រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងមកថា ក្មេងស្រី១៣នាក់បានត្រូវគេលាក់ទុកក្នុងភូមិគ្រឹះមួយកន្លែងគ្មានលេខ ស្ថិតនៅតាមផ្លូវម៉ាស៊ីនទឹក ក្រុមទី៥ ភូមិ៣ សង្កាត់-ខណ្ឌជ្រោយចង្វារ ។
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងមកថា ក្មេងស្រី១៣នាក់បានត្រូវគេលាក់ទុកក្នុងភូមិគ្រឹះមួយកន្លែងគ្មានលេខ ស្ថិតនៅតាមផ្លូវម៉ាស៊ីនទឹក ក្រុមទី៥ ភូមិ៣ សង្កាត់-ខណ្ឌជ្រោយចង្វារ ។
សេចក្តីរាយការណ៍បានបន្តថា នៅវេលាម៉ោងជិត៥ល្ងាចថ្ងៃទី២៦ មេសា ២០១៦នេះ សមត្ថកិច្ចកំពុងសហការជាមួយអង្គការនិងព្រះរាជអាជ្ញាដើម្បីបន្តឆែកឆេរនៅក្នុងភូមិគ្រឹះដែលមិនទាន់ស្គាល់ម្ចាស់ខាងលើ ។
ប្រភពបន្តថា មុនពេលចុះប្រតិបត្តិការនេះ គឺមានក្មេងស្រីម្នាក់អាយុ១៥ឆ្នាំ បានមិនព្រមស្នាក់នៅ ខណៈម្ចាស់ភូមិគ្រឹះបង្ខំឲ្យម៉ាស្សាភ្ញៀវ រួចក្មេងស្រីនោះទូរស័ព្ទហៅម្តាយមីងឲ្យមកយកត្រឡប់ទៅផ្ទះវិញ ប៉ុន្តែត្រូវបានម្ចាស់ភូមិគ្រឹះមិនអនុញ្ញាត ។
ក្រោយមកទើបម្តាយមីងសម្រេចប្តឹងសមត្ថកិច្ចនិងចុះឆែកឆេរតែម្តង សមត្ថកិច្ចបានដាក់ការសង្ស័យជំហានដំបូងថាការលាក់ទុកក្មេងស្រី១៣នាក់មានអាយុចន្លោះពី១៥ឆ្នាំទៅជិត២០ឆ្នាំនេះ ក្នុងបំណងដើម្បីជួញដូរ ៕
ចែករំលែកព័តមាននេះ