ខ្មែរ និងឡាវ២នាក់ជាប់ទោស ដោយសារបំពុលត្រី
ខេត្តស្ទឹងត្រែង ៖ ជនសង្ស័យចំនួន២នាក់មានម្នាក់ជាជនជាតិខ្មែរ និងម្នាក់ទៀតជាជនជាតិឡាវ ត្រូវបានសមត្ថកិច្ចជំនាញធ្វើការចាប់ខ្លួនខណៈដែលពួកគេទាំង២នាក់
ខេត្តស្ទឹងត្រែង ៖ ជនសង្ស័យចំនួន២នាក់មានម្នាក់ជាជនជាតិខ្មែរ និងម្នាក់ទៀតជាជនជាតិឡាវ ត្រូវបានសមត្ថកិច្ចជំនាញធ្វើការចាប់ខ្លួនខណៈដែលពួកគេទាំង២នាក់
ខេត្តស្ទឹងត្រែង ៖ ជនសង្ស័យចំនួន២នាក់មានម្នាក់ជាជនជាតិខ្មែរ និងម្នាក់ទៀតជាជនជាតិឡាវ ត្រូវបានសមត្ថកិច្ចជំនាញធ្វើការចាប់ខ្លួនខណៈដែលពួកគេទាំង២នាក់នោះប្រព្រឹត្តបទល្មើសនេសាទដោយប្រើប្រាស់សារធាតុពុលកាលពីព្រឹកថ្ងៃទី២២ ខែមេសា ឆ្នាំ២០១៦ នៅចំណុចកន្ទុយអន្លុងចេក ភូមិអន្លុងស្វាយ ឃុំព្រះរំកិល ស្រុកថាឡាបរិវ៉ាត់។ លោកដៀប បូរ៉ា នាយរងខណ្ឌរដ្ឋបាលជលផលខេត្តស្ទឹងត្រែងបានឲ្យដឹងថាជនសង្ស័យទាំង២នាក់ត្រូវបានបញ្ជូនមកដល់ខណ្ឌរដ្ឋបាលជលផលនៅវេលាម៉ោង៣រសៀលថ្ងៃទី២២ ខែមេសា២០១៦ បន្ទាប់ពីត្រូវកម្លាំងសមត្ថចាប់ខ្លួនជាមួយបទល្មើសជាក់ស្តែងកាលពីព្រឹកថ្ងៃដដែលនេះ។
លោកនាយរងខណ្ឌរូបនេះបានបន្តថាជនសង្ស័យបានប្រើប្រាស់ថ្នាំពុលលាយជាមួយនឹងបាយតំណើបស ទម្លាក់ទឹកដើម្បីបំពុលត្រីតែត្រូវកម្លាំងជំនាញរួមសហការណ៍ជាមួយនគរបាលប៉ុស្តិ៍រដ្ឋបាលឃុំព្រះរំកិល ឆ្មាំទន្លេអន្លុងឈើទាល និងយោធាវរៈសេនាតូចការពារព្រំដែន១០១ធ្វើការចាប់ខ្លួននៅនឹងកន្លែងកើតហេតុ។ លោកនាយរងខណ្ឌបានបញ្ជាក់បន្ថែមថាការចាប់ខ្លួនជនសង្ស័យទាំងពីរនាក់ខាងលើជំនាញបានដកហូតវត្ថុតាងរួមមានទូកអេវមួយគ្រឿង ម៉ាស៊ីនហុងដាកម្លាំង៦សេសមួយ ថ្នាំបំពុលមួយកំប៉ុង បាយតំណើបមួយធុងតូច កន្ត្រកមួយ សំណាញ់មួយ កាបូបមួយ ជំពាមកៅស៊ូមួយ គោមឆ្លុះមួយ និងថ្នងដងត្រីមួយ។ ក្រោយការឃាត់ខ្លួនជនសង្ស័យទាំង២នាក់មកដល់ខណ្ឌរដ្ឋបាលជលផលស្ទឹងត្រែងជំនាញក៏បានធ្វើការសាកសួរបន្ថែមជុំវិញការប្រព្រឹត្តបទល្មើសនោះ និងចោទប្រកាន់ពីបទល្មើសនេសាទដោយសារធាតុពុលក្នុងមាត្រា៩៨នៃច្បាប់ជលផលដែលត្រូវផ្តន្ទាទោស ក្រោមបទល្មើសជលផលថ្នាក់ទីមួយដែលត្រូវដាក់ពន្ធនាគារពី៣ឆ្នាំទៅដល់៥ឆ្នាំ និងវត្ថុតាងទាំងអស់ត្រូវរឹបអូសជាសម្បត្តិរដ្ឋឬបំផ្លាញចោល។
ពាក់ព័ន្ធករណីបទល្មើសនេសាទដោយខុសច្បាប់នៅស្ទឹងត្រែងគិតចាប់ពីខែមករា២០១៦ រហូតមកដល់ខែមេសា ២០១៦នេះកើតមានបទល្មើសចំនួន៣លើកឃាត់ខ្លួនជនសង្ស័យចំនួន៤នាក់ក្នុងនោះមានករណីឆក់ចំនួន២លើក និងករណីបំពុលមួយលើក។ ជនសង្ស័យពាក់ព័ន្ធករណីបទល្មើសនេសាទនោះដែរជំនាញបានកសាងសំណុំរឿងបញ្ជូនទៅតុលាការ និងឃុំខ្លួនជាបណ្តោះអាសន្នក្នុងពន្ធនាគាររួចហើយដែរ៕
ចែករំលែកព័តមាននេះ