ពួកបះបោរលីប៊ីពេលនេះស្ថិតនៅចម្ងាយយ៉ាងតិច១២០គ.ម ពីទីក្រុង SYRTE ដែលរងការទម្លាក់គ្រាប់បែករបស់កងកម្លាំងចម្រុះ ។បន្ទាប់ពីទទួលបានជ័យជំនះជាច្រើនមក ពួកបះបោរត្រូវបានបញ្ឈប់ដោយកងទ័ពលីប៊ីនៅត្រង់កន្លែងមួយចម្ងាយ១២០គ.ម ពីទីក្រុងSYRTE ជាទីក្រុងកំណើតរបស់លោកមូអាម៉ាកាដាហ្វី ។ ពួកគេរង់ចាំជំនួយថ្មីពីអាកាស ដើម្បីអាចរុលទៅមុខទៀត ។ ការវាយដណ្តើមយកទីក្រុងនេះនឹងជាទិសដៅសំខាន់មួយ ព្រោះវាជាតំបន់និមិត្តរូបមួយ ។
ក្រុម«ប្រាស្រ័យទាក់ទង» ដែលរួមមានប្រទេស៣៥ និងអង្គការអន្តរជាតិជាច្រើននឹងរួមប្រជុំគ្នានាថ្ងៃទី២៩ មីនា នៅទីក្រុងឡុងដ៍ ។ កិច្ចប្រជុំនេះនឹងអាចបំភ្លឺពីទិដ្ឋភាពនយោបាយ
នៃបញ្ជាការយោធាប្រតិបត្តិការនៅលីប៊ី ដែលប្រគល់ជាផ្លូវការទៅឱ្យអង្គការអូតង់ ។
នាយករដ្ឋមន្ត្រីអង់គ្លេសលោកកាមឺរ៉ូននិងប្រធានាធិបតីបារាំងលោកសាកូហ្ស៊ី បានអំពាវនាវដល់ក្រុមប្រឹក្សាជាតិបណ្តោះអាសន្នដែលតំណាងឱ្យពួកប្រឆាំងឱ្យរៀបចំការឆ្លងកាត់មួយ។ បន្ទាប់ពីបារាំងប្រទេសកាតាបានទទួលស្គាល់ក្រុមប្រឹក្សាជាតិនេះ ។ អ.ស.បបានសម្តែងការ ព្រួយបារម្ភចំពោះលទ្ធភាពនៃវិបត្តិមនុស្សធម៌ ជាពិសេសក្នុងផ្នែកនានានៃប្រទេសត្រួតត្រា ដោយរដ្ឋាភិបាល ។
លោកសាកូហ្ស៊ី និងលោកកាមឺរ៉ូន បានអំពាវនាវកាលពីថ្ងៃទី២៨ មីនា ដល់ពួកអ្នកគាំទ្រមេដឹកនាំលីប៊ី ឱ្យចាកចេញដើម្បីកុំឱ្យយឺតពេលទាន់ ។ នៅលើទីលានពួកបះបោរបានបង្អាក់ការរុលទៅមុខតាមផ្លូវទៅកាន់ទីក្រុង SYRTE ។ ការរុលទៅមុខរបស់ពួកបះបោរទៅកាន់ទីក្រុងនេះកាលពីថ្ងៃទី២៨ មីនា បានប៉ះទង្គិចគ្នាយ៉ាងខ្លាំង ជាមួយកងកម្លាំងរដ្ឋាភិបាល ។ ពួកប្រឆាំង មុននេះអះអាងខុសថា ពួកគេវាយដណ្តើមយកបានទីក្រុងកំណើតនេះរបស់លោកកាដាហ្វីហើយ ក៏ប៉ុន្តែបណ្តាអ្នកកាសែតនៅទីក្រុង SYRTE បានបដិសេធដោយគូសបញ្ជាក់ថា របបលោកកាដាហ្វីពុំមែនជាអ្នកបំផ្លើសព័ត៌មានឡើយ៕
ចែករំលែកព័តមាននេះ