បុរសម្នាក់ដែលមានលិង្គកើតពីការវះកាត់កែច្នៃរបស់វេជ្ជបណ្ឌិត ដោយសារលិង្គកំណើតបាត់បង់ក្នុងគ្រោះថ្នាក់នោះ បានសាកល្បងរួមភេទលើកដំបូងប្រកបដោយជោគជ័យ។ ម៉ូហាម៉េត អាបាត នៅទីក្រុង Edinburgh ប្រទេសស្កុតលែនត្រូវរថយន្តប៉ះទង្គិចកាលពីអាយុ៦ឆ្នាំ ហើយទាញអូសរយៈចម្ងាយជាង៥០០ម៉ែត្រ បណ្តាលឱ្យរបួសខូចបង់អវយវៈភេទ ។
កាលពីឆ្នាំ២០១២ អាបាត បានចំណាយប្រាក់ជិត១០ម៉ឺនដុល្លារវះកាត់នៅសាកលវិទ្យាល័យ University College London ដោយប្រើស្បែកដៃរបស់គេបង្កើតជាលិង្គថ្មី ។ បន្ទាប់ពីវះកាត់រួច ម៉ូហាម៉េត អាបាត អាយុ ៤៤ឆ្នាំ បានរួមភេទជាលើកដំបូងប្រកបដោយជោគជ័យជាមួយស្រីពេស្យានាងឆាឡូត រ៉ូស។ ម៉ូហាម៉េត អាបាត និយាយប្រាប់គេហទំព័រ The Mirror ថា «ការរួមភេទពិតជាសុខស្រួលគ្មានអ្វីប្រៀបប្រដូចបានទេ ។ ខ្ញុំបានរង់ចាំថ្ងៃនេះតាំងពីអាយុ១៨ឆ្នាំមកម៉្លេះ» ។
ម៉ូហាម៉េត អាបាត និងនាងឆាឡូត រ៉ូស បានចំណាយពេលពីរបីថ្ងៃស្គាល់គ្នាមុនពេលចូលសណ្ឋាគារក្នុងក្រុងឡុងដ៍ ដើម្បីរួមរ័កជាមួយគ្នា ។
នាងរ៉ូស ដែលតែងតែបម្រើផ្លូវភេទក្នុង១ម៉ោងយកថ្លៃ២២៦,១៣ដុល្លារនោះ ពីដំបូងបដិសេធនឹងអាម៉េត ដោយលើកហេតុផលថា «ការរួមភេទគឺជាកិត្តិយសពិតប្រាកដមួយត្រូវតែសម្រេចឱ្យច្បាស់ព្រោះតែការរួមភេទជាលើកដំបូងគឺជាការចងចាំពិសេសក្នុងជីវិតរបស់អ្នកដែលមិនអាចបំភ្លេចបាន» ។
ការវះកាត់លិង្គតែងតែធ្វើឡើងសម្រាប់បុរសដែលមានបញ្ហាលិង្គមិនប្រក្រតី រួមទាំងបុរសវះកាត់យកក្រពេញប្រូស្តាតរបស់ពួកគេចេញបន្ទាប់ពីមហារីក និងបុរសមួយចំនួនទៀតមានជំងឺប៉ះពាល់ដល់ត្រគាក និងលិង្គ ។ ការវះកាត់អនុញ្ញាតឱ្យរួមភេទបាន តែការបន្តពូជជារឿងពិបាក គឺស្ថិតក្នុងអត្រាទាបបំផុត។ ទោះជាយ៉ាងណាក្តី អាបាតនិយាយថា ការសាកល្បងលើមេជីវិតឈ្មោល គឺរូបគេអាចមានលទ្ធភាពផ្តល់កំណើតឱ្យកូនបាន ៕
ចែករំលែកព័តមាននេះ