ធនាគារឯកទេសវីង ខេបូឌាលីមីតធីត គឺជាធនាគារដំបូង និងឈានមុខគេលើសេវាកម្មផ្ទេរប្រាក់តាម រយៈទូរស័ព្ទដៃ បានចុះកិច្ចព្រម Bjrag ជាដៃគូផ្លូវការ ជាមួយនិងប្រៃសនីយ៍កម្ពុជា ស្តីពីការអនុញ្ញាត្តិអោយប្រៃសណីយ៍កម្ពុជាគ្រប់សាខាទូទាំងប្រទេស ក្លាយជាភ្នាក់ងារវីង ដើម្បីទទួលបំរើសេវាកម្មជូនដល់អតិថិជន ។
ការប្តេជ្ញាចិត្តរបស់ធនាគារឯកទេសវីងចំពោះអតិថិជនគឺ ការពង្រីកបណ្តាញភ្នាក់ងាររបស់ខ្លួន ដើម្បីផ្តល់ភាពងាយស្រួល ដល់អតិថិជន និងធានាឱ្យបានថារាល់ ប្រជាជនកម្ពុជាមានលទ្ធភាពក្នុងការទទួលបាននូវ សេវាហិរញ្ញវត្ថុ មិនថានៅទីក្រុង ឬតំបន់ជនបទទេ ។ គិតចាប់ពីពេលបង្កើតមកដល់បច្ចុប្បន្ន វីងបានបង្កើតកម្មវិធីថ្មីៗ ដើម្បីជួយសម្រួលដល់ការផ្ញើប្រាក់របស់អតិថិជនអោយរហ័ស និងមានសុវិត្ថិភាពបំផុតដោយប្រើប្រព័ន្ធបច្ចេកវិទ្យា និងការបង្កើតថ្មីនាពេលបច្ចុប្បន្ន ។ សេវាកម្ម និង ផលិតផលរបស់វីង បានអនុញ្ញាតអោយគ្រប់ប្រជាជនកម្ពុជាទាំងអស់ធ្វើប្រតិបត្តិការសេវាហិរញ្ញវត្ថុ ដូចជាសេវាផ្ទេរប្រាក់ក្នុងស្រុក បញ្ចូលទឹកប្រាក់ទូរស័ព្ទ បង់វិក្កយបត្រ វីងគិតលុយ (ធ្វើការទូទាត់ដោយប្រើកាតវីងនៅបណ្តាហាងជាដៃគួ) និង ការទូទាត់សាច់ប្រាក់តាមអ៊ីនធឺណែត ។
យោងតាមកិច្ចព្រមព្រៀងខាងលើ ការិយាលយ័ប្រៃសណីយ៍កម្ពុជាទាំងអស់ទូទាំងប្រទេស នឹងទទួលបំរើសេវាកម្មទាំងអស់របស់វីងជូនដល់អតិថិជន ដូចជា ដាក់ប្រាក់ ដកប្រាក់ បង់វិក្កយបត្រ បើកប្រាក់បៀរវត្សរ៍ បញ្ចូលកាតទូរស័ព្ទ ជាដើម ។ នេះគឺបន្ថែមពីលើ ចំនួនភ្នាក់ងារវីងដែលមានសព្វថ្ងៃជាង ៣៦០០ កន្លែងទូទាំងប្រទេស ។
លោក ចូចូ ម៉ាឡូឡូស អគ្គនាយកធនាគារឯកទេសវីង មានប្រសាសន៌ថា កិច្ចសហប្រតិបត្តិការនេះ មិនត្រឹមតែជំរុញអោយមានការសហការគ្នារវាង វីង និង រាជរដ្ឋាភិបាលប៉ុណ្ណោះទេ គឺថែមទាំង ផ្តល់នូវសេវាកម្ម ដែលមានភាពងាយស្រួល និងសុវត្ថិភាព លើសេវាកម្មទូទាត់សាច់ប្រាក់ចល័ត ដល់ប្រជាជនកម្ពុជា ។ វីង បានជួយអោយជីវភាពរស់នៅរបស់ប្រជាជនកម្ពុជាកាន់តែប្រសើឡើង ។ សេវាកម្មផ្ទេរប្រាក់របស់វីង អនុញ្ញាតអោយប្រជាជនដែលមានចំណូលតិច អាចធ្វើការផ្ញើប្រាក់ សំរាប់ករណីបន្ទាន់ភ្លាមៗ ឬសម្រាប់ការចំណាយប្រចាំថ្ងៃផ្សេងៗ ទៅកាន់ក្រុមគ្រួសារ មិត្តភត្តិរបស់ពួកគេដែលនៅតាមខេត្ត ឬតំបន់ដាច់ស្រយាល។ ភាពជាដៃគួរនេះពិតជាបានបង្ហាញពីកិច្ចខិតខំប្រឹងប្រែងរបស់វីង ក្នុងការពង្រឹង និងពង្រីកការផ្តល់សេវាកម្មជូនដល់ប្រជាជនកម្ពុជាទូទៅ។
ធនាគារឯកទេសវីង ខេមបូឌាលីមីតធីត គឺជាក្រុមហ៊ុនដែលផ្តល់សេវា ដែលមានគំនិតច្នៃថ្មី លើសេវាទូទាត់សាច់ប្រាក់ចល័តតាមទូរស័ព្ទដៃ ដូចជា សេវាកម្មផ្ទេប្រាក់ សេវាកម្មបង់វិក្កយបត្រ សេវាកម្មបញ្ចូលទឹកប្រាក់ទូរស័ព្ទ វីងគិតលុយ និង ការទូទាត់សាច់ប្រាក់តាម អ៊ីនធឺណែត ៕
ចែករំលែកព័តមាននេះ