ទទួលទានដំណេកមិនគ្រប់បង្កើនអត្រាជំងឺបេះដូង
ក្រុមអ្នកស្រាវជ្រាវរបស់ប្រទេសហូឡង់បាននិយាយថា ទទួលទានដំណេកបានតិចតួចគឺជាកត្តាមួយក្នុងចំណោមកត្តាសំខាន់ៗផ្សេងៗទៀត ដែលបណ្តាលឱ្យគាំងបេះដូងបង្កជាគ្រោះថ្នាក់ស្មើនឹងការជក់បារី ។
ក្រុមអ្នកស្រាវជ្រាវរបស់ប្រទេសហូឡង់បាននិយាយថា ទទួលទានដំណេកបានតិចតួចគឺជាកត្តាមួយក្នុងចំណោមកត្តាសំខាន់ៗផ្សេងៗទៀត ដែលបណ្តាលឱ្យគាំងបេះដូងបង្កជាគ្រោះថ្នាក់ស្មើនឹងការជក់បារី ។
ក្រុមអ្នកស្រាវជ្រាវរបស់ប្រទេសហូឡង់បាននិយាយថា ទទួលទានដំណេកបានតិចតួចគឺជាកត្តាមួយក្នុងចំណោមកត្តាសំខាន់ៗផ្សេងៗទៀត ដែលបណ្តាលឱ្យគាំងបេះដូងបង្កជាគ្រោះថ្នាក់ស្មើនឹងការជក់បារី ។ ពួកគេបានអះអាងថា ការសម្រាកបានយ៉ាងស្កប់ស្កល់ក្នុងពេលរាត្រីអាចជួយកាត់បន្ថយឱកាសស្លាប់ដោយជំងឺបេះដូងបានពាក់កណ្តាល ។
នៅក្នុងការពិសោធតាមដានលើមនុស្ស១៤.០០០នាក់ ហើយចំណាយពេលអស់១២ឆ្នាំ ក្រុមអ្នកស្រាវជ្រាវបានរកឃើញថា ការទទួលទានដំណេក៧ម៉ោងក្នុងមួយយប់អាចជួយកាត់បន្ថយហានីភ័យពីជំងឺបេះដូងបាន៦៥ភាគរយ ខណៈហានីភ័យពីជំងឺផ្សេងៗទៀត ដែលទាក់ទងនឹងបេះដូងអាចកាត់បន្ថយបាន៨៣ភាគរយ ។ ប្រៀបធៀបទៅនឹងការអនុវត្តបែបបទនៃការរស់នៅ៤យ៉ាងផ្សេងទៀតមានដូចជារបបអាហារផ្តល់នូវសុខភាព ហាត់ប្រាណ មិនជក់បារី និងផឹកស្រាតិចតួច ដំណេកគ្រប់គ្រាន់អាចជួយឱ្យសុខភាពជាពិសេសបេះដូងល្អប្រសើរបន្ថែម២២ភាគរយ ។
ទោះជាយា៉ងនេះក្តី ក្រុមអ្នកស្រាវជ្រាវមិនបានបញ្ជាក់ឱ្យច្បាស់ថា តើមកពីមូលហេតុអ្វីដែលដេកគ្រប់គ្រាន់ធ្វើឱ្យប្រសើរដល់សុខភាពបេះដូងនោះទេ ។ ប៉ុន្តែវេជ្ជបណ្ឌិត Monique Verschuren អ្នកដឹកនាំការស្រាវជ្រាវបានអះអាងថា ទទួលបានអត្ថប្រយោជន៍សុខភាពបែបនោះ ល្គឹកណាគេអនុវត្តបញ្ចូលគ្នាជាមួយនឹងបែបបទនៃការរស់នៅ៤យា៉ងផ្សេងទៀត(ការហាត់ប្រាណ ទទួលទានរបបអាហារដែលផ្តល់អត្ថប្រយោជន៍ដល់សុខភាព មិនជក់បារី មិនផឹកស្រា ឬផឹកតិចតួច) ។
លោកបានបន្តថា «ឥឡូវនេះសារសំខាន់នៃដំណេកអាចត្រូវបានលើកយកមកនិយាយក្នុងនាមជាមធ្យោបាយបន្ថែមមួយដើម្បីកាត់បន្ថយអត្រាប្រឈមនឹងជំងឺបេះដូង» ៕
ចែករំលែកព័តមាននេះ