យើងពិតជាបានដឹងយ៉ាងច្បាស់ហើយថា ការបរិច្ចាគឈាមជាអំពើសប្បុរសធម៌ដ៏ថ្លៃថ្លាបំផុុតដែលអាចជួយសង្គ្រោះដល់ជីវិតអ្នកត្រូវការវាជាចាំបាច់ ។ ប៉ុន្តែបើយោងតាមការសិក្សាស្រាវជ្រាវមួយពីក្រុមអ្នកវិទ្យាសាស្ត្រអាមេរិកបានបង្ហាញថា
យើងពិតជាបានដឹងយ៉ាងច្បាស់ហើយថា ការបរិច្ចាគឈាមជាអំពើសប្បុរសធម៌ដ៏ថ្លៃថ្លាបំផុុតដែលអាចជួយសង្គ្រោះដល់ជីវិតអ្នកត្រូវការវាជាចាំបាច់ ។ ប៉ុន្តែបើយោងតាមការសិក្សាស្រាវជ្រាវមួយពីក្រុមអ្នកវិទ្យាសាស្ត្រអាមេរិកបានបង្ហាញថា ការបរិច្ចាគឈាមផ្តល់អត្ថប្រយោជន៍ដល់សុខភាពផងដែរ ។
យោងតាមការសិក្សាធ្វើឡើងដោយព្រឹត្តិបត្រសមាគមវេជ្ជសាស្ត្រអាមេរិកដែលបានពិសោធបុរសជាតិហ្វាំងឡង់២.៦៨២នាក់ វ័យពី៤៣ឆ្នាំទៅ៦១ឆ្នាំ បង្ហាញថា អ្នកដែលបរិច្ចាគឈាមរៀងរាល់៦ខែម្តងអាចកាត់បន្ថយអត្រាប្រឈមនឹងការកើតមានជំងឺគាំងបេះបូងបានដល់៨៨% ធៀបទៅនឹងក្រុមដែលមិនបានបរិច្ចាគ ។ រៀងរាល់ការបរិច្ចាគឈាមចំណុះ1Pint ឬ៤៧៣,១៧មីល្លីលីត្រ គឺអាចដុតបំផ្លាញ កាឡូរីបាន៦៥០ ។
មានការពន្យល់ថា បរិចា្ចគឈាមផ្តល់អត្ថប្រយោជន៍ដល់សុខភាពក៏ព្រោះនៅពេលបង្ហូរឈាមចេញ កម្រិតសារធាតុដែកនឹងថយចុះ ។ ការកើនឡើងកម្រិតសារធាតុដែកនឹងបណ្តាលឱ្យឈាមកាន់តែខាប់ ហើយមួយវិញទៀតវានឹងជួយបង្កើនល្បឿននៃការធ្វើអុកស៊ីដកម្មរបស់ខ្លាញ់ កូឡេស្តេរ៉ូល ដែលទីបំផុតនាំឱ្យកើតជំងឺបេះដូង ។
យ៉ាងណាក៏ដោយ អត្ថប្រយោជន៍នោះអាចកើតមានទៅបាន ល្គឹកណា ការបរិច្ចាគឈាមធ្វើឡើងជាប្រចាំ និងទៀងទាត់ពេលវេលាតាមការណែនាំពីវេជ្ជបណ្ឌិត ពោលគឺមិនមែនយូរៗធ្វើម្តងនោះទេ ៕
ចែករំលែកព័តមាននេះ