អ្នកវិទ្យាសាស្ត្របាននិយាយថា ការលួងលោម បបោសអង្អែលប្រលោមឱ្យដេកជាមួយ និងការច្រៀងបំពេរដ៏ស្រទន់របស់ស្ត្រីជាម្តាយពិតជាផ្តល់អត្ថប្រយោជន៍យ៉ាងល្អចំពោះកូនតូចរបស់ពួកគេក្នុងជីវិតទៅថ្ងៃខាងមុខ
អ្នកវិទ្យាសាស្ត្របាននិយាយថា ការលួងលោម បបោសអង្អែលប្រលោមឱ្យដេកជាមួយ និងការច្រៀងបំពេរដ៏ស្រទន់របស់ស្ត្រីជាម្តាយពិតជាផ្តល់អត្ថប្រយោជន៍យ៉ាងល្អចំពោះកូនតូចរបស់ពួកគេក្នុងជីវិតទៅថ្ងៃខាងមុខហើយទាំងអស់នេះនឹងជួយការពារឱ្យកូនគេចផុតពីជំងឺធ្ងន់ៗបាន ។
យោងតាមអ្នកស្រាវជ្រាវរបស់សាកលវិទ្យាល័យ Brandeis University នៅទីក្រុងបូស្តុន រដ្ឋម៉ាសាឈូសេតសហរដ្ឋអាមេរិកបានរកឃើញថា ការថែទាំដោយក្តីទន់ភ្លន់របស់អ្នកម្តាយនឹងជួយកាត់បន្ថយការប្រឈមរបស់កូនពួកគេទៅនឹងជំងឺទឹកនោមផ្អែមក៏ដូចជាជំងឺបេះដូងនៅពេលធំពេញវ័យ ។ មានសុខភាពល្អ=មានសុភមង្គលយា៉ងបរិបូរ ។
ផ្ទុយមកវិញ ក្មេងៗដែលធំឡើងក្នុងបរិស្ថានគ្រួសារពោរពេញទៅដោយភាពតានតឹងដែលអ្នកម្តាយជ្រួញចិញ្ចើមដាក់កូនជានិច្ចនឹងប្រឈមការកើតមានជំងឺធ្ងន់ៗមានដូចជា ទឹកនោមផ្អែម សម្ពាធឈាមឡើងខ្ពស់ក្នុងពេលគេធំពេញវ័យ។
សាស្ត្រាចារ្យចិត្តវិទ្យាលោកស្រី Margie Lachman បានបញ្ជាក់ថា រឿងហេតុទាំងឡាយដែលកើតមានក្នុងវ័យកុមារភាពបានបន្សល់ទុកជា «កាកសំណល់ជីវសាស្ត្រមួយ» ទៅលើសុខភាពរបស់កុមារពេលពួកគេពេញវ័យ។ លោកស្រីបន្តថា ការពិតដែលយើងមើលឃើញនូវផលប៉ះពាល់ដ៏វែងឆ្ងាយពីកុមារភាពចូលដល់វ័យពាក់កណ្តាលជីវិតគឺជាល្ខោនដ៏ល្អស្អាតមួយ។
ក្រុមអ្នកវិទ្យាសាស្ត្របានស្នើឡើងថា វាគួរតែបញ្ចូលគ្នានូវការយល់ចិត្ត និងបង្រៀនក្មេងៗនូវវិធីដោះស្រាយភាពតានតឹង។ ធ្វើបែបនេះនឹងមិនប៉ះពាល់ដល់សុខភាពរបស់ពួកគេឡើយ ។
លោកស្រី Lachman បញ្ជាក់ថា ការរកឃើញនៅពេលនេះវាអាចជាព័ត៌មានដែលជួយផ្តល់ដំបូន្មានសម្រាប់ឪពុកម្តាយទាំងឡាយក្នុងការដោះស្រាយភាពតានតឹងរបស់ខ្លួនក៏ដូចជាកូនៗរបស់គេព្រមទាំងចេះគ្រប់គ្រងលើជោគវាសនារបស់ខ្លួនឯង ។ សូមបញ្ជាក់ថា លទ្ធផលនៃការសិក្សានេះត្រូវបានចុះផ្សាយនៅក្នុងព្រឹត្តិប័ត្រ Psychological Science រួចហើយ ៕
ចែករំលែកព័តមាននេះ