តម សីហនុ អង្គរ។ សូមបញ្ជាក់ផងដែរ រូបចម្លាក់ខាងលើនេះបានធ្លាក់ចូលទៅក្នុងដីគៀនស្ពានខ្លែងអក ជាយូរមកហើយ ដោយឃើញមានដីដុះកប់ជិតពាក់កណ្តាលផងដែរ៕
ចែករំលែកព័តមាននេះ