DJ រតនា រៀបការនឹងអតីតហ្វ្រេស៊ីហ្គើល
រាជធានីភ្នំពេញ ៖ DJ រតនា ប្រចាំទូរទស្សន៍CTN បានចូលរោងការហើយជាមួយនឹងអតីតហ្វ្រេស៊ីហ្គើលកញ្ញាលឹម លីសា កាលពីថ្ងៃទី២៩ ខែមេសា ឆ្នាំ២០១៦ ។ លោករតនា បញ្ជាក់ថា លោកនឹងផ្អាកការងារសិល្បៈ
រាជធានីភ្នំពេញ ៖ DJ រតនា ប្រចាំទូរទស្សន៍CTN បានចូលរោងការហើយជាមួយនឹងអតីតហ្វ្រេស៊ីហ្គើលកញ្ញាលឹម លីសា កាលពីថ្ងៃទី២៩ ខែមេសា ឆ្នាំ២០១៦ ។ លោករតនា បញ្ជាក់ថា លោកនឹងផ្អាកការងារសិល្បៈ
រាជធានីភ្នំពេញ ៖ DJ រតនា ប្រចាំទូរទស្សន៍CTN បានចូលរោងការហើយជាមួយនឹងអតីតហ្វ្រេស៊ីហ្គើលកញ្ញាលឹម លីសា កាលពីថ្ងៃទី២៩ ខែមេសា ឆ្នាំ២០១៦ ។ លោករតនា បញ្ជាក់ថា លោកនឹងផ្អាកការងារសិល្បៈបណ្តោះអាសន្នដើម្បីពង្រឹងមុខជំនួញជាមួយភរិយា ។
ក្រោយបែកបាក់ជាមួយនឹងគូស្នេហ៍ភ្លាម ពិធីករធី រតនា បានទទួលយកនារីថ្មី ជាអតីត«ហ្វ្រេស៊ីហ្គើលផ្នែកប្រជាប្រិយ» ប្រចាំឆ្នាំ២០០៩ វ័យ២៣ឆ្នាំ កញ្ញាលឹម លីសា។ ក្រោយសាងស្នេហ៍រយៈពេល១ឆ្នាំ អ្នកទាំងពីរបានសម្រេចចិត្តចូលរោងការ ។
ពិធីមង្គលការលោកធី រតនា មានការចូលរួមពីភ្ញៀវកិត្តិយសទាំងសងខាងប្រមាណជិត១ពាន់នាក់ ក្នុងនោះមានសិល្បករជិតដិតមួយចំនួនផង ។ តារាសម្តែងវ័យ២៦ឆ្នាំរូបនេះនឹងផ្អាកការងារសិល្បៈមួយរយៈពេលខ្លី ដើម្បីជួយពង្រឹងមុខជំនួញថ្មីចាស់ដែលលោក និងភរិយាបានរួមគ្នាបង្កើត ។ មុនពេលរៀបការលោករតនា និងភរិយា ព្រមទាំងឪពុកម្តាយក្មេកបានរួមគ្នាបើកស្ថានីយប្រេងឥន្ធនៈថ្មីមួយនៅស្រុកស្រអែម ខេត្តព្រះវិហារ ក្រោយពីបើកដំណើរការអាជីវកម្មដូចគ្នានេះនៅតំបន់ចាក់អង្រែនៃរាជធានីភ្នំពេញ ប្រកបដោយជោគ ជ័យ ។ នៅចាក់អង្រែគឺជាអាជីវកម្មរបស់លោករតនា និងភរិយាបើករួមគ្នា ។ ចំណែកឯមុខជំនួញស្ថានីយប្រេងឥន្ធនៈថ្មីនៅខេត្តព្រះវិហារ គឺជាមុខជំនួញថ្មីរួមគ្នារបស់លោករតនា ភរិយា និងឪពុកម្តាយក្មេក ។ ក្រៅពីអាជីវកម្មនេះក៏នឹងបើកជាមួយគ្នានូវអាជីវកម្មលក់គ្រឿងសំណង់នៅតំបន់នោះផងដែរ ។
ទោះជាយ៉ាងណាក្តី លោកធី រតនា មិនបញ្ចប់ការងារសិល្បៈទាំងស្រុងទេ គ្រាន់តែដកឃ្លាមួយរយៈប៉ុណ្ណោះ ហើយលោកនឹងបន្តការងារសិល្បៈជាថ្មីក្រោយអាជីវកម្មដំណើរការបានដោយរលូន ។
លោករតនា និងភរិយាដែលជាតារាសម្តែងដែរនោះ មានគេទាក់ទងផ្តល់ការងារសិល្បៈមួយចំនួនដែរ ប៉ុន្តែសម្រេចចិត្តមិនទទួលមួយរយៈ ។
ក្រោយពិធីមង្គលការរួចលោកធី រតនា មិនមានគម្រោងចេញទៅក្រេបទឹកឃ្មុំជាមួយ ភរិយានៅក្រៅស្រុកទេ ព្រោះតែមិនមានពេលវេលាគ្រប់គ្រាន់ ប៉ុន្តែអ្នកទាំងពីរនឹងបង្កើតភាពផ្អែមល្ហែមនៅតំបន់ទេសចរណ៍ណាមួយក្នុងស្រុក ៕
ចែករំលែកព័តមាននេះ