ប្រទេសចិន ៖ កម្ចីឥណទានផ្នែកអចលន ទ្រព្យរបស់ចិនបានបន្តកើនឡើងប្រកបដោយស្ថិរភាព ខណៈដែលទីផ្សារអចលនទ្រព្យចាប់ ផ្តើមបង្ហាញនូវសញ្ញារើបឡើងវិញ ។ នេះបើតាមទិន្នន័យបង្ហាញដោយធនាគារកណ្តាល កាលពីថ្ងៃពុធកន្លងមក ។
នៅដំណាច់ខែមីនានេះ ស្ថាប័នហិរញ្ញវត្ថុនៅក្នុងប្រទេសចិនបានផ្តល់ប្រាក់កម្ចីទៅធនាគារចំនួន៣,៤៦ទ្រីលានដុល្លារសម្រាប់វិស័យអចលនទ្រព្យ ដែលបានកើនឡើង២២,២% ពីមួយឆ្នាំទៅមួយឆ្នាំ ។ នេះបើតាមរបាយការណ៍របស់ធនាគារចិន PBOC ។
របាយការណ៍បានបញ្ជាក់ទៀតថា កំណើននេះមានចំនួន១,៣ពិន្ទុគោល ដែលលឿនជាងអត្រាកំណើននៅដំណាច់ឆ្នាំ២០១៥ ទៅទៀត ។
ចំណែកកម្ចីដែលមិនទាន់សងសម្រាប់ការអភិវឌ្ឍផ្នែកអចលនទ្រព្យវិញ មានចំនួន៥,២២ទ្រីលានយន់នៅដំណាច់ខែមីនា ខណៈកម្ចីជាលក្ខណៈបុគ្គលបានកើនឡើង២៥,៥%ស្មើនឹង១៥,១៨ទ្រីលានយន់ ពោលគឺកើនឡើង២,៤ពិន្ទុនៅដំណាច់ឆ្នាំ២០១៥ ។
យោងតាមការស្ទង់មតិទៅលើទីក្រុងធំ និងមធ្យមចំនួន៧០ កាលពីខែមីនា ឱ្យដឹងថា តម្លៃផ្ទះថ្មីនៅក្នុងទីក្រុងទាំង៦២ បានកើនឡើងពីមួយខែទៅមួយខែ ពោលគឺកើនឡើងក្នុង៤៧ទីក្រុង បើធៀបនឹងខែមុន ។ នេះបើតាមការិយាល័យស្ថិតិជាតិ (NBS) បានឲ្យដឹងកាលពីថ្ងៃចន្ទកន្លងមក ៕
ចែករំលែកព័តមាននេះ