ប្រជាពលរដ្ឋ២៦គ្រួសារនៅសង្កាត់បាក់ខែងបានទទួលអំណោយសម្តេចកិត្តិព្រឹទ្ធបណ្ឌិត
រាជធានីភ្នំពេញ ៖ អនុសាខាកាកបាទក្រហមកម្ពុជា ខណ្ឌជ្រោយចង្វារួមជាមួយសមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌជ្រោយចង្វា
រាជធានីភ្នំពេញ ៖ អនុសាខាកាកបាទក្រហមកម្ពុជា ខណ្ឌជ្រោយចង្វារួមជាមួយសមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌជ្រោយចង្វា
រាជធានីភ្នំពេញ ៖ អនុសាខាកាកបាទក្រហមកម្ពុជា ខណ្ឌជ្រោយចង្វារួមជាមួយសមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌជ្រោយចង្វា កាលពីព្រឹកថ្ងៃទី២៦ ខែមេសានេះ បាននាំយកអំណោយរបស់សម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ទៅចែកជូនប្រជាពលរដ្ឋក្រីក្រ ចាស់ ជរាគ្មានទីពឹង និងផ្ទុកមេរោគចំនួន២៦គ្រួសារ នៅសង្កាត់បាក់ខែង ខណ្ឌជ្រោយចង្វា។
ពិធីនេះបានរៀបចំធ្វើឡើងនៅវត្តចំបក់មាស ស្ថិតក្នុងសង្កាត់បាក់ខែង ដោយមានការអញ្ជើញចូលរួមចែកជួនដោយលោកស្រី អ៊ួង សុផល្លា ប្រធានសមាគនារីកម្ពុជាដើម្បីសន្តិភាព និងអភិវឌ្ឍន៍ខណ្ឌជ្រោយចង្វា ជាតំណាង និងភរិយា លោក ឃ្លាំង ហួត អភិបាលខណ្ឌជ្រោយចង្វា និងជាប្រធានកិត្តិយសគណៈកម្មការ អនុសាខាកាកបាទក្រហមកម្ពុជាខណ្ឌជ្រោយចង្វា។នៅក្នុងឱកាសនោះក៍មានការអញ្ជើញចូលរួមអមពីលោកស្រី កែវ ច័ន្ទស៊ុនណារី ប្រធានគណៈកម្មការអនុសាខាកាកបាទក្រហមកម្ពុជាខណ្ឌព្រមទាំងមានការចូលរួមពីមន្ត្រីរាជការជុំវិញ ខណ្ឌ សង្កាត់ យ៉ាងច្រើនកុះករ។
អំណោយដែលនាំទៅចែកជួនប្រជាពលរដ្ឋនៅក្នុងឱកាស់នោះក្នុង១គ្រួសារទទួលបាន អង្ករចំនួន៣០គីឡូក្រាម មី១កេស ត្រីខ១យួរ(១០កំប៉ុង) ឃីត១ មានមុង១ ភួយ១ សារ៉ុង១ក្រម៉ា១ និងថវិកាចំនួន៦ម៉ឺនរៀល។ នៅក្នុងឱកាសនោះលោកស្រី អ៊ួង សុផល្លា ភរិយា និងជាតំណាងលោក ឃ្លាំង ហួត ក៏បានពាំនាំនូវការផ្តាំផ្ញើសួរសុខទុក្ខពីសំណាក់ថ្នាក់ដឹកនាំជាពិសេស សម្តេចតេជោ និងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលលោកតែងតែយកចិត្តទុកដាក់គិតគូពីសុខទុក្ខរបស់បងប្អូនប្រជាពលរដ្ឋនៅទូទាំងប្រទេស ដោយមិនប្រកាន់នូវនិន្នាការនយោបាយអ្វីឡើយ។លោកស្រីក៍បានបន្តទៀតថា សម្តេចកិត្តិព្រឹទ្ធបណ្ឌិត តែងតែផ្តល់អំណោយជាបន្តបន្ទាប់ តាមរយៈអនុសាខាកាកបាទក្រហមកម្ពុជាខណ្ឌជ្រោយចង្វានាំយកទៅចែកជួនដល់ប្រពលរដ្ឋក្រីក្រ ងាយរងគ្រោះនៅក្នុងមូលដ្ឋានខណ្ឌជ្រោយចង្វា។
អំណោយទាំងនេះ ទោះបីតិចតួច ក៏វាអាច ជួយសម្រួលដល់ការលំបាកដល់លោកយាយលោកតា បានមួយគ្រា និងម្យ៉ាងទៀតវាក៏បានបញ្ជាក់ពីការយកចិត្តទុក ពីថ្នាក់ដឹកនាំចំពោះប្រជាពលរដ្ឋនៅទូទាំងប្រទេសផងដែរ។លោកស្រី អ៊ួង សុផល្លា ក៏បានផ្តាំផ្ញើដល់លោកយាយលោកតា ឲ្យយកចិត្តទុកដាក់ ថែទាំសុខភាព ពេលមានជំងឺ និងមានបញ្ហាផ្សេង ដែលមិនលទ្ធភាពលោកយាយលោកតា រាយការណ៍ទៅអាជ្ញាធរមូលដ្ឋានជាបន្ទាន់ដើម្បីទទួលបានការអន្តរាគមន៍៕
ចែករំលែកព័តមាននេះ