ក្រុមហ៊ុនសាំស៊ុងកំពុងផលិតស្មាតហ្វូនថ្មីស្ថិតក្នុងត្រកូល «C» ដែលមានកូដឈ្មោះថា SM-C5000 ។ ស្មាតហ្វូនត្រកូល C ថ្មីនេះនឹងមានលក្ខណៈពិសេស ពោលគឺស្រោបលោហធាតុ ហើយវានឹងចូលរោងចក្រផលិតនៅខែឧសភាព្រមទាំងជ្រើសរើសប្រទេសចិនជាគោលដៅទីផ្សារធំជាងគេ ។
រហូតមកដល់ពេលបច្ចុប្បន្ននេះក្រុមហ៊ុនសាំស៊ុងបានផលិតស្មាតហ្វូនស៊េរី A, J, S, និងម៉ូដែលផ្សេងទៀត ។ ត្រកូល C គឺជាស៊េរីថ្មីរបស់ក្រុមហ៊ុនដើម្បីដណ្តើមទីផ្សារភាគហ៊ុន និងប្រកួតប្រជែងជាមួយក្រុមហ៊ុនដទៃទៀត ខណៈបច្ចុប្បន្នសាំស៊ុងក្លាយជាក្រុមហ៊ុនឈានមុខគេក្នុងការនាំចេញស្មាតហ្វូនទៅកាន់ទីផ្សារពិភពលោក ៕
ចែករំលែកព័តមាននេះ