រាជធានីភ្នំពេញ ៖ ថ្មីៗនេះ ក្រុមហ៊ុន Huawei ដាក់លក់ជាផ្លូវការនូវស្មាតហ្វូនស៊េរីថ្មី Huawei Y6 Pro ដែលមានថាមពលថ្ម រហូតដល់ 4000 mAh ដើម្បីចូលខ្លួនប្រជែងទីផ្សារ និងតម្រូវចិត្តអតិថិជនដែលចង់បានទូរស័ព្ទស្មាតហ្វូនមានថាមពលថ្មខ្លាំង។ Huawei Y6 Pro ត្រូវបានក្រុមហ៊ុនរចនាឡើងប្រណីតជាមួយម៉ូតរលកទឹកដ៏ស្រស់ស្អាត ដែលវាពិតជាទាក់ទាញការចាប់អារម្មណ៍យ៉ាងខ្លាំង។ មិនតែប៉ុណ្ណោះ Huawei Y6 Pro អាចប្រើបានស៊ីមដល់ទៅពីរទ្រទ្រង់បច្ចេកវិជ្ជា 4GLTE និងអាចបន្ថែមម៉េមូរីក្រៅផងដែរ។ ទូរស័ព្ទនេះត្រូវបានក្រុមហ៊ុនបន្ថែមសមត្ថភាពថាមពលថ្ម 4000 mAh ធ្វើឲ្យអ្នកប្រើប្រាស់អាចរីករាយ មើលវីដេអូ និយាយទូរស័ព្ទ ឬលេងហ្គេម រហូតដល់អស់កម្លាំងតែមិនអស់ថ្ម ពោលគឺពុំចាំបាច់ព្រួយបារម្ភពីបញ្ហាអស់ថ្ម។
លោក អែម យុទ្ធូ នាយកជាន់ខ្ពស់ផ្នែកទីផ្សារក្រុមហ៊ុន Huawei ប្រចាំនៅកម្ពុជាបានឲ្យដឹងថា ក្រុមហ៊ុន Huawei មានប្រភេទស្មាតហ្វូនច្រើនម៉ូឌែលចាប់ពីតម្លៃទាបរហូតដល់ខ្ពស់ ប៉ុន្តែសម្រាប់ការដាក់ចេញនូវទូរស័ព្ទប្រភេទY6 Pro នេះ ក្រុមហ៊ុនមានបំណងចង់ផ្ដល់ជូនអតិថិជននូវស្មាតហ្វូនមួយដែលមានសមត្ថភាពខ្លាំងតម្លៃសមរម្យ និងមានថាមពលថ្មកាន់បានយូរ។
លោក យុទ្ធូ បានថ្លែងថា «យើងចង់ផ្ដល់ជូននូវទូរស័ព្ទមួយដែលមានគុណភាពល្អ។ ជាមួយ Huawei Y6 Pro អតិថិជនពិតជាពេញចិត្តលើសមត្ថភាពថ្មទំហំ 4000 mAh ជាពិសេសអ្នកនិយមប្រើទូរស័ព្ទមានថាមពលខ្លាំង»។ Huawei Y6 Pro បំពាក់កាមេរ៉ាក្រោយទំហំ 13Mp កាម៉េរាមុខទំហំ 5Mp ដែលបង្កភាពងាយស្រួល យ៉ាងខ្លាំងសម្រាប់ផ្តិតយករូបភាពនានា ក៏ដូចជាការថតរូប Selfie បានយ៉ាងស្រស់ស្អាតជាមួយនឹងមុខងារ Beauty Mode។ ចំពោះប្រព័ន្ធប្រតិបត្តិការវិញ Huawei Y6 Pro ត្រូវបានបង្កើតឡើងជាមួយ CPU MT6735P 4×1.3GHz, Andriod Lollipop 5.1, Ram 2GB និង Rom 16GB ហើយអាចថែម Memory ខាងក្រៅរហូតដល់ 64GB។
លោក យុទ្ធូ ជាន់ខ្ពស់ផ្នែកទីផ្សារក្រុមហ៊ុន Huawei ប្រចាំនៅកម្ពុជា បន្ថែមថា «ឥឡូវនេះ មហាជនអាចជាវ Huawei Y6 Pro នៅគ្រប់សាខាទូទាំងប្រទេស ជាមួយនឹងតម្លៃមិនគួរឱ្យជឿ គឺត្រឹមតែ១៧៤ $ ប៉ុណ្ណោះ ជាមួយនឹងកាដូ និងរង្វាន់ពិសេសយ៉ាងច្រើនសន្ធឹកសន្ធាប់»។
ចែករំលែកព័តមាននេះ