ភ្ញាក់ផ្អើលសមត្ថកិច្ច២ខេត្ត ឆេះព្រៃលិចទឹករាលដាលដល់តូបលក់ដូរ
ខេត្តត្បូងឃ្មុំ ៖ គ្រោះអគ្គិភ័យមួយបានកើតឡើងដោយបានឆាបឆេះរោងលក់ដូរ(លក់គ្រឿងក្លែម)អស់ចំនួន៥តូបធំៗ ដែលហេតុការណ៍នោះបានកើតឡើងកាលពីវេលាម៉ោង
ខេត្តត្បូងឃ្មុំ ៖ គ្រោះអគ្គិភ័យមួយបានកើតឡើងដោយបានឆាបឆេះរោងលក់ដូរ(លក់គ្រឿងក្លែម)អស់ចំនួន៥តូបធំៗ ដែលហេតុការណ៍នោះបានកើតឡើងកាលពីវេលាម៉ោង
ខេត្តត្បូងឃ្មុំ ៖ គ្រោះអគ្គិភ័យមួយបានកើតឡើងដោយបានឆាបឆេះរោងលក់ដូរ(លក់គ្រឿងក្លែម)អស់ចំនួន៥តូបធំៗ ដែលហេតុការណ៍នោះបានកើតឡើងកាលពីវេលាម៉ោង៣ និង៥៥នាទីរសៀល ថ្ងៃទី២៣ ខែមេសា ឆ្នាំ២០១៦ ចម្ងាយពីស្ពានមាត់ឃ្មង់១០០ម៉ែត្រ ស្ថិតក្នុងភូមិទួលវិហារ ឃុំជីរោទ៍ទី២ ស្រុកត្បូងឃ្មុំ ត្រូវបានរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ចាម២គ្រឿង និង១គ្រឿងទៀតរបស់ស្នងការដ្ឋាននគរបាលខេត្តត្បូងឃ្មុំ បានចេញទៅជួយអន្តរាគមន៍បាញ់ទឹកពន្លត់ ។
សមត្ថកិច្ចនៅកន្លែងកើតហេតុបានឲ្យដឹងថា ដំបូងមានភ្លើងបានឆាបឆេះចេញពីព្រៃលិចទឹក ដែលស្ថិតនៅខាងត្បូងផ្លូវជាតិលេខ៧ អាចមានមនុស្សដុតព្រៃដើម្បីវាតដីធ្វើចម្ការ តែដោយសាររដូវប្រាំងភ្លើងបានឆាបឆេះយ៉ាងសន្ធោរសន្ធៅដោយមានផ្សែងហុយទៅលើអាកាសហើយផ្កាភ្លើងបានប៉ើងធ្លាក់មកលើដំបូលរោងលក់គ្រឿងក្លែមរបស់ពលរដ្ឋបង្កឲ្យឆាបឆេះយ៉ាងលឿន ព្រោះសុទ្ធសឹងតែប្រក់ស្បូវ ដោយបានឆេះឆ្លងពីតូបមួយទៅតូបមួយទៀតរហូតអស់៥តូបធំៗ ។
សមត្ថកិច្ចបានប្រាប់បន្តឲ្យដឹងទៀតថា កម្លាំងពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ចាមដែលប្រចាំការ២៤ម៉ោងលើ២៤ម៉ោង ពេលដែលប្រជាពលរដ្ឋបានរាយការណ៍ប្រាប់ ក៏ប្រញាប់ចេញរថយន្តពន្លត់អគ្គិភ័យ២គ្រឿងចេញមកជួយអន្តរាគមន៍បាញ់ទឹកពន្លត់ ។ ដោយមានទាំងកម្លាំងទាហាន និងក្រោមកិច្ចសហការជាមួយនឹងនគរបាលស្រុកត្បូងឃ្មុំ ធ្វើឲ្យភ្លើងបានរលត់ទៅវិញជាបណ្ដើរៗ បន្ទាប់មកទៀតគេបានឃើញរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តត្បូងឃ្មុំ១គ្រឿងទៀតបានចេញមកជួយបាញ់ទឹកពន្លត់ផងដែរ ។
លោកវរសេនីយ៍ត្រី ឃួន កន្ថាប់ អធិការរងនគរបាលស្រុកត្បូងឃ្មុំ ប្រាប់ឲ្យដឹងដែរថា អគ្គិភ័យនេះបានឆេះអស់តូបលក់ដូរ(លក់គ្រឿងក្លែប)៥តូប ដែលសាងសង់អំពីឈើប្រក់ស្បូវ ក្នុងនោះម្ចាស់តូបមាន ១-ឈ្មោះ អូន សេងហ៊ាង ភេទប្រុស អាយុ៤៥ឆ្នាំ អស់១តូបទំហំ៧ម៉ែត្រគុណ១២ម៉ែត្រ ម្ចាស់មិននៅ, ២-ឈ្មោះ ហេន ណារ៉ុង ហៅទ្រី ភេទប្រុស អាយុ៣២ឆ្នាំ អស់៣តូប ក្នុងនោះ ទំហំ៦ម៉ែត្រគុណ១៨ម៉ែត្រ, ៥ម៉ែត្រគុណ១០ម៉ែត្រ ចំនួន២តូប និង ៣-ឈ្មោះ ផេន ណារ៉ាត់ ភេទស្រី អាយុ៣៧ឆ្នាំ អស់១តូបទំហំ៦គុណ១២ម៉ែត្រ ម្ចាស់មិននៅ ។
លោកវរសេនីយ៍ត្រី ឃួន កន្ថាប់ បន្តឲ្យដឹងទៀតថា ក្នុងការសង្គ្រោះនោះបានប្រើប្រាស់អស់ទឹកចំនួន៧រថយន្ត ហើយមិនមានអ្នកណាម្នាក់រងគ្រោះដោយសារគ្រោះអគ្គិភ័យខាងលើនោះទេ សកម្មភាពមនុស្សជួយពន្លត់ភ្លើងមានរហូតដល់ទៅរាប់សិបនាក់ រហូតដល់វេលាម៉ោង៦ និង៣០នាទីល្ងាច ទើបភ្លើងបានរលត់ទាំងស្រុង ៕
ចែករំលែកព័តមាននេះ