រាជធានីភ្នំពេញ ៖ បុរសម្នាក់ត្រូវគេស្គាល់ថា ជាអនុប្រធានផ្នែកវះកាត់ ត្រូវបុរសវិកលចរិកវាយបែកមាត់ និងឈាមច្រមុះ ខណៈកំពុងផឹកស៊ី ដែលហេតុការណ៍នេះបង្កឱ្យភ្ញាក់ផ្អើល កាលពីវេលាម៉ោង៧យប់ថ្ងៃទី១០ មេសា ២០១៦ ស្ថិតនៅភូមិពោងពាយ ផ្លូវលំ ក្នុងសង្កាត់ភ្នំពេញថ្មី ខណ្ឌសែនសុខ ។
រាជធានីភ្នំពេញ ៖ បុរសម្នាក់ត្រូវគេស្គាល់ថា ជាអនុប្រធានផ្នែកវះកាត់ ត្រូវបុរសវិកលចរិកវាយបែកមាត់ និងឈាមច្រមុះ ខណៈកំពុងផឹកស៊ី ដែលហេតុការណ៍នេះបង្កឱ្យភ្ញាក់ផ្អើល កាលពីវេលាម៉ោង៧យប់ថ្ងៃទី១០ មេសា ២០១៦ ស្ថិតនៅភូមិពោងពាយ ផ្លូវលំ ក្នុងសង្កាត់ភ្នំពេញថ្មី ខណ្ឌសែនសុខ ។
ប្រភពឱ្យដឹងថា ជនរងគ្រោះឈ្មោះតូ រិទ្ធី ជាអនុប្រធានផ្នែកវះកាត់ ចំណែកឯជនបង្កជា ជាមនុស្សវិកលចរិក មិនស្គាល់អត្តសញ្ញាណ ។
តាមប្រភពឱ្យដឹងថា មុនពេលកើតហេតុ ជនរងគ្រោះកំពុងតែមានកម្មវិធីផឹកស៊ីនៅផ្ទះមិត្តភក្ដិនៅកន្លែងកើតហេតុខាងលើ ខណៈនោះ ស្រាប់តែមានបុរសវិកលចរិកម្នាក់ ដើរចូលមក ហើយបានដើរអុកឡុក បង្កឱ្យឈ្លោះប្រកែកជាមួយនិងជនរងគ្រោះ តែពេលនោះ ជនរងគ្រោះមិនបានដឹងថា បុរសខាងលើជាមនុស្សវិកលចរិកទេ ហើយក៏ទៅឈ្លោះប្រកែកគ្នាជាមួយ និងបុរសវិកចរិកនោះវិញ រហូតបង្កទៅជាហិង្សាកើតឡើង ហើយខាងបុរសវិកលចរិកនោះ បានវាយជនរងគ្រោះមួយដៃ បណ្ដាលឱ្យបែកមាត់ហូរឈាមច្រមុះ ។
ក្រោយពេលកើតហេតុ ជនរងគ្រោះបានទាក់ទងទៅសមត្ថកិច្ចមួលដ្ឋានចុះមកកន្លែងកើតហេតុឃាត់ខ្លួនជនបង្ក ដើម្បីដាក់ពាក្យបណ្តឹង ទើបសមត្ថកិច្ចប្រាប់ថា ជនបង្កនោះជាមនុស្សវិកលចរិក ហើយកន្លងមក ជនបង្កតែងតែដើរវាយគេឯង បានចាប់យកទៅដាក់នៅមន្ទីរសង្គមកិច្ចជាច្រើនដងមកហើយ ។
ពេលដែលដឹងថា ជនបង្កជាមនុស្សវិកលចរិក ទើបជនរងគ្រោះមិនបានដាក់ពាក្យបណ្តឹងទេ បានទៅព្យាបាលរបួសដោយខ្លួនឯង។
ចែករំលែកព័តមាននេះ