ខេត្តកំពង់ចាម ៖ កម្លាំងប៉ុស្តិ៍រដ្ឋបាលឃុំថ្មពូន បានសហការជាមួយនឹងជំនាញព្រហ្មទណ្ឌស្រុកព្រៃឈរ ឃាត់ជនសង្ស័យម្នាក់ឈ្មោះតន ទី ភេទប្រុស អាយុ១៧ឆ្នាំ រស់នៅស្រុកព្រៃឈរ កាលពីវេលាម៉ោង៧និង៤៥នាទីព្រឹកថ្ងៃទី១៣ មីនា ឆ្នាំ២០១១ ដោយជាប់ចោទពីបទចាប់ក្មេងស្រីអាយុ៥ឆ្នាំ រំលោភសេពសន្ថវៈមិនបានសម្រេច នៅក្នុងអាងសម្រាប់ដាក់ទឹកប្រើប្រាស់ ។
តាមលោកវរសេនីយ៍ត្រីនួន សាម៉ន អធិការនគរបាលស្រុកព្រៃឈរ បានប្រាប់កោះសន្តិភាពឱ្យដឹងថា នៅវេលាម៉ោង១១ព្រឹកថ្ងៃទី១២ មីនា ជនសង្ស័យរូបនេះបានដេញប្រលែងលេងជាមួយនឹងក្មេងៗ៤នាក់ ក្នុងពេលនោះយុវជនឈ្មោះទី បានចូលទៅក្នុងអាងទឹកធ្វើពីតៅអណ្តូង ស្ថិតនៅមុខផ្ទះរបស់ឈ្មោះសុង ភេទប្រុស រស់នៅឃុំថ្មពូន ។
លោកអធិការនគរបាលស្រុកព្រៃឈរបានបន្តថា បន្ទាប់មកជននេះបានលួងលោមក្មេងស្រីម្នាក់អាយុ៥ឆ្នាំ រស់នៅឃុំថ្មពូន ឱ្យចូលទៅលេងជាមួយនៅក្នុងអាងទឹកនោះ ដែលមិនមានទឹកទេ ។ ដោយឃើញក្មេងស្រីស្លៀកសារុងកៅស៊ូក៏មានអារម្មណ៍ រួចចាប់ទាញសារុងចេញ ហើយយកប្រដាប់ភេទដាក់ញុលៗប្រហែលជាពីរទៅបីនាទី តែដោយក្មេងស្រីស្រែកយំពេក យុវជននេះបានក្រោករត់ពីក្នុងអាងគេចទៅផ្ទះរបស់ខ្លួនវិញ ។
តាមសម្តីឪពុករបស់ក្មេងស្រីរងគ្រោះបានរៀបរាប់ប្រាប់ថា ក្នុងខណៈពេលដែលខ្លួនបានដើរត្រឡប់ មកពីចំការវិញ មកដល់ផ្ទះ ម៉ោងប្រហែលជា១១ថ្ងៃត្រង់ បានឃើញកូនស្រីយំហើយក៏បានសួរនាំ ភា្លមៗនោះមិនត្រូវបានកូនស្រីប្រាប់នោះទេ។ តែត្រូវបានកូនប្រុសអាយុ៤ឆ្នាំម្នាក់ប្រាប់ថា «ឃើញបងទីចាប់ឱបចែនៅក្នុងអាងទឹក» ។ លុះលួងលោមកូនស្រីកុំឱ្យយំ ពេលដែលបានសួរនាំទើបប្រាប់ពីដំណើររឿងខាងលើនោះ រួចបានទៅប្តឹងប៉ុស្តិ៍រដ្ឋបាលឃុំថ្មពូនដើម្បី ឱ្យជួយអន្តរាគមន៍តែម្តង ៕
ចែករំលែកព័តមាននេះ