ក្រុមហ៊ុន Apple បានបញ្ជាទិញអេក្រង់ OLED ទំហំ៥.៥អីុញ ចំនួន១០០លានបន្ទះសម្រាប់ការផលិត iPhone ស៊េរីថ្មីនៅឆ្នាំ២០១៧ គឺ iPhone 7S ។ ក្រុមហ៊ុនសាំស៊ុងក៏បានកំណត់ខ្សែសង្វាក់ផលិតកម្ម ពោលគឺក្រុមហ៊ុន Asan ជាអ្នកផ្គត់ផ្គង់ការបញ្ជាទិញនេះ ។
អ្នកវិភាគប្រចាំក្រុមហ៊ុន KGI លោក Ming Chi Kuo ជឿជាក់ថា iPhone 7 Plus នឹងមានទំហំ៥.៨អុីញ ។ ហេតុផលនៅពីក្រោយការជ្រើសរើសយកបន្ទះអេក្រង់ OLED មកបំពាក់លើផលិតជំនាន់ថ្មីរបស់ខ្លួននោះ គឺមានតម្លៃទាបជាងបន្ទះអេក្រង់ LCD ។
នេះមិនមែនជារឿងថ្មីទេសម្រាប់ក្រុមហ៊ុនសាំស៊ុងក្នុងការសហការលើមុខជំនួញបន្ទះអេក្រង់ ពោលគឺក្រុមហ៊ុនបានក្លាយជាគន្លឹះដៃគូពាណិជ្ជកម្មរបស់ក្រុមហ៊ុន Apple លើការផលិតអេក្រង់ iPhone តាំងពីយូរណាស់មកហើយ ៕
ចែករំលែកព័តមាននេះ