រាជធានីភ្នំពេញ ៖ បណ្តាផ្នែករដ្ឋ និងធុរជនកម្ពុជា-ថៃ ដែលបានចាប់ដៃគូជំនួញដើម្បីជំរុញឧស្សាហកម្ម«ម៉ៃស៍»បានចូលរួមក្នុងពិធី «Thailand MICE Roadshow Cambodia» ក្នុងគោលបំណងពង្រឹង និងពង្រីកមុខជំនួញឆ្ពោះទៅមានការទទួលស្គាល់លំដាប់ថ្នាក់អន្តរជាតិ ។
នៅក្នុងពិធីដែលប្រារព្ធធ្វើឡើងនៅសណ្ឋាគារហ៊ីម៉ាវ៉ារី នារសៀលថ្ងៃទី២៧ មេសា កន្លងទៅ មានអ្នកតំណាងមកពីផ្នែករដ្ឋ និងអ្នកធុរកិច្ចឯកជនកម្ពុជា-ថៃប្រហែល៣០០នាក់ចូលរួមស្តាប់ខ្លឹមសារ និងនយោបាយ ព្រមទាំងជាវេទិកាទទួលសណ្តាប់បញ្ហា និងឧបសគ្គផ្សេងៗពីគ្នាទៅវិញទៅមក តាមរយៈការប្រើប្រាស់ឧស្សាហ កម្មម៉ៃស៍ ឬការរៀបចំកិច្ចប្រជុំតាមរយៈទម្រង់ផ្សេងៗ ។
ពិធីនេះវាជាចំណែកមួយក្នុងការជួយជ្រោមជ្រែងធុរកិច្ចជាមួយគ្នា និងជាវេទិកាសម្រាប់ពិភាក្សាផ្លាស់ប្តូរមតិយោបល់ និងបទពិសោធន៍ចាប់ដៃគូជំនួញ Table Top Session រវាងក្រុមអ្នកជំនួញដែលបានចូលរួម ក្នុងនោះមានអ្នកគ្រប់គ្រង អ្នកតំណាងមកពីផ្នែករដ្ឋនៃប្រទេសកម្ពុជា ដូចជា ក្រសួងទេសចរណ៍ ក្រសួងពាណិជ្ជកម្ម ក្រសួងសាធារណការ និងដឹកជញ្ជូន ឯកអគ្គរាជទូតថៃប្រចាំកម្ពុជាទូតពាណិជ្ជកម្ម និងតំណាង មកពីក្រុមអ្នក ធុរកិច្ចនៃប្រទេសទាំងពីរ កម្ពុជា-ថៃ ដូចជា ធុរកិច្ចសណ្ឋាគារ ទេសចរណ៍ ធុរកិច្ចមន្ទីរពេទ្យ ធុរកិច្ចទេសចរណ៍ ធុរកិច្ចរៀបចំកិច្ចប្រជុំ និងសិក្ខាសាលា ជាដើម ។
ថ្លែងក្នុងពិធីនោះ អ្នកស្រី សុផះវណ្ណ ទីរះវ៉ាត់ អនុប្រធានផ្នែកយុទ្ធសាស្ត្រអភិវឌ្ឍន៍ធុរកិច្ច មានប្រសាសន៍ថា ៖ « នេះជាលើកទី២ហើយនៃការរៀបចំពិធី Thailand MICE Roadshow Cambodia ២០១៦ ក្នុងគោលបំណងពង្រឹង និងពង្រីកកិច្ចសហប្រតិបត្តិការដៃគូជំនួញ ផ្នែករដ្ឋ និងផ្នែកឯកជនមកពីប្រទេសថៃនិងកម្ពុជា។ ទាំងនេះពាក់ព័ន្ធទៅនឹងឧស្សាហកម្មម៉ៃស៍ ហើយក៏ជាចំណុចចាប់ផ្តើមនៃវេទិកាជំនួញផ្សេងៗដោយផ្ទាល់ និងដោយប្រយោល ដើម្បីមានឱកាសបានជួបពិភាក្សាផ្លាស់ប្តូរគំនិតពីគ្នាទៅវិញទៅមកលើគោលនយោបាយ និងគោលការណ៍ជំនួញ ដែលជាកត្តានាំមកនូវមិត្តភាពដ៏ប្រសើរ ដើម្បីរួមសហការគ្នាក្នុងការរុញច្រានឧស្សាហកម្មម៉ៃស៍ឲ្យបានគង់វង្សយូរអង្វែង»។
« ពិធីនេះប្រារព្ធធ្វើឡើងចាប់ពីថ្ងៃទី២៧ ដល់២៨ មេសា ឆ្នាំ២០១៦ ដែលចាត់ទុកថា ជានយោបាយមួយទៀត និងបានឆ្លុះបញ្ចាំងឲ្យឃើញពីភាពលេចធ្លោនៃបណ្តាប្រទេសក្នុងតំបន់ ជាទំហំការងារដែលធ្វើឡើងដោយការស្ថាបនារួមគ្នាពង្រឹង និងពង្រីកឧស្សាហកម្មម៉ៃស៍ឲ្យគេស្គាល់ក្នុងលំដាប់អន្តរជាតិ អំពីភាពរឹងមាំរបស់ផ្នែកផ្សេងៗនៃប្រទេសទាំង៥ តាមរយៈការរួមសហការគ្នាជួយជំរុញពីគ្រប់ផ្នែកឲ្យមានប្រសិទ្ធភាពខ្ពស់ » ។ នេះជាបញ្ជាក់របស់អ្នកស្រី សុផះវណ្ណ ទីរះវ៉ាត់ ។
ធីសេប បានបោះជំហានទៅមុខប្រមូលផ្តុំទីផ្សារនៃបណ្ដាប្រទេស CLMVT នាំគន្លងផ្លូវអញ្ជើញផ្នែករដ្ឋ អ្នកធុរកិច្ចកម្ពុជា-ថៃ ក្នុងការចាប់ដៃគូជំនួញ ព្រមទាំងត្រៀមខ្លួនជាស្រេចឆ្ពោះទៅកាន់ប្រទេសចំនួន២ទៀត គឺវៀតណាម និងឡាវ ហើយជឿជាក់ថា ឧស្សាហកម្មម៉ៃស៍នឹងឈរលើមូលដ្ឋាននៃកិច្ចសហប្រតិបត្តិការរីកចម្រើនលូតលាស់យ៉ាងរឹងមាំ ។
នៅក្នុងតំបន់ភូមិភាគ ប្រទេសដែលមានអ្នកធ្វើដំណើរយ៉ាងឆាប់រហ័ស គឺប្រទេសកម្ពុជាមានប្រជាជនមិនតិចទេដែលទៅកាន់ប្រទេសថៃ ដោយមានគោលដៅដើម្បីធ្វើដំណើរមកប្រជុំ រួមទាំងធ្វើដំណើរមកទេសចរណ៍ ដែលត្រូវឆ្លងកាត់ជាយដែន ឆ្លងកាត់ព្រំដែនមានការតភ្ជាប់រវាងគ្នាតាមចំណុចឆ្លងកាត់ផ្សេងៗ ។
ការរៀបចំពិធីនៅរាជធានីភ្នំពេញលើកនេះ មានជំនឿថា នឹងបង្កើនទិសដៅនាពេលអនាគតរបស់ឧស្សាហកម្មម៉ៃស៍នៃប្រទេសថៃ បន្តទីផ្សារកម្ពុជា រួមទាំងក្នុងភូមិភាគរីកលូតលាស់ទៅជាមួយគ្នា ហើយជឿជាក់ថា កិច្ចការលើកនេះជាចំណែកមួយនៃការចាប់ផ្តើមរួមកម្លាំងគ្នារុញច្រានឧស្សាហកម្មម៉ៃស៍រវាងថៃ-កម្ពុជា ឲ្យទៅជាវេទិកាដ៏មានប្រសិទ្ធភាព និងបង្កើតផលជាមួយគ្នា ។
ធីសេប ផ្តល់សារសំខាន់ និងមាននយោបាយជំរុញការធ្វើដំណើរទាំងក្នុងប្រទេស និងប្រទេសជិតខាងដែលមាននៅឆ្នាំ២០១៦។ ធីសេប មានផែនការរៀបចំពិធី Roadshow នៅក្នុងប្រទេសកម្ពុជា ឡាវ មីយ៉ាន់ម៉ា និងវៀតណាម ហើយកាលពីដើមឆ្នាំកន្លងទៅបានរៀបចំឡើងនៅប្រទេសមីយ៉ាន់ម៉ា។ ចំណែកលើកនេះប្រារព្ធធ្វើនៅកម្ពុជា និងមានគម្រោងពីរប្រទេសទៀតដូចជា វៀតណាមនិងឡាវ ហើយលើកក្រោយនេះជឿជាក់ថា ការធ្វើដំណើរទៅនៃទីផ្សារម៉ៃស៍ក្នុងប្រទេសទាំង៥ និងជួយជំរុញជំនួញ និងការវិនិយោគទុនលើផ្នែកផ្សេងៗឱ្យរីកលូតលាស់ តាមរយៈនៃការបោះជំហានទៅមុខ និងអភិវឌ្ឍន៍ព្រមៗគ្នា ព្រោះកន្លងមក ទីផ្សារក្រុមអនុភូមិភាគជំរុញប្រទេសថៃ បានបើកទ្វារទទួលស្គាល់ប្រជាជាតិអាស៊ានយ៉ាងឆាប់រហ័ស ។
ទោះជាយ៉ាងណា ក្រោយពេលបើកប្រជាជាតិអាស៊ាន ឧស្សាហកម្មម៉ៃស៍នឹងផ្តល់ប្រយោជន៍យ៉ាងខ្លាំង ប្រសិនបើប្រទេសទាំង៥ក្នុងក្រុមអនុភូមិភាគ ឬហៅកាត់ថា ប្រទេសCLMVT ដែលមានប្រជាជនសរុប៣០០លាននាក់ ឬពាក់កណ្តាលនៃចំនួនប្រជាជនក្នុងភូមិភាគអាស៊ានទាំងអស់ យើងបាននាំយកនូវចំណុចប្រសើររបស់យើង គឺមានផ្ទៃដៃតភ្ជាប់គ្នាទាំង៥ប្រទេសមកជាចំណុចដ៏រឹងមាំ ដើម្បីប្រមូលកម្លាំងក្នុងការតភ្ជាប់ការធ្វើដំណើររវាងគ្នានិងគ្នា ដែលនឹងផ្តល់ផលល្អជាបន្តបន្ទាប់ចំពោះភាពរីកចម្រើនលើផ្នែកផ្សេងៗឈរលើមូលដ្ឋាននៃភាពគង់វង្ស ។
រដ្ឋាភិបាលថៃបានប្រកាសឲ្យមានការចាត់ចែងតំបន់សេដ្ឋកិច្ចពិសេស និងនយោបាយក្នុងការពង្រឹកពង្រីកការធ្វើដំណើរ រួមទាំងបង្កើតឲ្យមានពិធី Activity ផ្សេងៗឡើងក្នុង១០ខេត្តនៃតំបន់សេដ្ឋកិច្ច ក្នុងនោះ មានឈៀងរ៉ាយ តាក ស្រះកែវ ត្រាត ណងខាយ ណះខនភ្នំ មុកដាហាន កានចះណះបុរី សុងខ្លា និងណះរ៉ាធិរ៉ាតសុទ្ធតែផ្តល់ផលប្រយោជន៍ដល់ការតភ្ជាប់គ្នាទៅវិញទៅមកនៃឧស្សាហកម្មម៉ៃស៍របស់ប្រទេសទាំង៥ ៕
ចែករំលែកព័តមាននេះ