រាជធានីភ្នំពេញ ៖ សេចក្តីរាយការណ៍បឋមឱ្យដឹងថា បុរសម្នាក់បែកក្បាលស្លាប់ភ្លាមៗនៅនឹងកន្លែង បន្ទាប់ពីត្រូវរថយន្តក្រឡុកស៊ីម៉ង់ត៍មួយគ្រឿងបត់ស្តាំ ក៏បានកៀរនិងបុកអូសទាំងម៉ូតូ ទាំងមនុស្សគួរឱ្យរន្ធត់ ដែលហេតុការណ៍នេះ កើតឡើងកាលពីវេលាម៉ោង១០ព្រឹកថ្ងៃទី២៩ មេសា ២០១៦ នេះ ស្ថិតតាមបណ្តោយផ្លូវជាតិលេខ៦ (ស្ពានទី៣) ក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វា ។
ប្រភពឱ្យដឹងថា ជំហានដំបូង គេមិនទាន់ស្គាល់អត្តសញ្ញាណជនរងគ្រោះដែលស្លាប់នោះទេ ជិះម៉ូតូម៉ាកគប់ ពាក់ស្លាកលេខរ៨៦៧៥ភព១ ។ រីឯរថយន្តក្រឡុកស៊ីម៉ង់ត៍របស់ក្រុមហ៊ុន «CPAC» ដោយមិនស្គាល់ឈ្មោះអ្នកបើកបរផងដែរ ។
ប្រភពបន្តថា មុនពេលកើតហេតុ គេឃើញម៉ូតូ រួមទាំងរថយន្តក្រឡុកស៊ីម៉ង់ត៍ខាងលើ ធ្វើដំណើរស្របទិសគ្នា ក្នុងទិសដៅពីជើងទៅត្បូង ។ លុះមកដល់ចំណុចកើតហេតុ រថយន្តនោះបានបត់ស្តាំដើម្បីចូលទៅក្រុមហ៊ុន តែមិនដឹងយ៉ាងម៉េច ក៏ជ្រុលបុកម៉ូតូពេញទំហឹងតែម្តង ។
ចែករំលែកព័តមាននេះ