ទឹកត្រជាក់ដាក់ទឹកកកមួយកែវពេញល្អបំផុត សម្រាប់អ្នកក្នុងរដូវក្តៅ ឬបន្ទាប់ពីការធ្វើការងារដ៏ហត់នឿយមួយ ។ ទឹកត្រជាក់ ក៏ត្រូវបានគេនិយាយផងដែរថា វាអាចជួយអោយរាងកាយមានថាមពលល្អ នៅក្នុងពេលព្រឹក ។ តែទោះជាយ៉ាងណាក្តី ការ ផឹកទឹកក្តៅឧណ្ឌៗ គឺពិតជាបានផ្តល់នូវអត្ថប្រយោជន៍ជាច្រើនចំពោះសុខភាព ។
មិនថា ទឹកក្តៅឧណ្ឌៗ ឬត្រជាក់ក៏ដោយរ ការក្សាអោយរាងកាយអ្នកមានជាតិទឹកគ្រប់គ្រាន់ គឺជាវិធីដ៏វិសេសមួយ ក្នុងការរក្សាសុខភាព និងអារម្មណ៍របស់អ្នកអោយបានស្រស់ថ្លា ។ តែអ្នកគួរធ្វើការពិចារណាឡើងវិញ អំពីការជ្រើសរើសយក ទឹក ក្តៅឧណ្ណៗមកផឹកអោយបានប៉ុន្មានកែវជារៀងរាល់ថ្ងៃ ។
ខាងក្រោម នេះ គឺ គុណសម្បត្តិ នៃ ការ ផឹកទឹក ក្តៅឧណ្ណៗ ៖
- ជួយ ធ្វើអោយ មុខងារ របស់ ដណើការ របស់ ការរំលាយ អាហារ និង ពោះវៀន ល្អប្រសើរ ជាង មុន
- ការផឹកទឹកក្តៅឧណ្ឌៗក្នុងអំឡងពេលនៃការទទួលទានអាហារ អាចជំនួយដល់ដំណើរការនៃការរំលាយអាហារ ។ វាជួយក្នុងការបំបែកអាហារ នៅក្នុងក្រពះនេះ បើយោងតាមសម្តីរបស់គ្រូពេទ្យជំនាញ ផ្នែក ក្រពះ ពោះវៀន លោក វេជ្ជបណ្ឌិត Michael F.Picco ។ ទឹកក្តៅ ក៏អាចជួយផងដែរ ក្នុងការរំលាយ អាហារចាស់ៗ ដែលនៅសល់ជាប់នៅក្នុងបំពង់រំលាយអាហារ , ជួយសម្អាតពោះវៀន ដោយការលាង ជំរះ បំពង់អាហារផ្នែកខាងក្នុង ជាមួយនឹងទឹកក្តៅឧណ្ឌៗនេះ ។ ម្យ៉ាងវិញទៀត ការផឹកវាជាប្រចាំក៏អាចជួយផងដែរ ក្នុងការយកចេញនូវការកើនឡើងនូវកាកសំណល់ នៅក្នុងបំពង់អាហារ ។ ការផឹកទឹក្តៅឧណ្ឌៗ ដែលលាយជាមួយ នឹងទឹកក្រូចឆ្មារ ក៏អាចជួយសម្អាត កាកសំណល់ នៅក្នុងរាងកាយបានផងដែរ ហើយជាលទ្ធផលនោះ វានឹងធ្វើអោយមុខងាររបស់ពោះវៀនមានដំណើរការទៅបានរលូនជាងមុន ។ ជម្ងឺរាក និងបញ្ហាទល់លាមក ក៏អាចនឹងត្រូវបង្ការបានផងដែរ ។
- ជួយបញ្ចេញជាតិពុលចេញពីក្នុងចិត្ត និងរាងកាយ
- ការផឹកទឹកក្តៅឧណ្ឌៗ អោយបានពីរបីដងនៅក្នុងមួយសប្តាហ៍ គឺផ្តល់គុណសម្បតិ្ត ក្នុងការបន្សាបជាតិពុលនេះ បើតាមសម្តីរបស់ប្លុកមួយដែលនិយាយអំពីអត្ថប្រយោជន៍ចំពោះសុខភាពនៃការផឹកទឹក ។ នៅពេលដែលអ្នកផឹកទឹកក្តៅ ឬក្តៅឧណ្ណៗនោះ កម្តៅរាងកាយរបស់អ្នកនឹងកើនឡើង ។ ហើយជាលទ្ធផលវានឹងធ្វើអោយបែកញើស ដែលជាដំណើរការធម្មជាតិមួយ ក្នុងការជួយអោយរាងកាយត្រជាក់ស្រួល និងបន្ថែមនូវសារប្រយោជន៍មួយទៀត គឺជួយបញ្ចេញជាតិពុលចេញពីក្នុងខ្លួន ។ វិធីនេះ គឺអាចជួយ ក្នុងការសម្អាតចរន្តឈាម ។ វាប្រៀបដូចជាការចូលទៅក្នុងបន្ទប់សូណា ដូច្នោះដែរ ។ ដោយសារតែ ជាតិពុលត្រូវបានយកចេញពីក្នុងរាងកាយបាននោះ មានអ្នកថែរក្សាសុខភាពតាមបែបធម្មជាតិជាច្រើន បានជឿថា ការផឹទឹកក្តៅឧណ្ណៗ ក៏អាចជួយធ្វើអោយអារម្មណ៍ផ្លូវចិត្តស្រស់ស្រាយបានដែរ ។
- ជួយសម្អាតច្រមុះ និងបំពង់ក
- ការផឹកទឹកក្តៅ ឬក្តៅឧណ្ឌៗ អាចជាវិធីដ៏មានប្រសិទ្ធភាពមួយ ក្នុងការជួយសម្អាត និងសម្រាលដល់អាការៈនៃការ តឹងច្រមុះ ដោយសារតែជម្ងឺផ្តាសាយ , អាលែហ្សី ឬគ្រុនផ្តាសាយជាដើម ។ ការផឹកទឹកនេះ ក៏ អាចជួយបន្ថយនូវការប្រមូលផ្តុំឡើងនៃស្លេស្មនៅក្នុងរន្ធច្រមុះ ។ ភាពជាក់ស្តែងនៃការផឹកទឹកតែម្យ៉ាងគត់នោះ គឺវាជួយយកចេញនូវឥទ្ធិពលរបស់កាហ្វេអ៊ីននៃការធ្វើអោយបាត់បង់ជាតិទឹកដែលមាននៅក្នុង ប្រភេទភេសជ្ជះក្តៅៗដទៃទៀត មានដូចជាទឹកតែ និងកាហ្វេដែលអ្នកគួរតែធ្វើការ ចៀសវាងនៅពេលដែលអ្នកមានជម្ងឺ ។ លើសពីនេះទៅទៀត ទឹកក្តៅឧណ្ណៗ អាចជួយប្រឆាំងនឹងការក្អកដោយការយកចេញ នូវកំហាក ឬស្លេស្មចេញពីក្នុងផ្លូវដង្ហើម ៕
ប្រភព: www.health.com.kh
ចែករំលែកព័តមាននេះ