បង្ក្រាបជនជួញដូរគ្រឿងញៀ.នបានម្នាក់ រួមជាមួយថ្នាំញៀន៨កញ្ចប់និងម៉ូតូមួយគ្រឿង
ខេត្តកំពត ៖ លោកវរៈសេនីយត្រី គឹម ចេស្តា មេបញ្ជាការកងរាជអាវុធហត្ថក្រុងកំពត បានឲ្យអ្នកយកពត៌មានដឹងថា ដោយបានទទួលបញ្ជាពីលោកឧត្តមសេនីយត្រី
ខេត្តកំពត ៖ លោកវរៈសេនីយត្រី គឹម ចេស្តា មេបញ្ជាការកងរាជអាវុធហត្ថក្រុងកំពត បានឲ្យអ្នកយកពត៌មានដឹងថា ដោយបានទទួលបញ្ជាពីលោកឧត្តមសេនីយត្រី កែវ សុផល មេបញ្ជាការកងរាជអាវុធហត្ថខេត្តបានចង្អុលបញ្ជាមកអង្គភាពលោកផ្ទាល់ដើម្បីចុះល្បាតស្រាវជ្រាវមុខសញ្ញាការជួញដូរគ្រឿងញៀនដែលបានកំណត់ទុក។
នៅវេលាម៉ោង១២និង៣៨នាទីរំលងអាធ្រាត្រឈានចូលថ្ងៃទី២៤ ខែមេសា ឆ្នាំ ២០១៦ លោកបានដឹកនាំកម្លាំងផ្ទាល់ចុះល្បាតមុខសញ្ញាមួយកន្លែង មុខក្លឹបដ្រាហ្គន ស្ថិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត កម្លាំងរបស់លោកបានបង្ក្រាបបទល្មើសជាក់ស្តែងឃាត់ខ្លួនជនសង្ស័យបានម្នាក់ រឹបអូសវត្ថុតាងថ្នាំញៀនប្រភេទម្សៅក្រាមពណ៌ស(ម៉ាទឹកកក)ចំនួន៨កញ្ចប់តូច និងម៉ូតូម៉ាកវ៉េវពណ៌ក្រហមគ្មានស្លាកលេខមួយគ្រឿង។
លោកមេបញ្ជាការកងរាជអាវុធហត្ថក្រុងបានឲ្យដឹងទៀតថា ជនសង្ស័យដែលឃាត់ខ្លួនមានឈ្មោះ សំ ជម្ពូសក្តិ ភេទប្រុស អាយុ២៨ឆ្នាំ មានមុខរបរមិនពិតប្រាកដ ស្នាក់នៅភូមិកំពង់បាយខាងជើង សង្កាត់កំពង់បាយ ក្រុងកំពត។ លោកបន្តថា ជនសង្ស័យរួមនឹងវត្ថុតាង យើងបានកសាងសំណុំរឿងបញ្ជូនទៅទីបញ្ជាការដ្ឋានកងរាជអាវុធហត្ថខេត្តដើម្បីចាត់ការបន្តតាមនីតិវិធី៕
ចែករំលែកព័តមាននេះ