រាជធានីភ្នំពេញ ៖ តារាល្បីល្បាញចំនួនពីរដួងដែលអញ្ជើញចូលរួមក្នុងវគ្គផ្តាច់ព្រ័ត្តនៃការប្រកួតបាល់ទះលើឆ្នេរខ្សាច់របស់ស្រាបៀរអាន់ឆ័រ២០១៦ក្នុងខេត្តព្រះសីហនុ ត្រូវបានទទួលការស្វាគមន៍យ៉ាងកក់ក្តៅ និងសាទរពីក្រុមអ្នកគាំទ្រកីឡាយ៉ាងច្រើនកុះករ ។
ម្ចាស់ជើងឯកបាល់ទះអន្តរជាតិ Cha Cruz និង Katreeya English ដែលជាតារាសម្តែង តារាចម្រៀង និងតារាដើរម៉ូដដ៏ល្បីឈ្មោះបានសម្តែងនូវក្តីរីករាយដែលស្រាបៀរAnchor បានអញ្ជើញឱ្យចូលរួមជាភ្ញៀវ ពិសេសដើម្បីគាំទ្រដល់កម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ ២០១៦ ជាពិសេសម្ចាស់ជើងឯកបាល់ទះអន្តរជាតិ Cha Cruz បានចែករំលែកបទពិសោធន៍មួយចំនួនជាមួយកីឡាករបាល់ទះកម្ពុជាអំពីរបៀបទទួលបាល់ របៀបថែបាល់ និងរបៀបលេងបាល់លើឆ្នេរខ្សាច់ និងបច្ចេកទេសមួយចំនួនទៀតក្នុងការលេងបាល់ទះលើខ្សាច់យ៉ាងស្ទាត់ជំនាញដើម្បីយកប្រៀប និងយកឈ្នះលើគូប្រកួត ។
នេះជាកាដូពិសេសគួរឲ្យភ្ញាក់ផ្អើលដែលស្រាបៀរអាន់ឆ័របានរៀបចំអញ្ជើញតារាទាំងពីរដួងមកព្រះរាជាណាចក្រកម្ពុជា ដើម្បីជួយបង្កើតបរិយាកាសសប្បាយរីករាយអស្ចារ្យសម្រាប់វគ្គផ្តាច់ព្រ័ត្រនៃព្រឹត្តិការណ៍នេះដែលបានប្រារព្ធធ្វើឡើងក្នុងអំឡុងពេលចូលឆ្នាំខ្មែរបុណ្យប្រពៃណីជាតិចាប់ពីថ្ងៃទី១៣ដល់១៥ ខែមេសា នៅឆ្នេរអូរឈើទាល អារីស្តុន ក្រុងព្រះសីហនុ ។
កីឡាការិនីបាល់ទះសញ្ជាតិហ្វ៊ីលីពីនល្បីឈ្មោះ Cha Cruz គឺកីឡាការិនីអាជីព និងជាឯកអគ្គរដ្ឋទូតតំណាងឲ្យក្របខ័ណ្ឌលីក Super Liga នៃប្រទេសហ្វ៊ីលីពីន ។ កីឡាការិនីបានជាប់ឈ្មោះជា «កីឡាការិនីដែលមានតម្លៃបំផុត» ចំនួនពីរដងដោយសមាគមបាល់ទះ UAAP និងទទួលជ័យលាភីជើងឯកបាល់ទះ UAAP ក្នុងឆ្នាំ ២០១១ និងឆ្នាំ២០១២ ។
ចំណែកឯកញ្ញា Katreeya English គឺជាតារាសម្តែង តារាចម្រៀង និងជាតារាដើរម៉ូដដ៏ល្បីល្បាញដែលបានកើតនៅប្រទេសអង់គ្លេស និងមានប្រជាប្រិយភាពនៅអាស៊ី ។ នាងបានថតចម្រៀងជាច្រើនបទជាមួយផលិតកម្ម GMM Grammy និងចេញអាល់ប៊ុមចម្រៀងចំនួន៥ ដោយទទួលបានការគាំទ្រ និងជោគជ័យយ៉ាងខ្លាំង ហើយជាពិសេសបានសម្តែងក្នុងខ្សែភាពយន្ត និងរឿងភាគជាច្រើន ។
ការប្រកួតបាល់ទះលើឆ្នេរខ្សាច់របស់ស្រាបៀរអាន់ឆ័រចាប់ផ្តើមដំបូងនៅឆ្នាំ២០១៤ និងបានក្លាយជាព្រឹត្តិការណ៍កីឡាដ៏ធំជាងគេនៅក្នុងប្រទេសកម្ពុជា ដែលបានទាក់ទាញទស្សនិកជនជាច្រើនរាប់ពាន់នាក់ចូលរួមក្នុងខេត្តបាត់ដំបង ខេត្តសៀមរាប និងខេត្តកំពង់ចាម នៅឆ្នាំនេះ ។
តារាល្បី Cha Cruz និង Katreeya English មានក្តីរំភើបខ្លាំងណាស់ដែលបានមកទស្សនាប្រទេសកម្ពុជា ជាពិសេសខេត្តព្រះសីហនុ ដើម្បីបង្ហាញទេពកោសល្យ និងសម្តែង ពិសេសដើម្បីពាំនាំនូវភាពសប្បាយរីករាយសម្រាប់ទស្សនិកជនដែលចូលរួមក្នុងកម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ និងលើកទឹកចិត្តក្រុមបាល់ទះទាំងអស់ឱ្យរួបរួមគ្នាដើម្បីប្រកួតប្រជែងយកតំណែងជើងឯកបាល់ទះឆ្នេរខ្សាច់របស់ស្រាបៀរអាន់ឆ័រ ៕
ចែករំលែកព័តមាននេះ