រថយន្តកែច្នៃដឹកដើមកៅស៊ូបុករបងសាលា បាក់អស់៨ផ្ទាំងរបួស៣នាក់
ខេត្តត្បូងឃ្មុំ ៖ រថយន្តកែច្នៃ១គ្រឿងមិនមានពាក់ស្លាកលេខ ដឹកកំណាត់ដើមកៅស៊ូពេញបានដាច់កា ឡេជាហេតុបណ្តាលឲ្យទៅបុករបងបេតុងអនុវិទ្យាល័យគគីរ
ខេត្តត្បូងឃ្មុំ ៖ រថយន្តកែច្នៃ១គ្រឿងមិនមានពាក់ស្លាកលេខ ដឹកកំណាត់ដើមកៅស៊ូពេញបានដាច់កា ឡេជាហេតុបណ្តាលឲ្យទៅបុករបងបេតុងអនុវិទ្យាល័យគគីរ
ខេត្តត្បូងឃ្មុំ ៖ រថយន្តកែច្នៃ១គ្រឿងមិនមានពាក់ស្លាកលេខ ដឹកកំណាត់ដើមកៅស៊ូពេញបានដាច់កា ឡេជាហេតុបណ្តាលឲ្យទៅបុករបងបេតុងអនុវិទ្យាល័យគគីរ បាក់អស់ចំនួន៨ផ្ទាំង ស្ថិតនៅភូមិគគីរជើង ឃុំគគីរ ស្រុកមេមត់។ ហេតុការណ៏នោះកើតឡើងនៅ វេលាម៉ោង១និង៤៥នាទីរសៀល ថ្ងៃទី២៨ ខែមេសា ឆ្នាំ២០១៦ សំណាងមិនមានអ្នកស្លាប់នោះទេ ដោយគ្រាន់តែរបួសធ្ងន់ស្រាល៣នាក់ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុកមេមត់ ចំណែកអ្នកបើកបររថយន្តវិញ បានរត់គេចខ្លួនបាត់ផងដែរ។
តាមប្រភពពីនគរបាលចរាចរស្រុកមេមត់បានឲ្យដឹងថា អ្នកដែលរងគ្រោះទាំង៣នាក់នោះរួមមាន ១-ឈ្មោះ អេង គាំង ភេទប្រុស អាយុ២៧ឆ្នាំ នៅភូមិកំបាស់ ឃុំមេមង ស្រុកមេមត់ របួសធ្ងន់ ២-ឈ្មោះ ជីម នីន ភេទប្រុស អាយុ១៧ឆ្នាំ នៅភូមិស្រែព្រាល ឃុំគគីរ ស្រុកមេមត់ របួសស្រាល ៣-ឈ្មោះ អន សំអេន ភេទប្រុស អាយុ២០ឆ្នាំ ភូមិទួលថ្ម ឃុំគគីរ ស្រុកមេមត់ របួសស្រាល ។ នគរបាលចរាចរស្រុកមេមត់ បានឲ្យដឹងទៀតថា នៅពេលមុនកើតហេតុរថយន្តកែច្នៃខាងលើនេះ បានបើកក្នុងទិសដៅពីលិចទៅកើត ស្របពេលដែលជិតមកដល់អនុវិទ្យាល័យគគីរ ចៃដន្យស្រាប់តែដាច់កាឡេជាហេតុប្រទាញទៅបុករបងបេតុង សាលារៀននេះលាន់ដូចរន្ទះ បណ្ដាលឲ្យខូចរថយន្ត ជាដំណំចាក់កំណាត់ដើមកៅស៊ូ ទៅលើដីជាច្រើនកំណាត់ថែមទៀត ។
ក្នុងហេតុការណ៏នោះកម្មករ៣នាក់ដែលជិះលើរថយន្តបានផ្លោងខ្ទាតចេញពីរថយន្ត ចំណែកអ្នកបើកបររថយន្តវិញឈ្មោះ ហម ភេទប្រុស អាយុ៥៣ឆ្នាំ នៅភូមិច្រកចំបក់ ឃុំជប់ ស្រុកត្បូងឃ្មុំ បានរត់គេចខ្លួនបាត់ ។ នគរបាលចរាចរណ៏ស្រុកមេមត់ បញ្ជាក់ទៀតថា រថយន្តកែច្នៃដឹកដើមកៅស៊ូចេញពីព្រៃចំការក្នុងគោលបំណងមកដាក់នៅចុងភូមិទួលថ្ម ឃុំគគីរ តែមិនទាន់នឹងដល់គោលដៅផងនោះ ក៏បានជួបនឹងហេតុការណ៏បែបនេះតែម្តង រថយន្តត្រូវបាននាំមករក្សាទុកនៅ អធិការដ្ឋាននគរបាលស្រុកមេមត់ ដើម្បីដោះស្រាយទៅតាមផ្លូវច្បាប់ ៕
ចែករំលែកព័តមាននេះ