រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន បានប្រកាសចូលរួមរំលែកទុក្ខជាក្រុមគ្រួសារនិងសាច់ញាតិលោកអនុសេមីយ៍ឯក ទៀន ករុណា នាយរងការិយាល័យប្រឆាំងគ្រឿងញៀននៃទីបញ្ជាការកងរាជអាវុធហត្ថរាជធានីភ្នំពេញ ដែលបានទទួលមរណភាពក្នុងប្រតិបត្តិការបង្ក្រាបគ្រឿងញៀនកាលពីល្ងាចថ្ងៃទី២៧ មេសា នៅខណ្ឌទួលគោក ។
សម្តេចតេជោមានប្រសាសន៍ខាងលើបែបនេះ បានធ្វើឡើងនៅក្នុងឱកាសដែលសម្តេចបានអញ្ជើញជាអធិបតីក្នុងពិធីចែកសញ្ញាបត្រជូនដល់ជ័យលាភីនិស្សិតសាកលវិទ្យាល័យធនធានមនុស្ស នៅវិទ្យាស្ថានជាតិអប់រំ នាព្រឹកថ្ងៃទី២៨ មេសា ២០១៦ ។ បើតាមសម្តេចតេជោសែន កម្ពុជាមិនមែនជាអ្នកផលិតគ្រឿងញៀនទេ តែផ្ទុយទៅវិញជាជនរងគ្រោះតែប៉ុណ្ណោះ ។
សូមបញ្ជាក់ផងដែរថា បច្ចុប្បន្នសពលោក ទៀន ករុណា កំពុងធ្វើបុណ្យតាមប្រពៃណីនៅទីបញ្ជាការកងរាជអាវុធហត្ថរាជធានីភ្នំពេញ ស្ថិតផ្លូវវេងស្រេង ក្បែរផ្លូវបំបែកច្រមុះជ្រូកស្ទឹងមានជ័យ ៕
ចែករំលែកព័តមាននេះ