ឥទ្ធិពលខ្យល់កន្ត្រាក់ បណ្ដាលឲ្យខូតខាតផ្ទះអស់៥ខ្នង
ខេត្តបាត់ដំបង ៖ នៅវេលាម៉ោង៣និង៣០នាទីរសៀល ថ្ងៃទី០៨ ខែមេសានេះ ស្ថិតក្នុងភូមិអូរ ឃុំរស្មីសង្ហា ស្រុករតនមណ្ឌល ។ មានគ្រោះធម្មជាតិខ្យល់កន្ត្រាក់មួយ
ខេត្តបាត់ដំបង ៖ នៅវេលាម៉ោង៣និង៣០នាទីរសៀល ថ្ងៃទី០៨ ខែមេសានេះ ស្ថិតក្នុងភូមិអូរ ឃុំរស្មីសង្ហា ស្រុករតនមណ្ឌល ។ មានគ្រោះធម្មជាតិខ្យល់កន្ត្រាក់មួយ បានបោកបក់ប៉ះលើផ្ទះប្រជាពលរដ្ឋ ស្ថិតនៅភូមិសាស្ត្រខាងលើ បណ្ដាលឲ្យខូចខាតផ្ទះសម្បែងចំនួន៥ខ្នង ក្នុងនោះមួយខ្នងត្រូវបានរលើងពីជើងតាំងតែម្តង ដែលមានម្ចាស់ផ្ទះឈ្មោះ ឡុង គីន ភេទប្រុស អាយុ៥២ឆ្នាំ។ ចំណែកឯម្ចាស់ផ្ទះទាំង៤ទៀតដែលរបើកដំបូលមាន ១.ឈ្មោះ ថុន លាភ ភេទស្រី អាយុ៦៧ឆ្នាំ ២.ឈ្មោះ ជិប ចាន់ ភេទប្រុស អាយុ៤២ឆ្នាំ ទី៣.ឈ្មោះ ចិន ចាញ ភេទប្រុស អាយុ២៥ឆ្នាំ និងទី៤.ឈ្មោះ ស៊ត សឿន ភេទប្រុស អាយុ៧១ឆ្នាំ ។ តាមការបញ្ជាក់របស់លោកមេបុស្ដិ៍រដ្ឋបាលឃុំរស្មីសង្ហា បានបញ្ជាក់ថា អាកាសធាតុពីល្ងាចមិញនេះមានភ្លៀងរលឹមបន្តិចបន្តួចប៉ុណ្ណោះ តែមានខ្យល់ខ្លាំង និងកន្ត្រាក់ថែមទៀតផង ទើបបណ្ដាលឲ្យខូតខាតផ្ទះសម្បែងប្រជាពលរដ្ឋបែបនេះ តែមិនមានគ្រោះថ្នាក់ដល់មនុស្សសត្វ និងផលដំណាំឡើយ ៕
ចែករំលែកព័តមាននេះ