រដូវប្រាំងឆ្នាំនេះក្ដៅខ្លាំង បណ្ដាលឲ្យភ្លើងឆេះព្រៃច្រើនកន្លែង
មណ្ឌលគិរី ៖ ភ្លើងឆេះព្រៃនារដូវប្រាំងនេះ កំពុងតែវាយប្រហារមកលើបណ្តាព្រៃការពារ និងព្រៃអភិរក្សមួយចំនួនក្នុងខេត្តមណ្ឌលគិរី បង្កឲ្យមានផលប៉ះពាល់
មណ្ឌលគិរី ៖ ភ្លើងឆេះព្រៃនារដូវប្រាំងនេះ កំពុងតែវាយប្រហារមកលើបណ្តាព្រៃការពារ និងព្រៃអភិរក្សមួយចំនួនក្នុងខេត្តមណ្ឌលគិរី បង្កឲ្យមានផលប៉ះពាល់
មណ្ឌលគិរី ៖ ភ្លើងឆេះព្រៃនារដូវប្រាំងនេះ កំពុងតែវាយប្រហារមកលើបណ្តាព្រៃការពារ និងព្រៃអភិរក្សមួយចំនួនក្នុងខេត្តមណ្ឌលគិរី បង្កឲ្យមានផលប៉ះពាល់ និងក្តីព្រួយបារម្មណ៍ចំពោះប្រជាពលរដ្ឋ ស្របពេលដែលកម្ពុជាកំពុងប្រឈមនឹងគ្រោះរាំងស្ងួតដែលកំពុងអូសបន្លាយអស់រយៈពេលច្រើនខែមកហើយនេះ។ នៅថ្ងៃសៅរ៍ចុងសប្តាហ៍នេះ ភ្លើងព្រៃត្រូវគេរាយការណ៍ថា កំពុងតែឆាបឆេះ វាយប្រហារព្រៃតាមបណ្តោយផ្លូវជាតិលេខ៧៦ ហើយព្រៃទាំងនេះក៏ស្ថិតក្នុងតំបន់ព្រៃការពារអភិរក្សជីវចម្រុះសីមាផងដែរ។
មន្ត្រីរដ្ឋបាលព្រៃឈើ សមត្ថកិច្ចមូលដ្ឋាន និងប្រជាពលរដ្ឋ បង្ហាញការព្រួយបារម្ភយ៉ាងខ្លាំង ខណៈភ្លើងបានបន្តឆាបឆេះខិតជិត មកស្នាក់ការមេព្រៃ និងផ្ទះសំបែងពលរដ្ឋ។ នាល្ងាចថ្ងៃសៅរ៍ដដែលស្នងការដ្ឋានខេត្តមណ្ឌលគិរី បានផ្តល់រថយន្តពន្លត់អគ្គីភ័យមួយគ្រឿងដើម្បី ជួយអន្តរាគមន៍ពន្លត់ភ្លើងដែលកំពុងឆាបឆេះនោះ។ ប៉ុន្តែទោះជាយ៉ាងណាក្រុមអ្នកពន្លត់អគ្គីភ័យបានសម្ដែងការខកចិត្តថា មិនអាចពន្លត់បាន១០០%ព្រោះស្ថានភាពឆេះស្ថិតនៅលើកំពួលភ្នំ គ្មានផ្លូវចូលទៅដល់។ ប្រធានគម្រោងអភិរក្សជីវចម្រុះសីមា លោក មាគ វុឌ្ឍី ថ្លែងថាភ្លើងព្រៃបានចាប់ផ្តើមឆេះអស់រយៈពេលប៉ុន្មានថ្ងៃមក ហើយ នឹងបានរាលដាលតាមបណ្តោយផ្លូវជាតិលេខ៧៦ និងពីខាងក្រោយស្នាក់ការអភិរក្ស និងអធិការដ្ឋាននគរបាល ។
លោកថានេះជាទម្លាប់ភ្លើងឆេះព្រៃទៅហើយ ដែលតែងតែកើតមានជារៀងរាល់ឆ្នាំ តែដោយឡែកនារដូវប្រាំងឆ្នាំ២០១៦នេះ ភ្លើងបានឆេះរំកិលកាន់តែមកជិតស្នាក់ការមេព្រៃ និងផ្ទះប្រជាពលរដ្ឋ ដែលជាហេតុធ្វើឲ្យលោកស្នើទៅលោកស្នងការខេត្តដើម្បី សូមផ្តល់រថយន្តពន្លត់អគ្គីភ័យជួយអន្តរាគមន៍។ សូមជម្រាបថា នៅល្ងាចថ្ងៃ២៣មេសាដដែល រថយន្តពន្លត់អគ្គីភ័យបានបន្តពន្លត់ភ្លើងដែលកំពុងតែឆាបឆេះ ជាបន្តបន្ទាប់អស់ជាច្រើនរថយន្ត ហើយអាចកាត់បន្ថយកម្លាំងភ្លើងមិនឲ្យឆាបឆេះ រំកិលទៅក្បែរស្នាក់ការមេព្រៃ និងផ្ទះពលរដ្ឋបានមួយរយៈពេល ។ ទោះជាយ៉ាងណាក៏អជ្ញាធរនូវតែមានការព្រួយបារម្ភពីសុវត្ថិភាពព្រៃ និងទ្រព្យសម្បត្តិ ដែលអាចនឹងត្រូវភ្លើងព្រៃឆេះបានគ្រប់នាទីប្រសិនបើមានការធ្វេសប្រហែសនោះ ហើយខណៈដែលខេត្តមួយនេះ កំពុងជូបគ្រោះរាំងស្ងួតផងនោះ។គួរបញ្ចាក់ផងដែរថា ខេត្តមណ្ឌលគិរីនៅមិនទាន់មានរបាយការណ៍អំពីករណីភ្លើងឆេះព្រៃ បំផ្លាញអាយុជិវិត និងលំនៅស្ថានពលរដ្ឋនៅឡើយ បើធៀបនឹងបណ្តាខេត្តមួយចំនួនដែលជូបគ្រោះរាំងស្ងួតដូចគ្នានេះ៕
ចែករំលែកព័តមាននេះ